Ana mäktividä baş qoşti

0
567 ret oqıldı

Ötkän häptidä Ämgäkçiqazaq nahiyäsiniŋ Qoram yezisidiki ottura mäktäptä mäzkür bilim därgahini 1976-jili tamamliğan sinipdaşlarniŋ uçrişişi bolup štti.  Ahirqi qoŋğuraq täntänisigä dahil bolğan  sabiq sinipdaşlar altun ugisi — ana mäktivi, bir partida oltirip, inaq ailiniŋ baliliridäk bolup kätkän sinipdaş-dostliri bilän hoşlişivatqan uçumkarlarni  sämimiy täbrikläp,  ularğa ümüt artqan  insanlarniŋ işänçä-eqidisini aqlaydiğanliğiğa tiläkdaşliğini bildürdi vä biyil birinçi sinipqa baridiğan  gšdäklärgä atiğan soğilirini täğdim qildi. Ömürniŋ soqmaqlirida çaçliriğa aq, üzlirigä qoruq çüşüp, bova-momilardin bolğan sabiq sinipdaşlarniŋ  häm mäzkür märasimğa täklip qilinğan «Uyğur mäktivini qollaş» fondiniŋ räisi, filologiya pänliriniŋ doktori, professor Alimҗan Tilivaldi bilän mäzkür qurlar muällipiniŋ qolidin mäniviy soğilarni  tapşuruvalğan uyğur sinipiniŋ bir top qabiliyätlik oquğuçiliri häm Pähriy yarliq, sertifikat alğan uyğur muällimliriniŋ  çehriliridä ümüt uçqunliri päyda bolup, šçüşkä yüzlängän milliy roh qayta oyğandi.  Märasimniŋ yänä bir mehmini «Aziya bügün» gezitiniŋ baş muhärriri, şairä Taşgül Һeziyarovaniŋ pärzäntlirimizni bilim elişqa dävät qilğan  qälb sšzliridin hayaҗanlanğan qarakšzlirimiz bügünki kündä  yaritilivatqan şarait-mümkinçiliklärdin muvapiq paydilanğan halda, süpätlik bilim vä aŋliq tärbiyä elişniŋ häm ana tilimizniŋ qädir- qimmitini çüşärmäy, uniŋğa hšrmät bilän qaraşniŋ zšrür ekänligini qälblirigä  siŋdürdi.

Sinipdaşlar mäyrimi yezida istiqamät qilivatqan sinipdişi Ğulam Helilovniŋ käŋ-taşa šyidä davamlaşti. U yärdä şoh nahşa-saz, häzil-çaqçaqlar täsiri astida qiriq jilliq seğiniş, kinäş sezimliri bilän suğirilğan jüräk qetidiki sšzlär eytilip, sämimiy tiläk-istäklär izhar qilindi. Duniyadin štkän ustazliri — Һenipahun Baratovni, Mšmün Һämraevni, Һevullam Gayitovni, İminҗan İminovni, Ärkin İdrisovni vä qaram äҗäl bevaqit arisidin elip kätkän sinipdişi Päridäm Turdibaqievani eçiniş bilän äskä elip, hatiriläp štti. Qoram yezisidin taşqiri, Almuta, Astana,  Oral vä başqa jiraq-yeqin yärlärdä istiqamät qilivatqanliğiğa qarimastin, moşundaq kšŋül yeqinliğiniŋ, bolupmu ana mäktivigä, ana jutiğa bolğan diqqät-etivarniŋ,  ğämhorluqniŋ jiraqlap kätmäsligi toğrisida hahiş bildürüldi. Umumän, bayaşayät raslanğan aq dästihan ätrapida peşqädäm ustazlar Baqi Mäsimov, Gülҗahan Baratova vä Rizvangül Mämirova şagirtliri namiğa yahşi sšz, izgü tiläklirini izhar qilişti.

Sabiq sinipdaşlarniŋ şatliği şunçilik boldiki, hämmisi çetidin nahşiçi häm hazirҗavap çaqçaqçiğa aylinip kätti. Ular novät bilän  oquğuçiliq  dävirlirini  äslişip, ustazlirini külkigä  ğäriq qildi.

Uçrişiş qatnaşquçiliri ahirida moşundaq ästin çiqmas didar-ğenimät dämliriniŋ  asasiy täşäbbuskarliri bolğan Һakimҗan Aznibaqiev bilän Perizäm Äysarovağa çäksiz minnätdarliğini bildürüp, bir-biri bilän qiymay hoşlaşti.

Şämşidin AYuPOV.

Ämgäkçiqazaq  nahiyäsi.

Bälüşüş

Javap qalduruŋ