Didar ğenimät

0
468 ret oqıldı

Mälumki, 1967-jilğiçä Çeläk täväsidä yalğuz 10 jilliq mäktäp moҗut bolup, yeza-yezilardiki toluqsiz ottura mäktäplärdin keyin bilimini davamlaşturuşni haliğan balilar mana şu bilim därgahida oquğan. Çeläk yezisidiki Kirov namidiki mäktäpni (hazirqi Abay namidiki mäktäp) 1956-jili 104 näpär qiz-jigit tamamlaptu. Biyil ularniŋ mäktäptin uçum bolğiniğa atmiş jil boldi. Һayat tälivi şundaq, sinipdaşlarniŋ 30ğa yeqini baqiliq bolup kätkän. Һayatlardin salamätligi naçarlaşqanlarmu helä bar. Һär halda, 60 jilliq uçrişişqa sabiq oquğuçilarniŋ šzliri eytqinidäk, «җeni tšmürlärdin» 35 adäm  käptu.

Mäzkür uçrişişqa ustazlarmu täklip qilindi. Yeşi 90gä taqiğan qazaq tili vä ädäbiyati pänliriniŋ muällimi Keŋesjan Jumabekova vä fizika päniniŋ muällimi Nesipjan Nurahmetova käçniŋ äŋ hšrmätlik mehmanliri boldi.

Sabiq sinipdaşlar däsläp Çeläk yezisiniŋ šlkişunasliq mirasgahida baş qoşti. Burunqi mäktäp benasi jillar štüp käŋäytilip, mirasgahqa aylanğan. Uniŋda 2000ğa yeqin tarihiy eksponatlar saqlanmaqta. 60 jil davamida härhil sahalarda ämgäk qilip, җämiyät täräqqiyatiğa munasip hässisini qoşup, hazir hšrmätlik däm eliştiki aqsaqallar bilän nuraniy anilarni Çeläk yezisi Aqsaqallar keŋişiniŋ räisi, mirasgah hadimi Äbilbek Aytaqınov qarşi aldi. Zallarni arilitip, tävä tarihi bilän tonuşturdi. Ötmüştiki oquğuçilar, bügünki bova häm momilar baliliq çeğida mäktäpniŋ sinipliri bilän hoylisida talay «qiyğitip» jürgänligini äskä elip, kšzlirigä yaş elişti.

Andin sabiq sinipdaşlar Abay namidiki mäktäpkä bardi. Şara Satqojaeva rähbärligidiki mäktäpniŋ ustazliri bilän oquğuçiliri ularni nahşa-saz bilän kütüvaldi.

Andin peşqädäm ustazlar  Kümisjan vä Nesipjan apaylar qazaq vä uyğur sinipliri oquğuçilirini mäyrimi bilän täbriklidi. Sabiq şagirtlar bügünki baş qoşuşniŋ şu baliliq dävirdä şäkillängän dostluqniŋ davami ekänligini täkitläşti. Onliğan şagirtlarni hayatqa uçum qilğan peşqädäm ustazlar Rähimҗan Qämbärov, Toqtasın Tuyaqov, Basit Hudaybärdiev, heli iştin qol üzmigän vraç Ğappar Abdusalamov, soda-setiq häm yeza egiligi sahaliriniŋ veteranliri Һuriyät Abdusalamova häm Mervanäm Mätbaqieva, Riyazät Sadirova vä başqilar šzliriniŋ hayati, ämgäk paaliyiti, җämiyättä tutqan orni häqqidä eytip bärdi.

Täntänilik bšlümdin keyin sabiq sinipdaşlar «Tätti» kafesida käŋ dästihan ätrapiğa jiğilip, duniyadin štkän sinipdaşlarni äskä elip, ularniŋ rohiğa atap dua oqudi.

 Raşidäm RÄҺMANOVA.

Ämgäkçiqazaq nahiyäsi.

***

1966-jili Oktyabr' ottura mäktividin (Һazirqi M.Teyipov namidiki Kiçik Dehan ottura mäktivi) uçum bolğan sabiq sinipdaşlar ana juti- Açinoqida baş qoşti. Rast, bu uçrişişqa sinipdaşlar tügäl qatnişalmidi. 21 näpär qiz-jigitniŋ tšrti alämdin štüptu. Är-ayal sinipdaşlar Skalin Җamalov vä Gülbanäm Nizamovaniŋ šyidä  sinipdaşlar hšrmitigä yeyilğan dästihan äynä şu märhumlarni äskä eliştin başlandi.  Älvättä, sinipdaşlar  baliliq çeğida beşidin štkän särgüzäştilärnimu sšzläp zerikmidi. «Açinoqa juti» җämiyätlik fondiniŋ räisi Tohtasun Tavakälov ätisi juttiki «Açinoqa» kafesida sabiq sinipdaşliriniŋ beşini qoşti. Mol dästihan ätrapiğa jiğilğan jutdaşlar baliliq  çağlirini äsläp, štmüşkä qayta säpär çäkti.

Sinipdaşlar uçrişişi Һaşim Һeziyarov bilän Zenät Mäşürovaniŋ  šyidä  davamlaşti. Ziyapät davamida šzara muŋdaşqaç, kšŋüllirini kštirip, yaŋlivaştin šsmürlük dävrigä yenip kälgän «oquğuçilar» ana jutida birinçilärdin bolup ällik jilliq uçrişişni uyuşturuvatqanliğini vä buniŋdin keyin moşundaq pat-pat baş qoşup turuşqa kelişti.

Şämşidin AYuPOV.

Uyğur nahiyäsi.

***

Çoŋaqsuluq Mirzähmät Һoşurovniŋ ismi gezithanlirimizğa yahşi tonuş. Çünki, uniŋ sahavätlik işliri eğiz toltirip eytqidäk nurğun. U yeqinda sabiq sinipdaşliriniŋ beşini qoşup, Çoŋ Aqsu yezisida uçrişiş štküzdi.

1966-jili 25 näpär qiz vä jigit Çoŋ Aqsu ottura mäktividin uçum bolğan edi.  Ziyapät davamida duniyadin štkän sinipdaşliri bilän muällimliri rohiğa qur°an tilavät qilinğandin keyin jutdaşlar štmüşkä qayta säpär çäkti. Җümlidin Mirzähmät Zordinov, Nurähmät Qasimov, Turdi Muhämmätov ohşaş ustazlirip isimliriniŋ orni jüräk tšridä äbädiy saqlinidiğanliğini täkitläşti.

­Sabiq sinipdaşlar ana juti  —  Çoŋ Aqsu yezisiniŋ sap havasidin qenip, däm elip, baliliq çağlarni äskä aldi. Şundaqla ular yezidiki yaş sportçilarğa vä yeqinda štidiğan voleybol musabiqisigä maddiy jähättin yardäm kšrsätti.

Seğinğan qälblär egiliri didar-ğenimättin kam bolmisun, ilahim!

Şahrizada SABİTOVA.

Uyğur nahiyäsi

***

1976-jili Qaraturuq yezisidiki Kalinin namidiki (hazirqi Avut Sattarov namidiki) ottura mäktäpni 42 näpär qiz-jigit tamamliğan eduq. Yeqinda sabiq sinipdaşlar mäktäptin uçum bolğinimizğa 40 jil boluşi munasiviti bilän baş qoştuq.

Äŋ aldi bilän biz Qaraturuqtiki «Varis» kafesida baqiliq bolğan däsläpki ustazimiz Omayhan Mäŋsürova, keyinki sinip rähbärlirimiz Qasim İsmayilov, Ruqiyäm Üsänova, Minäzim Җanbaqieva vä 14 sinipdişimizniŋ rohiğa atap näzir bärduq.

Käçqurunluği sabiq sinipdaşlar käŋ dästihan ätrapiğa jiğilduq. «Däm ğenimät – didar ğenimät» demäkçi, adäm hayatidiki äŋ esil çağ – baliliğimizni, gšzäl dävir – yaşliğimizni äsläp, uzaq muŋdaştuq. Mäktäp qoynida bolğan qiziq vaqiälärni yadimizğa çüşirip, külüştuq. Baqiliq bolğan sinipdaşlarni äsligändä, kšzlirimizgä yaş käldi.

İlliq vä qiziq äslimilär bilän štkän uçrişiştin keyin çoŋqur täsiratlar ilkidä, bir-birimizni qiyalmay hoşlaştuq.

Şahadät HUDAYQULOVA,

Svetlana RAZİEVA.

Ämgäkçiqazaq nahiyäsi.

Bälüşüş

Javap qalduruŋ