Utuqlar ümütländüridu

0
914 ret oqıldı

Almuta şähiridiki A.Rozibaqiev namidiki 153-mäktäp-gimnaziyasidä päqät bilimi bilänla ämäs, sport, sän°ätkä bolğan qiziqişi tüpäyli utuqlarğa yetivatqan oquğuçilar kšpläp sanilidu. Şularniŋ biri biyil 4-sinipni älaçi pütärgän Abdukerim Abdurahmanov. Birinçi siniptin älaçi oquğuçi, Һenipahun Baratov namidiki mukapatlar egisi – Abdukerim Abdrahmanov här-hil olimpiada vä ilmiy musabiqilarğa qatnişip, juquri orunlarni egiläp, biyil «Jil matematigi» nominatsiyasi biyiçä Savut Kibirov namidiki diplom vä ahçiliq soğa elişqa sazavär boldi. Abdukerimniŋ yänä bir qiri – uniŋ sportqa qiziqişi  — futbol bilän şuğullinivatqiniğa mana üç jil boldi. Üç jil içidä Abdukerim mäktäp yenidiki futbol komandisiğa qatnişip jürüp, šziniŋ tirişçanliği bilän җumhuriyätlik yaş šsmürlär «Qayrat» futbol akademiyasigä  qobul qilindi.

–  «Qayrat» futbol klubiğa qobul qiliş nahayiti täs. Lekin män Abdukerimniŋ häqiqiy futbolçi bolidiğiniğa şu vaqittila kšzüm yätkän. Keläçäktä uniŋ çoŋ mäydanlarda kšrinidiğanliğiğa ümüt qilimän, —  däydu  birinçi mäşiqländürgüçisi Dilşat Nasirov.

– «Qayrat» futbol klubidin akademiyagä štüş üçün biz, tallanğan 8-10 yaşliq šsmürlärni üç ay täyyarliduq. Ular üç baldaqtin štüp, ahiri akademiyağa 21 baliniŋ içidä ikkisi štti. Şuniŋ biri bizniŋ Abdukerim. Abdukerimniŋ akademiyagä štüşigä bizdä heç qandaq guman bolmidi, — däydu ikkinçi  mäşiqländürgüçisi Konstantin İstomin.

Tallaş komissiyasidä gollandiyalik mutähässislär balilarniŋ qabiliyitini nahayiti qattiq täkşürdi. Һämmisiniŋ kšzigä çüşkän Abdukerim akademiyağa  qobul qilindi.

Bizmu Abdukerimniŋ häm oquşta, häm sportta çoŋ utuqlarğa yetişigä tiläkdaşmiz.

Al'bina ÄMÄTOVA.

Bälüşüş

Javap qalduruŋ