Qazaqstan Musulmanliri diniy başqarmisi vä Ottura Aziya Muftiliri keŋişiniŋ räisi, Aliy mufti, Şeyh Äbsattar haҗi Derbisäliniŋ ministrliklär bilän här hil saha yetäkçilirigä, vilayät, şähär, nahiyä rähbärlirigä, tiҗarätçilär bilän elimiz hälqigä qädäm täşrip qilivatqan muqäddäs Ramzan eyiğa munasivätlik muraҗiiti

0
812 ret oqıldı

Mehrivan, şäpqätlik Allaniŋ ismi bilän başlaymän!

2012-jilniŋ 20-iyul' küni — muqäddäs Ramzan eyiniŋ birinçi küni. Huda äta qilğan bu uluq kündä kšp yahşiliq qilayli.

Һšrmätlik vätändaşlar, qimmätlik qerindaşlar!

Mustäqil elimiz duniya җamaätçiligigä šziniŋ inaqliği bilän birligi yaraşqan mämlikät süpitidä tonuldi. Az vaqit içidä äsirgä täŋ iş-çarilär ämälgä aşuruldi. Şundaq bolsimu tehi yeşimini kütüvatqan işlar yetärlik. Dostluq, razimänlik vä šz ara bir-birini hšrmätläş — bizniŋ asasiy pährimiz vä umumiy bayliğimiz. Moşuniŋğa munasivätlik sšyümlük Vätinimizniŋ tehimu güllinişigä här bir puhraniŋ qoşidiğan tšhpisi zor däp bilimän.

Musulman üçün ottuz kün roza tutuş — uluq ibadät. Bu küni roza tutuş bilän billä, yeqin adämlärgä alahidä ğämhorluq kšrsitiş vä muhtaҗlarğa mehrivanlarçä munasivät qiliş Alla yolidiki sovavi mol ämällärdin bolup hesaplinidu. Barçä musulman ähli muqäddäs Ramzan eyida Alla raziliği üçün kšpligän izgü işlarni bäҗirişni adätkä aylandurğan.

Qädäm täşrip qilivatqan Ramzan eyida imkaniyiti bar vätändaşlirimni Alla raziliği üçün yahşi işlarni mümkin qädär kšpiräk qilişqa çaqirimän. Eçinarliği, här jili Ramzan eyi kirişi bilän dukanlar bilän bazarlarda ozuq-tülük bahaliri qimmätläp ketidu. Bu, älvättä, häliqniŋ orunluq ränҗişini päyda qilidu. Ramzan biz üçün bärikiti mol, Allaniŋ mehir-şäpqiti yağidiğan ay ekänligini untumayli. Bu ayda yasalğan här bir izgü ämälniŋ sovavi başqa aylarğa nisbätän hässiläp aşidu. Şuŋlaşqa uşbu mubaräk ayda här hil mähkimä rähbärliri bilän tiҗarätçi musulman qerindaşlirimni Büyük Yaratquçiniŋ mehir-şäpqitini tiläp, ozuq-tülükniŋ, mehmanhanilar bilän җämiyätlik hizmätlärniŋ, kiyim-keçäkniŋ, quruluş buyumliri bilän yeqilğuniŋ, mäktäp formisi bilän därisliklärniŋ, däm eliş lager'liri bilän sanatoriylarniŋ, restoranlar bilän aşhanilarniŋ bahalirini 10 payizğa ärzänlitip, yenikçilik qilişqa çaqirimän. Җämiyätlik transportta meŋiş häqqi, kommunalliq hizmät tšlämliri bilän telekommunikatsiyalik alaqä tariflirimu tšvänlitilsä, nur üstigä nur bolar edi. Ötkän 2011-jili moşundaq Muraҗiät qobul qilğinimizda bizni qollap-quvätläp, šzliriniŋ mähsulatliriniŋ bahasini 10 — 30 payiz tšvänlätkän qerindaşlirimizğa Alla razi bolsun.

Qimmätlik vätändaşlirim! Muqäddäs ayda Alla taalaniŋ ğäzivini qozğaşqa säväpkar haraq-şaraptin, dinimiz çäk qoyğan başqimu haram iş-härikätlärdin neri bolayli. Ramzan eyiniŋ hšrmitigä vä başqimu aylarda restoran-kafelar bilän toy-tškünlärdä içimlikniŋ heç bir türi dästihanğa qoyulmisa häm dukanlarda setilmisa. Päyğämbirimiz Muhämmät äläyhissalamniŋ hädisidä Alla taala içimlik istimal qilğanğa, içküzgängä, satqanğa, setivalğanğa, şundaqla uni yasap çiqarğanğimu länät oquğan.

Qur°an Kärimdä: «Һäy, iman kältürgänlär! Һaraq içiş, qimar oynaş, butlarğa çoqunuş vä pal oqliri bilän pal seliş şäytanniŋ işi, paskina qiliqlardur. Bähitkä erişişiŋlar üçün şäytanniŋ işidin jiraq boluŋlar», deyilgän («Maidä» sürisi, 90-91-ayätlär).

Bu muraҗiät barçä insanlarğa mol bärikät-riziq bärgüçi Alla taalaniŋ raziliğiğa bizniŋ elimiz buniŋdin keyinmu erişip, sovaviğa egä bolsa, uşbu izgü ämäl başqa aylardimu davamlaşsa degän yahşi niyättin yezildi. Muqäddäs ayda sovapliq iş-ämällär — häliqqä yahşiliq qilişniŋ moşundaq pursiti tuğulğan qolayliq päytni mümkinçilikniŋ bariçä paydilinip qalayli, qerindaşlar! 

 

Bälüşüş

Javap qalduruŋ