Prezident häliqara ihtisadiy forumğa qatnaşti

0
489 ret oqıldı

Ötkän häptidä Nursultan Nazarbaev HH Peterburg häliqara ihtisadiy foruminiŋ umumiy mäҗlisigä qatnişip, sšzgä çiqti. Uniŋ bildürüşiçä, Evraziya ihtisadiy ittipaqi (EAİİ) başqa integratsiyalik birläşmilärniŋ hataliğini täkrarlimasliği keräk.— Nurğunliğan integratsiyalik dšlätlärara qurulumlar şunçilik byurokratlişip kätkänki, ular milliy ihtisatlar üçün tosalğuluqqa aylanmaqta. Näq moşu byurokratizm häm Evropidiki, häm Amerikidiki, häm Aziyadiki integratsiyagä qarşi käypiyatni küçäytivatidu. Äŋ yaş dšlätlärara birläşmä bolğan bizniŋ Evraziya ihtisadiy ittipaqimiz moşu tavakälçilikni hesapqa elişi keräk, — dedi Nursultan Nazarbaev.

Buniŋda u Evropa İttipaqiğa EAİİ bilän hämkarlişişniŋ paydiliq ekänligini täkitlidi.

— Evraziya ihtisadiy ittipaqi nätiҗidarliq, turaqliq Evropa İttipaqiğa mänpiyätdar vä uniŋ bilän hämkarlişişni halaydu. Huddi şundaqla birläşkän Evropiğa bizniŋ integratsilik birläşmimiz bilän konstruktiv hämkarliq paydiliqtur, — dedi u.

Qazaqstan rähbiriniŋ sšziçä, alämşumul ihtisat näq integratsiyaniŋ yetärlik ämäsligidin ziyan tartivatidu.

— Һazir barliq balayu-apätlärdä integratsiya bilän alämşumullaşturuşni äyipläş tendentsiyasi bayqalmaqta. Biraq, ägär mäsilini ob°ektiv çüşänsäk,  alämşumul ihtisatlar integratsiyaniŋ kšpligidin ämäs, bälki, äksiçä, uniŋ yetişmäsligidin ziyan tartivatidu… Dezintegratsiya vä ihtisadliy bšlünüş heçqandaq içki problemini häl qilmaydu. Bu päqät šzini-šzi aldiğanliq bolidu, — Nursultan Nazarbaev.

Uniŋ kšzqarişiçä, EAİİ dairisidä tehnologiyalärni almaşturuşniŋ män°iy qilinişiğa yol qoymasliq keräk.

— Ayrim dšlätlärniŋ u yaki bu integratsiyalik birläşmilärgä kirmäydiğan hoşniliri bilän šzara paydiliq ihtisadiy šzara härikitigä kälsäk, yeŋi muräkkäp tosalğuluqlar qoyuldi. Tehnologiyalärni almaşturuşniŋ män°iy qilinişiniŋ küçiyişi äynä şuniŋğa yatidu. Türlük, kabinetlarda oylap tepilğan birtäräplimä ülgilär küçkä egä. Ular byurokratik qurulumlar ruhsät qilmiğan uttur investitsiyalärni çäklävatidu. Bu biz Evraziya ihtisadiy ittipaqiniŋ täräqqiyatida hesapqa elişimiz hayatiy muhim bolğan yänä bir savaqtur, — dedi Nursultan Nazarbaev.

Prezident investitsiyalik hämkarliq mäsililirigimu tohtilip, Qazaqstanda tiҗarätni täräqqiy ätküzüş üçün qandaq şaraitlarniŋ yartilğanliği toğriliq sšzläp bärdi vä barliq haliğuçilarni «Astana» Häliqara  maliyä märkiziniŋ işiğa qatnişişqa çaqirdi.

Nursultan Nazarbaev umumiy mäҗlis davamida ayal kişiniŋ Qazaqstan prezidenti bolidiğanliğini istisna qilmaydiğanliğinimu täkitlidi.

—Qazaqstanda ahaliniŋ 51 payizini hanim-qizlar täşkil qilidu, genderliq säyasät normal täräqqiy etivatidu. Bizdä Parlament deputatliriniŋ 30 payizi ayallar. Һškümät tärkividä birnäççä ayal ministr bar. Şundaq ekän, buehtimaldin jiraq ämäs. Uniŋ üstidä bizdä şuniŋğa täyyar hanim-qizlar bar.

Qazaqstan rähbiri šziniŋ üç qiziniŋ bar ekänligini äslitip štti.

— Ägär üç qizimniŋ bar ekänligini hesapqa alsaq, meniŋ hanim-qizlarğa bolğan munasivitim alahidä.

HH Peterburg häliqara ihtisadiy forumida Rossiya Federatsiyasiniŋ Prezidenti Vladimir Putin, İtaliya Prem'er-ministri Mateo Rentsi sšzgä çiqti.

Peterburg häliqara ihtisadiy foruminiŋ dairisidä Nursultan Nazarbaev Rossiya Federatsiyasiniŋ Prezidenti Vladimir Putin, Gvineya Җumhuriyitiniŋ Prezidenti Al'fa Konde, BMT Baş kativi Pan Gi Mun, şundaqla birqatar çoŋ şirkätlärniŋ rähbärliri bilän uçrişip, muzakirilärni štküzdi.

Bälüşüş

Javap qalduruŋ