Munasiplar mukapatlandi

0
770 ret oqıldı

Ämgäkçiqazaq nahiyäsi hakimiyitiniŋ Mäҗlislär zalida Alaqä vä ähbarat küni munasiviti bilän Qazaqstan Җumhuriyiti Mustäqilliginiŋ 25 jilliğiğa beğişlinip uyuşturulğan täntänilik jiğinda Ämgäkçiqazaq nahiyäsiniŋ hakimi Binäli Isqaq alaqä vä ähbarat sahaliriniŋ hadimliri häm veteranlirini käspiy mäyrimi bilän täbriklidi.– Alaqä vä ähbarat vasitiliri Qazaqstan Җumhuriyitiniŋ Prezidenti Nursultan Nazarbaevniŋ parasätlik ideyaliriniŋ ätrapiğa җämiyätni toplaşqa muhim hässä qoşuvatidu, —  dedi Binäli Äbdiqappas oğli. – Ammiviy ähbarat vasitiliriniŋ yardimi bilän muhim iҗtimaiy mäsililärgä diqqät bšlünüp, ularni jurnalistlar bilän birlişip häl qiliş arqiliq kšpligän utuqlarğa yetivatimiz. Elimizdä ammiviy ähbarat vasitilirigä bolğan kšzqaraş intayin yahşi. Häliq silärgä işinidu, җämiyätlik pikir silärniŋ qälimiŋlarğa bağliq qeliplişidu. Şuŋlaşqimu Ämgäkçiqazaq nahiyälik iҗtimaiy-säyasiy «Eŋbekşiqazaq», iҗtimaiy-säyasiy vä tarihiy «Alatau nwrı», «İssık», «İssıkskiy vestnik» «YuiT» gezitliriniŋ vä «İssık» radiosiniŋ jurnalistliriğa sämimiy minnätdarliğimni bildürüp, iҗadiy utuq tiläymän häm silärni härqaçan ob°ektivliq boluşqa çaqirimän.

Binäli Äbdiqappas oğli miŋliğan abonentlarni telefon alaqisi vä İnternet bilän täminlävatqan «Qazaqtelekom» aktsionerlik җämiyiti Ämgäkçiqazaq nahiyälik telekommunikatsiya işläpçiqiriş tarmiği hadimliriniŋ ämgiginimu illiq sšzlär bilän atap štti. Häliqqä hizmät kšrsitiş süpiti täripidin vilayät dairisidä aldiŋqilar qataridin kšrünüp kelivatqan alaqiçilärniŋ buniŋdin keyinmu nätiҗilik paaliyät elip baridiğanliğiğa işänç bildürdi.

Nahiyä hakimi nahiyälik gezitlar hadimlirini alaqä vä ähbarat sahaliriniŋ älaçilirini Pähriy yarliq vä Täşäkkürnamilär bilän  nahiyä jurnalistikisiniŋ veteranlirini  hatirä soğilar bilän täğdirlidi.

Baş qoşuşta sšzgä çiqqan «Eŋbekşiqazaq» geziti baş muhärririniŋ orunbasari Qaynar Jumağoja nahiyä jurnalistlirini härtäräplimä qollap kelivatqan nahiyä hakimiğa minnätdarliğini izhar qilsa, «Qazaqtelekom» aktsionerlik җämiyiti Ämgäkçiqazaq nahiyälik telekommunikatsiya işläpçiqiriş tarmiğiniŋ başliği, Qazaqstanniŋ Pähriy alaqiçisi Juman Mıqıbaev kšpligän alaqä veteranliri bilän hadimliriniŋ ästaidil ämgigini atap, saha ilğarlirini Qazaqstan Җumhuriyiti Transport vä kommunikatsiya ministrliginiŋ Pähriy yarliqliri, mähsus soğilar bilän mukapatlidi.

Raşidäm RÄҺMANOVA.

Ämgäkçiqazaq nahiyäsi.

Sürättä: Juman Mıqıbaev yaş alaqiçi Pärhat Abutovqa QҖ Transport vä kommunikatsiyalär ministrliginiŋ Pähriy yarliğini tapşuruvatidu.

Bälüşüş

Javap qalduruŋ