Bilim elişqa bäl bağliğan jigit

0
627 ret oqıldı

Uyğur nahiyäsiniŋ Kätmän yezisiğa tävä Qadirovlar ailisini päqät nahiyä dairisidila ämäs, җumhuriyätkä tonulğan, desäm hatalaşmaymän. Marat vä Zäytünäm Qadirovlar tšrt pärzänt tepip, qatarğa qoşti. Ata tonulğan dohtur. Ana – muällim. Biz yaşlarğa tonuşturmaqçi bolğan Bähitҗan ularniŋ tšrtinçi pärzändi. Bähitҗan M.Җälilov namidiki Kätmän ottura mäktividä 6-sinipqiçä oqup, andin oquşini İşiktä şähiridiki Qazaq-türk şäriqşunasliq litseyida davam qildi.  Mäzkür bilim därgahida qazaq, rus, äräp vä türk tillirini mukämmäl šzläştürüş bilän billä, matematika päni boyiçä štküzülgän nahiyälik, vilayätlik vä җumhuriyätlik olimpiadilarğa qatnişip, päqät aldinqi orunlardin kšründi. Litseyni muväppäqiyätlik tamamlap, 2007-jili Suleyman Demiräl namidiki universitetniŋ “Һesaplaş tehnikisi vä programma tüzüş” fakul'tetiğa oquşqa çüşidu. Barliq täräptin alahidä kšzgä çüşkän jigit magistraturiğa qobul qilinip, ”RFİD system for campus” mavzusida magistrliq  dissertatsiya yaqlaydu.

Bähitҗan, şundaqla islam dininiŋ eqidilirigä qät°iy ämäl qilip, zamandaşliriğa ülgä bolup kälmäktä. 2015-jili u Häliqara biznes kolledjiniŋ oqutquçisi Şadiyäm Şämşidin qizi bilän ailä qurup, Safiya isimliq  pärzänt kšrdi.

Bähitҗan boş vaqtini ädäbiy vä diniy kitaplarni oquşqa vä sportqa särip qilidu. Bolupmu futbolğa alahidä qiziqidu. Universitetta täşkil qilinğan futbol komandisiniŋ tärkividä talay turnirlarda mäzkür bilim därgahiniŋ abroyini juquri kštärdi. Kätmängä däm elişqa barğandimu «teç jürmäydu». Yänila şu qolidin kitap çüşmäydu yaki poŋzäk tepiş bilän bänt. Dadisi Marat akimu futbol işqivazliriniŋ biri. Yezida u täşkil qilğan futbol klubi moҗut. Bähitҗan äynä şu klub tärkividiki komandilarniŋ biridä oynaydu.

Äslidä män Bähitҗanniŋ akisi Şeräli Qadirov häqqidä yazmaqçi edim. Uni yaşlarğa tonuşturuş arminim bar edi. Amma gezitimizdä uniŋ toğriliq kšp yezildi. Uniŋ üstigä u nahayiti kämtar jigit. Özi toğriliq ançä eytip kätmäydu. U päqät bilim eliş üçün yaralğan insan. Akisiniŋ izi bilän ketip barğan Bähitҗannimu gezitqa yeziş üçün aran kšndürdüm.

“Һarvuniŋ aldiŋqi çeqi nägä maŋsa, käyni çeqi şu yaqqa tartidu», demäkçi, Bähitҗanmu akisi matematika pänliriniŋ doktori, Nazarbaev universitetiniŋ oqutquçisi Şeräli ohşaş juquri pällilärdin kšrünüşni arman qilidu. Baliliğidin bilim elişqa bäl bağliğan Bähitҗanğa keläçäktä aldiğa qoyğan mähsätlirigä  yetişigä tiläkdaşliq bildürimän.

Diläräm  ҖÄLİLOVA.

Almuta şähiri.

Bälüşüş

Javap qalduruŋ