Ustaz äҗri

0
686 ret oqıldı

Adäm yeşi bäl otturiğa kälgändä, hayatniŋ bäk muräkkäpligigä, päqät Allaniŋ ämri bilän härqandaq işlarniŋ bolup turidiğiniğa kšz yätküzidekän. Kündä kšrüp jürgän jut adämliriniŋ štkän šmri bilän nämunilik ämgäkliridin vaqip bolup, mümkinqädär şularniŋ yolini šzigä ülgä tutuşqa tirişidekän. Bumu hayatliqniŋ yezilmay qalğan qanunliriniŋ biri bolsa keräk, ätimalim. Amma, şu närsä eniqki, insanlarniŋ hämmisi birdäk mundaq hissiyatta bolup, içki käçürmilär äsirigä boysunmaydiğandäk kšrünidu. Şu hil adämlär üçün uniŋ ähmiyitimu yoq ohşaydu. Bizçä, bolğanda, äŋ asasi, hayati kšpkä ülgä bolarliq jutdaşlarniŋ besimliği. Biz tšvändä şundaq insan häqqidä sšz qozğimaqçimiz. Peşqädäm ustaz, mehrivan ana, kšyümçan moma Ruqiyäm Basitova bilän heli märhum Tel'man aka Tursunovlar ailisi häqqidä aŋliğinim baru, biraq uçraşmaptimän. Aŋliq hayatini şagirt tärbiyiläşkä särip qilip, җapaliq hayatniŋ halaviti kšrüp, hatirҗäm šmür sürüvatqan Ruqiyäm ana bilän  uçrişiş mähsitidä šyigä qädäm täşrip qildim. Kšpçilikniŋ eytip jürgini rast ekän. Därvazidin kirişim bilän huddi bir sehirliq alämdä jürgändäk his qildim šzämni. Ätrapta eçilip kätkän gül-giyalar kšzniŋ yeğini yäydu. Sayravatqan quşlarniŋmu avazi bšläkçä yeqimliq. Uçup jürgän kepinäk bilän härimu huşhoy. Öyniŋ dälizidä tizilğan gül qaçiliriniŋ alahidiligini kšrüp, bu ailiniŋ šzgiçä bir hasiyiti barliğiğa kšzüm yätti. Käŋ hoyla pakizä tazilanğan. Otturida çay içidiğan mähsus orun. Ätigän çayni etip, üstini yepip qoyuptu. Dästihanda issiq tonur neni bilän  süzmä. Piyaliniŋ içigä kiçikkinä qapaq çšmüç seliniptu. Qarimaqqa addiy kšrünüş. Biraq, bu hadisä šydä bärikätniŋ vä milliy rohniŋ moҗutliğini ispatlisa keräk.

Ruqiyäm ana güllär arisida haram çšplärni julup kündilik işlar bilän bänt. Bizni kšrüp, illiq çiray bilän qarşi aldi. Qädäm täşrip qilişimizdiki mähsät-muddiağa tohtalğandin keyin bizniŋ sšhbät jiraq štmüştin başlandi.

1946-jili 26-iyun' küni Aqtam yezisida duniyağa kälgän Ruqiyäm ana šyniŋ yalğuz pärzändi. Atisi Basit Aznibaqiev yezida mal dohturi, anisi Räbäm Säypärova setiqçi bolup işlätti. U jilliri kiçik yezilarda toluq ottura mäktäp bolmiğaçqa, yättinçi sinipni tamamliğan Ruqiyäm oquşini  Çonҗa yezisida davamlaşturidu. Mäktäpni utuqluq tamamlap, Qizlar pedagogika institutiniŋ himiya vä bioligiya fakul'tetiğa oquşqa çüşidu. Tšrt jil oqup, käsip egiligän yaş mutähässis ämgäk paaliyitini Aqtam ottura mäktividin başlaydu. Qiz bala duniyağa kälgändin keyin turmuş qurup, bala quçuş – päriz. Bu qanuniyätkä ämäl qilğan  Ruqiyäm ana, 1970-jili Tel'man Tursunov bilän vädilişip, ailä quridu.

– Meniŋ bügünki küngä qädär qol yätküzgän utuqlirim bolsa, u yoldişimniŋ arqisida. Alla taala bu duniyada bähtimni bärdi. Meni häm ata-anamni oylaydiğan mehrivan yar bärdi, – däydu sšhbätdişim bäş jil ilgiri vapat bolğan šmürlük җüptini äsläp. – Tel'man äsli ämgäksšygüç, adil kişi bolidiğan. Bir işniŋ peşini tutsa, ahiriğa yätkiçä җeni çiqip ketidiğandäkla änsirätti. Bügün šzi yoq bolsimu, ävlatlarğa ülgä bolğidäk šçmäs izi qaldi. Şu jillarni äslisäm, «Nemä degän batur eduq» däp qoyimän, bäzidä. Çünki huddi kšçmänlärdäk yoldişimniŋ iş babi bilän häryaqqa kšçüş bilänla boptimiz. Däsläp ailä qurğan jilliri män mäktäptä muällim, u kolhozda zootehnik bolup işläydiğan. Andin keyin Tel'man Kiçik Dehan yeziliq keŋişiniŋ räisi bolup tayinlandi. Män 1974-jildin etivarän atalmiş jutta ustaz bolup ämgäk ättim. 1978-jili Aqtamğa qaytip barduq. Üç jildin keyin  Kiçik Dehanğa yänä qaytip çiqtuq. 1984-jili Çonҗa yezisiğa çüştuq. İ.Bähtiya namidiki 3-Çonҗa ottura mäktivigä ändi işqa kirdim degändä, qaytidin Aqtamğa çiqip kättuq. Şundaq kšçüp-qonup jürüp, hšrmätlik däm elişqimu çiqip qaptimän, ­­­­– däp külümsiridi peşqädäm ustaz. – Şundaq qilip, 2000-jili Tel'man nahiyälik mäslihät kativi bolup saylanğandin keyin nahiyä märkizigä kšçüp çüştuq.

Ailiniŋ  yalğuz pärzändi bolğanliqtin, Ruqiyäm ana çoŋ oğlini ata-anisiğa berivetidu. Bügün u balisi Ruqiyäm aniniŋ qutluq šyiniŋ çiriğini yeqivetiptu.

– Ailä bäzilär  üçün addiy bir çüşänçä bolsa, biz üçün mal-duniya, bayliq bilän mänsäptinmu qimmät qädriyätlär qataridin. Һazir bizdä süpät, iman, milliylik vä diyanätniŋ qädri rastinla suslaşti. Untulup ketivatqan urpi-adätlirimiz bilän billä vapadarliq, mehrivanliq, adämgärçilik, nomus vä ittipaqliq ohşaş yahşi hislätlirimiz asta-asta untuluvatqan zamanda bizniŋ mahtanğidäk utuqlirimiz kšp. Şularniŋ däsläpkisi – pärzäntlirimniŋ jürigidiki iman vä insap­. Bügün on bäş nävrämnimu vätänpärvär vä millätpärvär boluşqa dävät qilip tärbiyilimäktimän. Qançä degän bilän çaräk äsir vaqit ustaz boldum. Bala tärbiyiläş vä bilim beriş käbi şäräplik ämgäk – meniŋ hayatimniŋ bir bšligi.

Peşqädämniŋ pärzäntliriniŋ tšrti    ana   yolini   davamlaşturuvatqan muällimlärdur. İkki kelini vä ikki küyoğlimu şagirt tärbiyilävatqan ustazlardin.

Kšp baliliq aniniŋ uzun jilliq ämgigi munasip bahalinip, nahiyä, vilayät vä җumhuriyät däriҗisidiki Pähriy yarliqlar bilän mukapatlanğan.

Biyil gšzäl yazniŋ issiq künliridä šziniŋ 70-baharini qarşi eliş aldida turğan Ruqiyäm anini çin jürigimizdin täbrikläp, uzaq šmür, mustähkäm salamätlik, bähitlik qeriliq vä hatirҗämlik tiläymiz.

Ruqiyäm ana bilän hoşlişivetip, bu ailini häqiqätän ülgä tutuşqa bolidiğiniğa kšzüm yätti. Çünki ailidiki sämimiylik bilän hšrmät hämmidin juquri ekän.

Şahrizada SABİTOVA.

Uyğur nahiyäsi.

Bälüşüş

Javap qalduruŋ