«Nädisän, studentliq altun dävrimiz?»

0
584 ret oqıldı

Mälumki, Qazaqstan uyğurliriniŋ mädäniy hayatida yüz bärgän vaqiälär kšpläp sanilidu. Äynä şularniŋ biri — 1980-jili Abay namidiki Qazaq pedagogika institutiniŋ filologiya fakul'tetida rus-uyğur bšlüminiŋ eçilişidur. Ğoҗähmät Sädvaqasov, Tuğluqҗan Talipov, Oktyabr' Җamaldinov, Aliyäm Namätova, Mahmut Abdurahmanov, Savut Mollavutov, Davut İsiev, Şerivahun Baratov, Büvihan Älahunova, Tursun Älaev qatarliq millitimizdin çiqqan peşqädäm vä kšrnäklik alimlar bilän pedagoglarniŋ bärgän tälim-tärbiyisi arqisida mäzkür bšlüm milliy mäktäplirimiz üçün uyğur tili vä ädäbiyati, rus tili vä ädäbiyati, şundaqla tarih, qazaq tili, ingliz tili vä başqimu pänlär vä yšnilişlär boyiçä yüzligän mutähässislärni täyyarlidi. Ular hazir bolupmu Almuta şähiri vä Almuta vilayitigä orunlaşqan mäktäplärdä yaş ävlatqa zaman tälivigä layiq vä süpätlik bilim beriş yolida ayanmay ämgäk qilmaqta.

Uyğur bšlümi eçilip, aridin mana ottuz altä jil štkän bolsimu, uniŋ uçumkarliri arisidiki alaqilär üzülgini yoq. Mäsilän, 1986-jili bšlümni tamamliğan şu vaqittiki qiz-jigitlär, hazir bolsa, salapätlik ata-anilar, nävrä sšygän bova-momilar gšzäl studentliq jillirini äsläş mähsitidä yeqinda Uyğur nahiyäsiniŋ Çonҗa yezisidiki «Bayterek» kafesida җäm bolduq. Bu yärdä män şuni äslitip štmäkçimänki, kursdaşlirimiz härhil nahiyälärdin bolğanliqtin, här bäş jilda bir qetim şu nahiyälärdä baş qoşuşni adätkä aylandurup, bu qetimda šzäm tuğulup šskän Çonҗa yezisida sahiphanliq qiliş bähtigä muyässär boldum. Biz uçrişiş märasimini başlaştin ilgiri şum äҗäl arimizdin julup elip kätkän kursdişimiz Gülnaräm İdrisovani, şundaqla märhum ustazlirimizni äskä alduq. Uçrişişimizniŋ ikkinçi künini äynä şu uyğur bšlüminiŋ eçilişiğa zor ülüş qoşqan Ğoҗähmät Sädvaqasov vä Oktyabr' Җamaldinovniŋ tuğulğan juti – Çoŋ Aqsu yezisiniŋ tağ bağrida davam qilduq.

Uçrişiş davamida bir-birimizniŋ aililiridin hal sorap, hizmätliridin, yätkän utuqliridin vaqip bolup, muŋdişip, bähitlik štkän yaşliq vaqitlirimizniŋ qiziq däqiqilirini hekayä qilişip, hšzürländuq. Şundaqla mäktäplirimizniŋ bügünki ähvali, qazaqstanliq uyğurlar aldida turğan muhim mäsililär häqqidimu šz oy-pikirlirimizni otturiğa taşlap, uçrişişimizniŋ mäzmunluq vä täsirlik štüşini täminliduq. Biz ändi bäş jildin keyin, Çeläk täväsidä baş qoşidiğan bolup keliştuq.

Halidäm SÄYDULLAEVA.

Uyğur nahiyäsi.

Bälüşüş

Javap qalduruŋ