Jutdaşlirimizğa işinimiz

0
1 258 ret oqıldı

Ätä  Rio-de-Janeyro şähiridä HHHİ yazliq Olimpiada oyunliriniŋ oti yeqilip, ikki häptä mabaynida pütkül duniyaniŋ kšzi Braziliyaniŋ äynä şu şähirigä qadilidu desäk, heç aşurup eytqanliq bolmas. Äslitip štimizki, tšrt jilniŋ baş musabiqilirida sportçilar  medal'larniŋ rekordluq sani (306) üçün küç sinişidu. Oyunlarğa 206 mämlikätniŋ väkilliri qatnişidu, bumu, šz novitidä, rekordluq kšrsätküç bolup hesaplinidu.

Bu yärdä muhtäräm gezithanlirimizni musabiqilarniŋ qäyärlärdä štidiğanliği qiziqtursa keräk. Oyunlar štidiğan sport ob°ektliriniŋ kšpçiligi Rio-de-Janeyroniŋ Marakana, Kopakabana, Barra vä Deodoro ohşaş tšrt zonisiğa җaylaşqan. Biraq futbol turniriniŋ däsläpki basquçliri Braziliyaniŋ başqa şähärliridä – Brazilia, San-Paulu, Salvadore vä Belu-Orizontida štküzülidekän.

Marakana zonisidiki Mario Fil'yu namidiki stadion Rio-de- Janeyroniŋ baş Olimpiada ob°ekti bolup, ätä şu yärdä Oyunlarni täntänilik eçiş,  21-avgustta bolsa, räsmiy yepiş märasimliri štküzülidu. Bu yärdä şundaqla futbol matçliri štidu. Uniŋdin taşqiri Joao Avelanj (yenik atletika, regbi-7) vä Jilbertu Kardozu namidiki sport kompleksi (voleybol, sambodrom – oq-ya etiş, yenik atletika  — marafon) җälip qilinidu.

Kopakabana zonisida ataqliq Kopakabana plyaji (plyaj voleyboli) Flamengo parki (veloşosse, yenik atletika), Kopakabana forti (triatlon, oçuq suda üzüş), Rodrigu-di-Freytaş qoltuği (akademiyalik qolvaqta çepişiş, baydarka vä kanoeda çepişiş), Marina da Gloriya qoltuği (yälkän sporti) җaylaşqan.

Barra zonisida şu namda atalğan velodrom (velotrek), Rio mäydani (sport gimnastikisi, bädiiy gimnastika, batutta säkräş), Rio tennis märkizi (tennis), Rio hokkey märkizi (çimändiki hokkey), Rio su märkizi (suda üzüş, sinhronluq üzüş), Maria Lenk namidiki su märkizi (suğa säkräş, su polosi), Rio mäşiqliniş märkizi (basketbol, gandbol, küräş, taekvondo), Riotsentro (eğir atletika, boks, üstäl üstidiki tennis, badminton), Rezerva di Marapendi çimänlikliri (gol'f) ohşaş sport ob°ektliri bar.

Deodoro zonisida tšvändiki sport ob°ektliri olimpiadiçilarni qobul qilişqa täyyar: milliy at sporti märkizi (at sporti), Rio milliy oq etiş märkizi (oq etiş), Deodoro mäydani (qiliçvazliq), Rio sportniŋ zamaniviy bäş türi märkizi (sportniŋ zamaniviy bäş türi), tağ velosipedi märkizi (velosport – mauntinbayk), VMH Olimpiada märkizi (velosport – VMH),  Deodoro ekstrim-parki (baydarka vä kanoeda çepişiş –  slalom).

Ändi gezithanlirimizda «Tšrt jilniŋ baş musabiqiliriğa Qazaqstandin qançä olimpiadiçi qatnişidu?» vä «Sportniŋ qaysi türliri boyiçä küç sinişidu?», degän orunluq soallarniŋ päyda boluşi täbiiy.

Bu qetim Qazaqstandin 104 sportçi Rio-de-Janeyro Olimpiadisiğa qatnişip, ular boks, eğir atletika, yenik atletika, baydarka vä kanoeda çepişiş, oq°ya etiş, ärkin vä grek-rim kürişi, suda üzüş, veloşosse, velotrek, bädiiy gimnastika, batutta säkräş, sinhronluq üzüş, oçuq suda üzüş,  dzyudo, taekvondo, üstäl tennisi, tennis, sportniŋ zamaniviy bäş türi, oq etiş, qiliçvazliq, akademiyalik qolvaqta çepişiş, baydarka vä kanoeda çepişiş (slalom), qizlar kürişi ohşaş 25 türi boyiçä küç sinişip, elimiz şänini qoğdaydu.

Şuni qoşumçä qilimizki, qazaqstanliq sportçilarniŋ qatnişişi bilän štidiğan musabiqilar «Qazaqstan», «Habar» vä «Kazsport» telekanalliri arqiliq translyatsiya qilinidu.

Ändi jutdaşlirimizniŋ qandaq nätiҗilärni qolğa kältüridiğanliğiğa kälsäk, biz İl'ya İl'in, Svetlana Podobedova, Zul'fiya Çinşanlo, Mayya Maneza ohşaş birqatar eğir atletlirimizniŋ mäzkür olimpiadidin çätläştürülgänligigä qarimay, boks, dzyudo, yenik atletika, velosiped sporti, ärkin vä grek-rim kürişi, taekvondo ohşaş sport türliridin medal'larğa erişidiğanliğimizğa ümüt bar.

Olimpiadida mukapatliq orunlarni egiligän sport­çilirimizğa berilidiğan so­ği­larmu täyyar. Mäsilän, Rio Olimpiadisiniŋ çempioni atalğan sportçilarğa  üç bšlmilik pätir vä 250 miŋ AQŞ dolliri, ikkinçi orunni egiligänlär ikki bšlmilik pätir vä 150 miŋ AQŞ dolliri, ändi üçinçi orunğa sazavär bolğan sportçilar bir bšlmilik pätir  vä 75 miŋ AQŞ dolliri bilän mukapatlinidu.

Äslitip štimizki, 4-iyul' küni  Aqordida Dšlät rähbiri Nursultan Nazarbaev olimpiadiçilarni qobul qildi. Prezident ularni җanpidaliq kšrsitip, juquri nätiҗilärni qolğa kältürüşkä çaqirdi vä olimpiadiçilar ğalibiyitiniŋ җumhuriyät Mustäqilliginiŋ 25 jilliq toyiğa munasip soğa bolidiğanliğini täkitlidi.

Bälüşüş

Javap qalduruŋ