Musrätniŋ mümkinçiligi mol

0
526 ret oqıldı

Bügün Ämgäkçiqazaq nahiyäsidä 6824 mümkinçiligi çäklängän adäm istiqamät qilidekän. Ularniŋ içidä İ-İİ toptikilärniŋ sani – 3852, İİİ toptikilär – 2298 vä 5 adäm Uluq Vätän uruşiniŋ nakaliri. Ändi ularniŋ miŋğa yeqini tehi kamalätkä tolmiğanlar ekänligi eçinarliq. Һärhil kelişmäsliklär, kütülmigän ähvallar moşundaq kšrsätküçlärni bärpa qilivatidu. Biraq ularniŋ arisida «Mümkinçiligi çäklängän» atalsimu, teni saq adämlärdinmu çoŋ işlarni atquruvatqan insanlar bar. Bir müçisi işlimigini bilän adämniŋ mümkinçiligi çäklinip qalmayduğu! Äqil-parasätlik, jürigi pak, zamanğa layiq iş elip berişni bilidiğan adämgä iş tepişqa bolidu.

 

2013-jili Ämgäk­çiqazaq nahiyäsidä «Me­yirimdi el» җämiyätlik birläşmisi quruldi. Täkitläş lazimki, birläşminiŋ asasini salğuçi Musrät Elibaqiev İ toptiki naka. U äsli täl-tšküz tuğulğan. Biraq, 9-sinipta oqup jürginidä, üz-kšzigä qaynaq hak çaçirap, İV däriҗilik kšyük elip, eğir җarahätlängän. Kšzliriniŋ tamamän çaplişip qalmasliği üçün 39 kün mabaynida uniŋ yeqinliri yenida bolup, keçä-kündüz kšzlirigä dora temitidu. Dohturlar üç ay mabaynida uniŋ kšrüş qabiliyitini saqlap qeliş üçün kürişidu. Äpsus, uniŋ bir kšzi tamamän tutulup ketidu. Ändi ikkinçi kšzi bolsa, päqät 10 payizla kšridiğan bolup qalidu. Musrät 15 yeşida naka atilidu. Biraq uniŋ iradisi sunmaydu. Täğdirigä ränҗimäydu, çüşkünlükkä berilmäydu. Ottura mäktäpni tamamlap, Talğir şähiridiki qarğular җämiyiti yenidiki oquş-işläpçiqiriş karhanisiğa işçi bolup orunlişidu. Җämiyättiki barliq šmäklärgä, sektsiyalärgä qatnişip, birnäççä käsipniŋ qir-sirini bilivalidu. Sportqa iştiyaq bağlap, şaşka, şahmat, yenik atletika, çana sporti, çaŋğu vä tağ turizmi bilän şuğullinidu. 1991-jili bolsa, җumhuriyätlik nakalar җämiyitiniŋ täklivi bilän qazaq hälqiniŋ milliy oyuni – toğızqumalaq bilän şuğullinişqa başlaydu. Uni, asasän, naçar kšridiğan vä tamamän kšrmäydiğan adämlär oynaydiğanliqtin, bu oyun uniŋğa bäk yaqidu. Barliq boş vaqtini şu oyunğa beğişlaydu. Sportqa bolğan alahidä işqi bilän kšzgä çüşkän Musrät Elibaqiev mäzkür җämiyätniŋ sport metodisti bolup tayinlinidu. Qazaqstan qarğular җämiyitiniŋ başlanğuç täşkilati byurosiniŋ räisi, täminligüçi, täyyar mähsulat satquçi hiz­mätlirini atqurup, 22 jil işläydu. Җämiyättiki yaşlarğa toğızqumalaqni ügitidu. Vilayät çempioni atilidu. Birnäççä qetim häliqara musa­biqilarğa iştrak qilidu. Andin «Qazaqstan Җumhuriyitiniŋ sport mahiri» atilidu. Bu milliy oyun boyiçä yüzligän şagirtlarni tärbiyiläydu.

– Qarğular җämiyiti keŋäş vaqtidiki küçidin ayrilğandin keyin, šzämgä ohşaş şähslärniŋ beşini qoşup, ularniŋ šyliridä tšrt tamğa solinip oltarmay, başqilar bilän arilişişi, ularniŋmu җämiyätkä payda äkilidiğanliğini sezinişi üçün Ämgäkçiqazaq nahiyäsiniŋ Qäynäzär yezisida «Meyirimdi el» җämiyätlik birläşmisini qurdum. Baştiki mähsitim – sport bilän şuğulliniş, bizgä muraҗiät qilğanlarğa şaşka, şahmat, toğızqumalaq oyunlirini ügitiş boldi, – däydu Musrät aka.

Musrät aka däsläp işni šz yeqinliridin başlidi. Ailä äzaliriğa oyunni ügätti. Keyin Qäynäzär yezisi Mädäniyät šyiniŋ mudiri Rayhan Janbosınovaniŋ täklivi bilän šmäk eçip, jigirmidin oşuq yeza baliliri häm šsmürlirini moşu milliy oyunğa tartti. Başqa җämiyätlik täşkilatlar bilän bir­liktä nurğunliğan sport musabiqilirini štküzdi. Җümlidin Almuta şä­hiri «Yaşlar säyasiti täräqqiyatiniŋ dšlät fondi» bilän birliktä şahmat, şaşka vä toğızqumalaq oyunliri boyiçä häliqara musabiqä uyuşturdi. Uniŋğa Qazaqstanniŋ barliq vilayätliridin – 45, Qirğizstandin mümkinçiligi çäklängän 11 adäm qatnişip, ikki älniŋ «alahidä sportçiliri» šzara munasivät ornatti.

«Meyirimdi el» җämiyätlik birläş­misiniŋ işliri šrgä meŋip, Musrät aka Җumhuriyätlik qarğular җämiyitidä bir bšlmini iҗarigä elip, şähärniŋ başqimu җämiyätlik bir­läşmiliri bilän iş elip baridu. Şundaqla u İşiktä şähiridiki kšzi naçar kšridiğan balilarniŋ җumhuriyätlik mäktäp-internati bilänmu yeqin munasivättä bolup, u yärdikilärgimu yol-yoruq kšrsitip turidu.

Ötkändä  «Meyirimdi el» җämiyätlik birläşmisiniŋ mähsus layihisi iҗabiy bahağa egä bolup, 1 million 600 miŋ täŋgä utuvaldi. Musrät Elibaqiev nahiyälik içki işlar häm nahiyälik täntärbiyä vä sport bšlümliri bilän birliktä bir jilniŋ içidä çoŋlar häm yaşlar arisida 6 sport musabiqisini uyuşturdi. Äŋ muhimi, bu musabiqilar mümkinçiligi çäklängän şähslär bilän billä teni saq adämlärniŋ arisidimu štti. Uniŋğa İşiktä şähiridiki kšzi naçar kšridiğan balilarniŋ җumhuriyätlik mäktäp-internatiniŋ tärbiyilängüçilirimu qatnaşti. Musrät aka uşbu musabiqilar arqiliq mümkinçiligi çäklängän balilarniŋ äqil-oy vä matematikiliq qabiliyätlärni täläp qi­lidiğan intel­lek­tual­liq oyunlarni teni saq balilardin kam šzläştürmäydiğanliğini ispatlap, ularniŋ ro­hini kštärdi. Şun­daqla, layihidä kšrsi­tilginidäk, naka balilar üçün ingliz tili kurslirini uyuşturdi.

Musrät Elibaqiev ikki jildin beri sportniŋ golbol türi bilän şuğullinişqa başlidi. Golbol – paralimpiadiliq oyunliriniŋ qatariğa kiridu. Paralimpiadiliq oyunlar deginimiz, müm­kinçiligi çäklängän şähslärgä beğişlanğan häliqara sport musa­biqiliri. Golbol oyunini 1946-jili avstriyalik Gans Lorentsen bilän nemis Zepp Rayndle ikkinçi җahan uruşiniŋ qarğu veteranliri üçün oylap tapqan.

Golbol üç oyunçidin tärkip tapqan ikki komanda arisida oynilidu. Futbolğa ohşaş. Päqät poŋziginiŋ içigä qoŋğuraq selinğan. Qaysi komanda qarşi komandiniŋ därvazisiğa kšp dop kirgüzsä, şu komanda yeŋidu. Ändi bu oyun elimizdä Musrät Elibaqiev käbi sport işqivazliriniŋ küç çiqirişi nätiҗisidä täräqqiy ätmäkçi. Uniŋ üçün Musrät aka Golbol federatsiyasini eçip, oyun işqivazliriniŋ beşini qoşti.

Germaniyaniŋ «Deutsches Blindenhilfdwerk» qarğular bilän kšzi naçar kšridiğanlarğa yardäm kšrsitidiğan kompaniyasiniŋ yardimi vä Almuta şähiri «Yaşlar säyasiti täräqqiyatiniŋ dšlät fondi» häm «Meyirimdi el» җämiyätlik birläşmisiniŋ uyuşturuşi bilän 2015-jili QҖ Däsläpki Prezidenti Fondiniŋ sport-mäşiq kompleksida golbol boyiçä däsläpki turnir štti. Uniŋğa İşiktä şähiridiki kšzi naçar kšridiğan balilarniŋ җumhuriyätlik mäktäp-internatiniŋ “Jaydarman” vä “Barıs”, Almuta şähiridiki 4-Ostrovskiy namidiki qarğu vä kšzi naçar kšridiğan balilarniŋ mähsus internatiniŋ “Suŋqar” vä Talğir şähiridiki Qazaqstan qarğular җämiyitiniŋ komandiliri qatnaşti. Musrät akiniŋ eytişiçä, nemis käsipdaşliri golbolniŋ Qazaqstanda täräqqiy etişini halaydekän. Şuniŋ üçün «Deutsches Blindenhilfdwerk» kompaniyasi räisiniŋ orunbasari Hayke Maus qazaqstanliq dostliriğa 25 golbol poŋzigini hädiyä qiptu. Һärbir poŋzäkniŋ ottura salmiği 1620 gramm bolup, kam degändä 30 miŋ täŋgä turidekän. Poŋzäklär Qazaqstanniŋ barliq vilayätlirigä taritiliptu. Hayke Maus Qazaqstan golbolçiliriniŋ qisqa vaqitta yätkän utuqliriğa qayil bolup, ularni mehmanğa täklip qiptu. Biraq Musrät Elibaqiev päqät küçlük komanda moҗut bolğandila çät älgä baridiğanliğini täkitlidi. Şagirtlarni paralimpiadiliq oyunlarğa qatnaşturuşni arman qilidu.

Äqil-parasätlik, jürigi pak, zamanğa layiq iş elip berişni bilidiğan adämgä bügünki tehnologiyalar kündin-küngä täräqqiy etivatqan vaqitta iş tepişqa bolidiğanliğini Musrät Elibaqiev šz misalida ispatlap bärdi.

Raşidäm RÄҺMANOVA

Ämgäkçiqazaq nahiyäsi.

Bälüşüş

Javap qalduruŋ