Qädri bšläk dostlarniŋ

0
566 ret oqıldı

Çoŋ şähärlärdin jiraqta, häritidinmu tepilmaydiğan, häm­mila adäm bilip ketivärmäydiğan kiçikkinä bir jut bar. U – mehri däriyadäk käŋ, här giyasi kšzgä totiya, mäğrur tağlarniŋ bağrida, bük-baraqsan bağlar arisida çšküp qalğan Aqtam. Biz şu qedimiy jutta tuğulduq. Är yättuq. Ana mäktäpni tügättuq. Һeli bäzilirimiz ana jutta, bäzilirimiz täräp-täräpkä tarap kättuq. Şundimu arilap, billä oquğan sinipdaşlar bir-birimizni seğinip, muqäddäs jutumiz Aqtamda baş qoşup turuşni än°änigä aylandurduq. Bu qetimqi uçrişişniŋ qädri bšläk. Sävävi, ana mäktäptin uçum bolğinimizğa toğra 40 jil boldi.

Uçrişiş ilgiri duniyadin štkän dostumiz Süygün Dävlätov rohiğa atap berilgän näzirdin, yäni dua tilavättin başlandi. Uni rämätlik Süygünniŋ oğli Ärşidin ättäy biz üçün štküzüptu. Dostumiz häqqidä yahşi paraŋlar eytilip, ailisigä vä şähsän oğliğa minnätdar boluştuq.

Andin Uluq Vätän uruşida qaza bolğan ata-bovilirimizğa ornitilğan yadikarliq vä qäbir­stanliqni ziyarät qilip, sinipdaşlar namidin gülçämbärlär qoyduq. Betap bolup qalğan dostumiz Vladimir Һoşurovni yoqlap hal soriduq.

Käç juttiki kafeda štküzüldi. Uniŋ sahiphini –šzimizniŋ sinipdaş dosti Sahinur İmirova. Uçrişişni mäktäp mudiri, sinipdişimiz Oktyabr' Һezmahunov açti. Andin hämmimiz hayattin štkän ustazlar bilän sinipdaşlarni äsläp šttuq. Biz şundaqla pärişanliqta ustazlirimiz Şamahun Ğaziev, Qasimahun Nasirov, Amut Näsäkov, Roza Butaeva, Barat Qadirovni, sinipdaş dostlirimiz Süygün Dšlätov, Marat Baratov, Mähämdin Һoşurovniŋ rohiğa tazim qilduq.

Andin sšz alğan sinip rähbirimiz – uzun jil mäktivimizni başqurğan Soyuz aka Nizahunov qutluq qädimimizni täbrikläp, hämmimizgä utuq vä salamätlik tiläp, atiliq qälbini izhar qildi.

Jutniŋ sap havasi, näğmä navasi vä härbirimizniŋ jüräk qatliridiki seğiniş sezimlar bilän štkän ğenimät dämlär ätisi tağda davam qildi. Bir çağlardiki şoh gšdäklär ändi salapätlik «bovay-momaylar» sepigä qoşuluptu. Män äziz sinipdaşlirimniŋ şatliğiğa qiziqip, bäziliri häqqidä häzil-şeirlarni oqup, tehimu kšŋlini kštirişkä tiriştim.

Һeli hämmimiz nävrä sšyüp, är yetip kätsäkmu, härqetim jutqa barğanda šzimizni gšdäk sezimiz. Çünki ana jutni kinäş, qädri bšläk dostlar bilän didarlişişmu bir bähit ekän.

Säydähmät AMUTOV.

Almuta şähiri.

Bälüşüş

Javap qalduruŋ