Az kündä Amerikiğa atlinidu

0
569 ret oqıldı

İsmi: Saidäm Familiyasi: Kärimova Käspi: muällim/ Yeqinda «Uyğurçä oquğanlarniŋ keläçigi yoq» däp pätva toqup, pärzäntlirini šzgä tillarda oqutuvatqan ata-anilar pikriniŋ tamamän hata ekänligigä yänä bir qetim kšz yätküzduq. Talğir nahiyäsiniŋ Tuzdıbastav yezisidiki 31-mäktäptä ana tilida oqup, uni 2010-jili «Altun bälgügä» tamamliğan vä šz bilim-qabiliyitini ämäliyatta namayän qilğan Saidäm Kärimova sšzümizgä ispat bolalaydu.

Saidämniŋ ailä äzaliri päqät uyğurçä sšzlişidu vä ularniŋ hämmisi millitimizgä munasivätlik härqandaq iştin çättä qalğan ämäs. Şu tüpäyli Saidäm millätpärvär, bilimgä täşna qiz bolup šsti. U başlanğuç siniplardin başlapla mäktäp programmisi bilänla çäklinip qalmastin, mäktäptä štküzülgän barliq çarä-tädbirlärgä paal arilaşti häm härhil pänlär boyiçä uyuşturulğan musabiqä-konkurslarda aldinqi orunlardin kšrünüp käldi. Moşundaq tädbirçan, zeräk qizniŋ keläçigidin ümüt kütkän ustazliri Saidämgä qoldin kälgän yardimini berip, uni härtäräplimä qollap-quvätläp kälgän bolsa, şagirti, šz novitidä, ularniŋ bu eqidisini yärdä qoymidi.

Keläçäktä kim boluşini aldin-ala reҗiläp qoyğan Saidäm kšp oylanmastin Qazaq-Türk universitetiniŋ ingliz tili fakul'tetini tallavalidu. Bu bilim därgahidimu u paaliyätçanliği bilän kšzgä çüşüp, oquşta älaçilar qataridin kšrünidu. Muällim käspigä muhäbbät bağliğan yaş qiz 2014-jili universitetni muvappäqiyätlik tamamlap, җänubiy paytähttiki nami helila ammibap «Didar» şähsiy mäktivigä işqa orunlişidu. 1 — 4-sinip oquğuçiliriğa ingliz tili mukämmäl oqutulidiğan mäktäptä käsipdaşliri vä rähbärlikniŋ izzät-hšrmitigä sazavär bolidu. Rähbärlik demäkçi, yeqinda äynä şularniŋ tävsiyäsi boyiçä, Saidäm Amerikiniŋ Tehas ştattidiki North-Amerikan Univesity universitetiğa oquşqa atlanmaqçi. U bu yärdä «Educational Leadership» (Häliq maaripini başquruş) boyiçä magistraturiliq bilim alidu. Tirişçan qiz bu oquş ornini utuqluq tamamliğandin keyin җumhuriyitimizniŋ härqandaq yeridä maarip sahasiniŋ juquri lavazimlirida işäşlik hizmät qiliş hoquqiğa egä bolalaydu.

Moşu künlärdä säpär täräddutini qilivatqan Saidäm bilän sšhbätläşkinimizdä, u mäyli ana mäktividä yaki aliy bilim därgahida bolsun, uniŋğa işängän vä här җähättin yar-yšläk bolğan barliq ustazliridin çäksiz minnätdar ekänligini eytti.

Öz novitidä, bizmu bilimdin bähtini tapqan häm uni tehimu yüksäldürüş yoliğa çüşkän Saidäm Näsirdin qiziğa «Pärvaziŋiz egiz bolsun!» demäkçimiz.

Mäşür SASİQOV.

Bälüşüş

Javap qalduruŋ