«Sänäm» tortlirini Sänäm täyyarlaydu

0
681 ret oqıldı

Yeqinda bir tonuşum  «Sänämniŋ» tortliri bäk meyizlik, nahiyädä tort täyyarlaşta uniŋ aldiğa štidiğan heçkim yoq», däp qaldi. Şunda kšpçilikniŋ  kšŋlidin çiqivatqan  tortni ämäs, bälki uni täyyarlavatqan  qändälätçini izdäşkä toğra käldi. Ätisila Yarkänt şähiridiki märikiziy bazarniŋ  yenidin štüvetip,«Sänäm»  qändälät dukini» degän yeziqqa kšzüm çüşti. Namidin kšrünüp turğinidäk, nan vä nan mähsulatliri härhil türliri setilidekän. Dukan täkçiliridä  rät-reti bilän tizilğan çirayliq häm qolayliq  qaplardiki  mähsulatlarni elivatqan heridarlarmu helä bar.  Korobkilarniŋ sirtiğa «Sänäm» qändälät tsehi markisi bilän  mähsulatniŋ täyyarlanğan häm istimal qiliş vaqti yeziliptu.

— Bu dukandin çoŋ oğlumniŋ šyliniş toyiğa keräklik peçen'e, buloçkilarni setivalğan edim. Ändi bu jili ikkinçi oğlumniŋ toyi harpisida yänä käldim, — dedi biz sšhbätläşkän heridarlarniŋ biri.

Setiqçi qiz bolsa, qoli-qoliğa tägmäy soda qilğaç, bizgä: «Һazir, ikki  aydin oşuq boldi Yarkänttä toylar qizivatidu ämäsmu, kšpçilik aldin-ala buyrutma berivatidu. Qändälät tsehi Çuluqayda. Mudirimiz — Sänäm Sadiqova degän  tiҗarätçi hanim, heli kelip qalar» dedi. Degändäkla, meŋiş-turuşi çaqqan, ottura yaşlar çamisidiki bir җugan käldidä, šzini «Män Sänäm bolumän» däp tonuşturdi. Uniŋ täklivi boyiçä, sšhbitimiz Çuluqaydiki tsehta davamlaşti.

Särämҗan hoyla, haşamätlik bena. Birinçi qävitidiki  tsehniŋ   taziliği bilän särämҗanliğiğa zoqiŋiz kelidu. Qändälätçi qiz-җuganlar šz işi bilän bänt. Biri pişärsä, yänä biri qaçilavatidu. Qisqisi, iş qiziğan päyt ekän. Tsehniŋ içi päçlärniŋ işläp turğiniğa qarimay, helila salqin.

— Tsehtiki päçlärni 2002-jili Hitaydin elip kälduq. Peçen'e, buloçkilarniŋ 32 türini pişirişkä mol­җalanğan. Ändi silärni qiziqturuvatqan tortlarniŋ hazirçä 6 türini päqät buyrutma boyiçä täyyarlaymiz. Däsläp päqät  Yeŋi jil, tuğulğan kün, tävälludlarğila buyrutmilar kelip çüşätti.  Һazir här küni degidäk. Täläp-ehtiyaҗi üstün heridarniŋ kšŋlidin çiqiş — bizniŋ muhim väzipimiz. Һazirçä 15 adämni iş bilän täminlävatimiz. Keläçäktä çoŋ tiҗarätni başlisaq, işçilar sanini yänimu kšpäytimiz degän oyimiz bar, — dedi Sänäm hädä soalimizğa җavavän.

Sänäm Sadiqova bilän sšhbätlişivatqanda, uniŋ yanfoniğa aram bolmidi. Çuluqay yezisidiki mäktäp aşhanisidin, Qiriqquduq yezisidin, nahiyälik bilim bšlümidin buyrutmilar käldi.

Sänäm Sadiqova här jili «Mäktäpkä yol» җumhuriyätlik aktsiyasidä  10 balini mäktäpkä haҗätlik vä başqimu issiq kiyim-keçäk vä oquş quralliri bilän täminlävetiptu. Nahi­yädiki Qiriqquduq, Çuluqay, Nağriçi, Tšvänki Pänҗim, Dehan Ğäyrät yeziliridin  җämi 100 balini   helä jillardin beri issiq tamaq bilän täminlävetiptu. Ändi җumhuriyätlik «Uyğur avazi» gezitiğa här jili  20 adämniŋ yazduruşnimu untumaydekän.

Biz bu qetimqi ziyaritimizdä kiçik tiҗarätniŋ çoŋ tiҗarätkä aylinip, ävlattin ävlatqa qelişi mümkin ekänligigä yänä bir qetim kšz yätküzüduq.

Gšhärbüvi İSMAYİLҖANOVAPanfilov nahiyäsi.

Bälüşüş

Javap qalduruŋ