Tağdäk yšläkçim edi

0
647 ret oqıldı

Meniŋ tağdäk yšläkçim bolğan atam Nurähmät Mähämät oğli Ahmollaev bu künlärdä hayatiniŋ 75-davanidin aşqan bolar edi. Äpsus, atam arimizda yoq. Şum äҗäl uni tuyuqsiz elip kätti. U kün meniŋ yadimdin zadila kätmäydu. Män Talğir nahiyäsiniŋ Qizil Ğäyrät yezisida muällim bolup işlävatattim.Taŋ sähärdä çüş kšrdüm. Çüşümdä šyümiz yeŋidin selinğan ekän. İçidä heçqandaq buyum yoq. Sirtqa çiqip käynimgä burulup qarisam, šy kštirilip-çayqilip qozğalğandäk boldi… Çšçüp ohinip kättim. Şu küni şum hävär aldim: män qanitimdin ayrilip, tağdäk yšlänçimni yoqatqan ekänmän. Atam buniŋdin 13 jil ilgiri 62 yeşida alämdin štti. Şunçä uzaq jillar štsimu, şu qayğuluq kün maŋa tünügünla bolğandäk sezilidu.

Ata! Seniŋ baqiliq bolğiniŋğa heç işängüm kälmidi. Män üçün hayat tohtap qalğandäk boldi. Maŋğan izliriŋ, illiq çirayiŋ, kšz aldimdin ketär ämäs. Һazirla işiktin kirip kelidiğandäk turisän.

Seni arimizda yoq deyişkä tilim barmaydu. Sävävi, çoŋ akamniŋ oğli saŋa quyup qoyğandäk ohşaydu. Seniŋ simariŋni şuniŋdin kšrgändäk bolumän. Һärqaçan šzäŋ hayat çeğiŋda štküzgän hayatimniŋ härbir däqiqisini untumaymän.

Atamniŋ vapatidin keyin uniŋ qerindaşliri Rehan, Ğoҗähmät, Barat, Gülpämmu biriniŋ arqisidin biri alämdin štti. Bu jillar bizniŋ ävladimiz üçün bäk eğir käldi. Nä ilaҗ, täğdirgä tän bärmäskä amal yoq ekän.

Atam Nurähmät 1941-jili ilgärki Çeläk nahiyäsiniŋ Ğäyrät yezisida tuğulğan. Uniŋ baliliq dävri uruş jilliriğa toğra käldi. Anisidin ätigän ayrilğan atam šyniŋ çoŋi bolğaçqa, kiçigidinla ämgäk qilip, bovam Mähämätkä qol-qanat boldi. Baliliq, yaşliq çağlirida qiyinçiliqni baştin käçürgän bizni dayim ämgäk qilişqa, bilimlik, inaq boluşqa tärbiyilidi. Atam pütkül šmrini adil ämgäk bilän štküzdi. Uzun jillar «Asi» sovhozida şofer bolup işlidi. Nahayiti ämgäksšygüç, härqandaq eğir iştin baş tartmaydiğan, aq kšŋül, qälbi pak insan edi. Anam Mehikäm Setieva bilän ailä qurup, bäş pärzänt tärbiyilidi. Bu jil ularniŋ ailä qurğiniğa 50 jil tolattekän…

Oğulliri ata izini besip, qizliri aliy bilimlik bolup, šz hizmätlirini atqurmaqta. Märhum bizni baqimän-qaqimän, oqutimän däp, kšp җapa-mäşäqätlärni tartti.

Һayat haman davam qilmaqta. Atimizniŋ yoqluğini bilindürmäy jürgän anam biz üçün säkparä. İlahim, uniŋğa uzaq šmür, salamätlik yar bolsekän däp tiläymiz.

«Anidäk mehrivan qayda, Atidäk ğämgüzar qayda» demäkçi, häqiqätänmu ular yeniŋda bolsa, tağdäk yšläkçim bar däp, šzäŋni bähitlik sezisän. Һärbir ailiniŋ tüvrügi bolğan ğämgüzar, mehrivan atilar aman bolsun.

Qädirdanim, mäzmut çinarim, atam. Seni äsläp, kinäp-seğinip qolumğa qäläm aldim. İlahim, imaniŋ yoldaş, rohiŋ җännättä bolsun.

Ayimgül AHMOLLAEVA.

Ğäyrät yezisi, Ämgäk­çiqazaq nahiyäsi.

Bälüşüş

Javap qalduruŋ