Çempion yänä İspaniyamu yaki…

0
1 093 ret oqıldı

Bir aydäk vaqittin beri millionliğan futbol işqivazliriniŋ diqqitini šzigä җälip qilivalğan futbol boyiçä Evropa çempionatida tehi oynalmiğan ikki matçla qaldi: ikkinçi yerim final uçrişişi vä final. Biraq gezitimizniŋ bu sani qolimizğa täkkändä, biz Evro — 2012niŋ häl qilğuçi matçi — finalda kimlärniŋ oynaydiğanliğini bilimiz.

Şärqiy Evropidiki äŋ haşamätlik hesaplanğan Donetsk şähiridiki «Donbass-arenada» štkän birinçi yerim final uçrişişida hoşna ikki mämlikätniŋ tallanma komandiliri — Portugaliya — İspaniya uçraşti. «Evropidiki braziliyaliklär» atalğan portugaliyaliklär matç harpisida häm duniyaniŋ, häm Evropiniŋ ämäliyattiki çempioni — ispanlardin heç qorqmaydiğanliğini, hätta «mäydanda җeni çiqip kätkiçä jügräşkä täyyar ekänligini» yoşurmiğan edi. Matç bu bildürüşniŋ adättiki räqipni çšçütüş üçün eytilğan paraŋ ämäs, bälki portugaliyaliklärniŋ kšŋlidiki häqiqiy gäp ekänligini kšrsätti. Mäydanniŋ här bir metri üçün talaş-tartiş şundaq ovҗ aldiki, futbolçilar bir-birini zadila ayimidi, matç sud'yasiniŋ här ikki komandiğa җämi säkkiz «seriq kartoçka» kšrsätkänligi şuniŋ ispati. Äynä şundaq nahayiti җanliq vä qiziq štkän matçniŋ asasiy vaqtidimu, qoşumçä ikki ekstra-taymdimu hesap eçilmidi — 0:0. Lotereya hesaplinidiğan on bir metrliq äyip poŋzigini tepişta ispanlarniŋ yoli bolup, Evro — 2012niŋ däsläpki finalisti ataldi.

Tünügün tün yerimdin aşqanda ikkinçi yerim final — Germaniya — İtaliya uçrişişi štti. 1-iyul' küni finalda İspaniya bilän Germaniya yaki İtaliyaniŋ qaysisi oynaydiğanliğidin qät°iy näzär, Kievniŋ 60 miŋdin oşuq adäm siğidiğan «Olimpiyskiy» stadionida jiŋnä sançiğidäk orun qalmaydiğanliği hazirniŋ šzidila mälum. Eytişlarğa qariğanda, päqät Kievqa kelidiğan ispaniyalik futbol işqivazliriniŋ sani 30 miŋdin eşip ketişi mümkin ekän. Ändi buniŋğa yänä bir finalist komandiniŋ fanatlirini qoşayli, yärlik işqivazlarğa stadiondin orun tepişniŋ šzi müşkül işqa aylinip qalidiğanliği eniq. İnternettiki hävärlärgä işänsäk, buniŋdin helila ilgiri finalğa bilet setivalğan yärlik futbol işqivazliriniŋ besim qismi (ular, mümkin, finalğa Ukraina tallanma komandisi çiqidu däp işängän bolsa keräk) biletlirini çät älliklärgä bir näççä hässä qimmitigä setivatqan kšrünidu.  

Bu qetim kim çempion bolidu, yänä İspaniyamu yaki biz yeŋi Evropa çempioniğa egä bolimizmu? Bu soalniŋ toğra җavavini finaldin keyin bilimiz.

İvrayim BARATOV.

 

Bälüşüş

Javap qalduruŋ