Güldaladiki uyğur ustazliri

0
549 ret oqıldı

Ğulҗa yoliniŋ boyidiki «Krasnoe pole» yezisini hämmimiz yahşi bilimiz. Һazir bu yeziniŋ räsmiy nami – Güldala. Jut çoŋliri yeziniŋ ilgärki namini eğizidin çüşärmisä, yaşlar yeŋi isimğa üginip qaptu. Çoŋlar demäkçi, bu yärgä uyğurlar buniŋdin atmiş jil ilgiri kšçüp kelişkä başliğan ekän. Däsläp on uyğur ailisi bolğan deyişidu. Şularniŋ biri — peşqädäm ustaz Tudihan İskändärovaniŋ ailisi.

Maqalini bu aniniŋ ismi bilän başlişimiz täsadipi ämäs. Öz vaqtida, yäni 1989-jili Tudihan ana alimä Büvihan Älahunova vä jut aktivistliri Һosmanҗan Һaşimov, Zlavdun Avdinov, Salaydin Teyipov qatarliq bir türküm milliy maaripimiz җankšyärliriniŋ yardimi bilän mäzkür yezidiki mäktäptä uyğur sinipini bärpa qilip, balilirimizni ana tilida tärbiyiläşni qolğa alğan edi.

— Uyğur sinipiniŋ eçilişini ata-anilar gül­dürligän çavak­lar bilän qarşi aldi, — däp štmüşni äslidi Tudihan ana. — Ular bizniŋ keläçigimizniŋ milliy mäktäpkä bağ­liq ekänligini, tilimiz arqiliq mädäniyi­timizni saqlap qalidi­ğanliğimizni çüşändi. Һazir män oqutqan kšp­ligän şagirtlirim hälqi, juti üçün hizmät qilivatidu. Män buniŋğa hoşal.

Bügünki kündä gül­da­laliq uyğur aili­liriniŋ sani 700gä yetiptu. Mäktäptiki 1300 oquğuçiniŋ 700din oşuği bizniŋ qarakšzlirimiz ekän. Ulardin 175 bala uyğur sinipida oquydekän. Bu räqämlärni Tudihan aniniŋ izini davamlaşturuvatqan qizi Gülbähräm İskän­därovadin aldim. Bügünki kündä u uyğur sinipiğa җavapkär.

— Һazir uyğur sinipiğa bala toplaş mäsilisi jildin-jilğa märäkkäplişivatidu, — däydu Gülbähräm eçinğan halda. – Pursättin pay­di­linip, milliy mädä­niyitimizgä bepärva qari­maydiğan jutumizniŋ jigitbeşi Turğanҗan Kerimov bilän uniŋ orunbasari Azat Qurbanovqa minnätdarliğimni izhar qilmaqçimän. Meçit qomimu balilirimizğa dayim qol uçini sozup turidu.

Aŋlişimizçä, mäktäp mudiri Quan Aytbaevmu uyğur sinipiniŋ җankšyärliriniŋ biri ekän. Ustazlar uniŋdin çäksiz minnätdar.

— Balilirini uyğur sinipiğa bärmäyvatqan bäzi ata-anilarniŋ be­pär­valiği bizni äpsus­landuridu, — däydu uyğur sinipiniŋ muällimliri bir eğizdin.

Şuniŋğa qarimay, ustaz­larniŋ mäyrämlik käy­piyati juquri. Mäy­rimiŋlar mubaräk, ustazlar!

Bähtişat SOPİEV.

Talğir nahiyäsi.

SÜRÄTLÄRDÄ: 1. Uyğur sinipiniŋ ustazliri 2. Birinçi sinipqa qädäm täşrip qilğan balilar.

Bälüşüş

Javap qalduruŋ