Almuta vilayitiniŋ kubogini yeŋivalduq

0
1 428 ret oqıldı

Yeqinda Häşkiläŋ şähiridä 1996 — 1997- vä 1998 — 1999-jilliri tuğulğan oğul balilar komandiliri arisida voleybol boyiçä Almuta vilayitiniŋ kubogi üçün musabiqä bolup štti. Tšrt küngä sozulğan bu sport bäygisigä vilayätniŋ barliq nahiyäliridin onliğan komanda qatnaşti. Uniŋğa Uyğur nahiyäsidinmu ikki tallanma komanda iştrak qilip, 1996 — 1997-jili tuğulğanlar komandisi — birinçi, 1998 — 1999-jili tuğulğanlar komandisi ikkinçi orunğa egä boldi. Biz bu här ikki komandimizniŋ mäzkür musabiqiğa qatnişişimiz vä uniŋğa härtäräplimä täyyarliq kšrüşimiz üçün şarait yaritip bärgän «Birlik» җämiyätlik fondiğa, җümlidin uniŋ prezidenti Adilҗan Zäynavdunovqa alahidä minnätdarliğimizni izhar qilmaqçimiz.

Eytiş keräkki, ahirqi jilliri mäzkür fond uyğur mäktäpliri arisida sportniŋ här hil türliri boyiçä musabiqilarni uyuşturup kelivatidu. Şu tüpäyli uyğur tilida bilim elivatqan oğul-qizlirimiz arisidimu sportqa çin ihlas bağliğan yaşlar sani kšpäydi. Mäsilän, juqurida sšz bolğan voleyboldin Almuta vilayitiniŋ kubogi üçün musabiqä yäküni boyiçä, bizniŋ komandiniŋ ikki oyunçisi — A.Rozibaqiev namidiki ottura mäktäpniŋ 10-sinip oquğuçisi Ğ.Ğäyrätov bilän M.Һämraev namidiki ottura mäktäpniŋ 9-sinip oquğuçisi M.Şamahunov Almuta vilayätlik oquğuçilar tallanma komandisiğa äzaliqqa qobul qilindi. Biz bu qoş şagirtimizğa utuq tiläymiz.

Kälgüsidä äynä şu hildiki sportçi yaşlirimiz saniniŋ tehimu kšpiyidiğanliğiğa işinimiz.

Abduvaris AZNİBAQİEV,

Äkräm BASİTOV,

mäşiqländürgüçilär.

Uyğur nahiyäsi.


 

Bälüşüş

Javap qalduruŋ