Evropidiki äŋ küçlük — İspaniya

0
1 611 ret oqıldı

«Qizil furiya» bu ataqqa tarihta birinçi bolup uda ikki märtä qol yätküzdi

1-iyul' küni Kievniŋ «Olimpiyskiy» stadionida oynalğan futbol boyiçä Evropa çempionatiniŋ finalida İspaniya tallanma komandisi İtaliya komandisini 4:0 hesavi bilän utup, yänä Evropa çempioni ataldi. Ägär 2010-jili ispanlar duniya çempionatidimu ğalip çiqqanliğini äskä alsaq, bu ularniŋ ahirqi tšrt jilniŋ içidä üçinçi qetim çoŋ utuqqa qol yätküzgänligi bolup hesaplinidu.

Evropa räqipliriniŋ biri çoŋ besimliq kšrsätkän mundaq finalni kšptin beri kšrmigän edi. Mäsilä ispanliqlarniŋ çempionat başlanğandin beri däsläpki qetim moşundaq hämmini häyran qaldurğan oyun kšrsätkänligidä ämäs, bälki duniyadiki äŋ küçlük hesaplinidiğan «Barselona» klubiniŋ ülgisidiki oyun taktikisini qollanğanliği bilän päriqländi. Särdar Visente del' Boskeniŋ şagirtliri bu küni mäydanda artuq-kam pas beriş, bekardin-bekar jügräş degänni bilmidi, hätta mäydanda birla komanda oynavatqandäk täsirat qaldurdi.

Matç här ikki täräpniŋ bir-birigä җiddiy pressing qollinip, avaylap härikät qilişi bilän başlanğandäk bilingän edi, biraq asta-asta oyun tizgini ispanlarniŋ qoliğa štüşkä başlidi. Şundaq päytlärniŋ biridä Fabregasniŋ nahayiti däl bärgän poŋzigini David Silva mahirliq bilän paydilinip, huddi bil'yard teşini urğandäk, baş bilän därvaziğa däl çüşärdi — 1:0. İspanlar oyundiki besimliqni moşu gol bilän ispatliğandäk boldi. Ändi 35 minuttin başlap, ular italiyaliklärniŋ šzliriniŋ äyip mäydanidin neri štüşigä mümkinçilik bärmidi. Mäydanniŋ neriqi täripidin nahayiti eniqliq bilän alğa berilgän pas Jordi Al'bani därvaziçi Djanluidji Buffon bilän yäkmu-yäk çiqardi vä hesap 2:0 boldi.

İkkinçi taymni İtaliya tallanma komandisi šz tärkividiki šzgirişlär bilän başlidi. Һuҗumçi Antonio Kassanoniŋ orniğa çiqqan Antonio Di Natale tablodiki hesapni qisqartiş mümkinçiligini qoldin çiqirip qoydi. Moşu päyttin başlap italiyaliklär «Qizil furiya» futbolçiliriniŋ äyip mäydaniğa yeqinmu kelälmidi, äksiçä, ispanlar biridin-biri çirayliq kombinatsiyalärni uyuşturup, Buffon bilän himayiçilarğa aram bärmidi. Һätta Fabregasniŋ jiraqtin täpkän poŋzigi himayiçiniŋ qoliğa tegip, yšnilişini šzgärtkänligini matç referi kšrsimu, kšrmäskä saldi. Bu oyunniŋ 50-minuti edi: italiyalik qoğdiğuçiniŋ därhal äyip mäydanidin neri qaritip tepivätkän poŋzigini nahayiti mahirliq bilän tohtatqan Havi uni Fernando Torresqa yätküzdi. Fernando bolsa, bu mümkinçilikni qoldin bärmidi, Buffon bilän yäkmu-yäk degidäk çiqip, hesapni 3:0gä yätküzdi. Tšrtinçi poŋzäkmu moşundaq usul bilän kirgüzüldi. Bu qetim Torres mäydanğa ändila çiqqan Huan Matağa äyip mäydançisiniŋ içidä nahayiti çirayliq pas bärdi.

Şundaq qilip, ispanlar Evropa çempionatiniŋ finalida räqiplirini çoŋ hesap bilän tiz püktürdi vä «qeri qit°ädä» hazirçä ularğa täŋ kelidiğan başqa komandiniŋ yoq ekänligini yänä bir qetim ispatlidi.

İvrayim BARATOV.     

Bälüşüş

Javap qalduruŋ