Ändi Abduhaliq Uyğurniŋ şeirlirini yaponlarmu oquydu

0
712 ret oqıldı

Yeqinda yalqunluq uyğur şairi Abduhaliq Uyğurniŋ şeirliri yapon tiliğa tärҗimä qilinip, Tokiodiki «Taki» näşriyatidin «Küräşçan uyğur şairi Abduhaliq Uyğur» degän nam bilän çiqti. Mäzkür toplamğa büyük qäläm sahibiniŋ säksän parçiğa yeqin şeiri kirgüzülgän. Tärҗiman — Yaponiyadä kšzgä kšrüngän uyğur tili mutähässisi, Tokio çät äl tili universitetiniŋ sabiq professori Reiko Һagita hanim.

Toplamda Abduhaliq Uyğurniŋ ailisi vä tärҗimihali berilgän. Şairniŋ 1901-jili 9-fevral' küni Yeŋişähärdä (Turpan vilayiti) märipätpärvär Abdurahman Mähsüm ailisidä tuğulğanliği, üç yaştin başlap çoŋ anisi Ärämisaniŋ rivayätlirini aŋlap šskänligi, çoŋ dadisi Miҗit haҗimniŋ Rossiyaniŋ Qazan, Şämäy şähärliridin elip kälgän yeŋiçä därisliklärni oqup yetilgänligi, äräp, pars tilliridin häviri bar atisidin yahşi tärbiyä alğanliği toğrisida bayan qilinğan. Җümlidin 1915-jili Şämäydiki rusçä başlanğuç sinipta tähsil kšrgänligi, 1918-jili aprel'da Turpanğa qaytip kelip, Yeŋişähärdiki şštaŋğa (hitay mäktivigä) kirgänligi, 1923-jili martta Rossiyadä aliy mäktäpkä çüşüp, 1926-jili vätinigä qaytip kälgänligi häqqidimu täkitlängän.

Yaponiyalik säyasiy obzorçi Miura Kotaro: «Ottura Aziya şairliriniŋ äsärliri yapon tiliğa yetärlik däriҗidä tärҗimä qilinmiğan. Şuŋlaşqa biz hazir buniŋğa alahidä kšŋül bšlüvatimiz. Abduhaliq Uyğurdäk küräşçan uyğur şairliriniŋ iҗadiyiti arqiliq uyğur ädäbiyatini Yaponiya җämiyitigä tonuşturuşni mähsät qilivatimiz», degän pikirni eytqan.

Eytiş keräkki, Reiko Һagita hanim ilgiri Abdurehim Ötkürniŋ «Oyğanğan zimin» vä «Uyğur on ikki muqaminiŋ tekstliri» kitaplirini yapon tiliğa tärҗimä qilğan.

www.rfa.org

Bälüşüş

Javap qalduruŋ