Signalizatsiyaniŋ yardimi

0
642 ret oqıldı

— Allo, allo yoldaş kapitan, meni aŋlavatamsiz?

— Һä-ä, aŋlavatimän, sšzläveriŋ, quliğim sizdä.

— Yoldaş kapitan, bu — novätçi küzät starşinasi Belimova. Käçürüm soraymän, ohitivättimmu?

— Һeç vaqiäsi yoq. Özämmu ohinip, kofe içivatattim. İşqa täyyarlinivatimän, – däp saatqa qarisam bäş boptu.— Undaq bolsa, bayan qilişqa rähsät qiliŋ? Qarimamsiz, bügün ätigänligi saat tšrttin on bäş minut kätkändä «Kšk bazardiki» «Salamat» altun-kümüç dukinidin novätçi qisimdiki pul'tqa signal käldi. Vaqiä yüz bärgän җayğa därhal patrul' hizmätçilirini ävättim. Dukanniŋ sirtini täkşürgän küzätçilar bir derizä äynäkliridin biriniŋ sunğanliğini hävär qildi. Dukanniŋ içidä vä ätrapida heçkim kšrünmäydu. Ular sizni şu yärdä kütmäktä.

— Hop, starşina. Birinçidin, küzättikilär vaqiä bolğan җayni yahşilap arilisun. Diqqätçan bolsun. İkkinçidin, mototsikl patrul'liri ätrapni çarlap çiqsun. Guman qilğan kişilärniŋ hšҗҗätlirini täkşürsun. Üçinçidin, dukan mudiri bilän hävärlişip, uniŋğa kelişni täminlisun. Ätigän telefon qilğiniŋizğa käçürüm soraşni untumaŋ!? – däp maşina ävätişni soridim.

Bu vaqiä 1984-jili yüz bärgän edi. Һoyliğa çiqip, tamaka çekivetip, moşu ikki ayniŋ içidä bu dukanğa ikki qetim oğri çüşüp, altun-kümüçtin yasalğan buyumlarni oğrilap kätkänligi yadimğa çüşti. Çiqimi ançila kšp bolmisimu, bizni helila galvaŋ qildi. Bügün yänä oğrilar derizä arqiliq çüşüptu. «Bir amal tepip, häddidin eşip kätkän haramzadilärgä šzimizni bir tonutup qoyuş keräk», degän oyumni maşina faridin çüşkän yoruq buzuvätti.

— Yoldaş kapitan, qarimamsiz, «Salamat» dukiniğa yänä oğri çüşüptu. Bizni ahmaq kšrüp, tutalmaydu däp oylavatqandu. Biz ularni bäribir qolğa alimizğu, hä, yoldaş kapitan? – däp şofer maŋa qarap, maşininiŋ rulini aliqini bilän urup qoydi.

— Ğäm yemä, serjant Şurov. Çoqum tutimiz. Bäribir oğrilar tutulup, sot aldida җavap beridu, — däp Vanyani sävirlikkä çaqirdim. Biraq oyum şu dukanda. «Bu qandaq bolğini? «Salamat» ikki ayniŋ içidä üç qetim oğrilandi. Bular kimdu? «Kšk bazarni», uniŋ ätrapidiki birnäççä karhana vä kiçik dukanlarni küzitivatqan küzätçilärni galvaŋ kšrginimu? Һäyran qalğidäk vaqiä, yaq, bu räsvaçiliq» degän oylirimni «Kälduq, yoldaş kapitan», degän Vanyaniŋ üni buzdi. Şu zaman meniŋ yenimda päyda bolğan çoŋ serjant Qasimov: «Yoldaş kapitan, bügün taŋğa yeqin «Salamat» dukiniğa oğrilar derizä arqiliq çüşkän ohşaydu. Bäş minut burun dukanniŋ qaraŋğu täripidin ğil-pal kšrüngän adämni kšrüp qalduq» degiçä, jügräp kälgän vzvod komandiri, leytenant Tret'yakov:

— Yoldaş kapitan, çoŋ serjant Qasimov durus däydu, mänmu kšrdüm. Şuniŋ üçün qoşumçä küzätçilärni qoyup, «Salamatni» qorşavalduq. Dukandin çiqip ketişi mümkin ämäs, — dedi, aliqanlirini ugiliğan halda.

Ularğa qoyulğan qoşumçä postlarni bir qarap çiqip, hämmisiniŋ diqqätçanliq vä pähäs boluşini yadiğa saldim. Şu ariliqta «Salamat» dukininiŋ mudiri vä setiqçiliri işik aldida toplişip turuptu. Teçliq-amanliqtin keyin, setiqçilar bilän küzätçilärgä pokäylärniŋ içini diqqät bilän täkşürüp çiqişini iltimas qildim. Undaq deyişimniŋ sävävi, oğrilarniŋ heridarlar arisiğa «siŋip», qutulup kätkän vaqiälär bolğan.

Biraz vaqit štkändin keyin, setiqçilarniŋ biri bilän billä šp-çšrini täkşürüvatqan küzätçi İliev: «Yoldaş kapitan, bu yaqqa keliŋa» däp qaldi. Män, mudir vä vzvod komandiri üçimiz uniŋ yeniğa barduq. «Monu ayaqlarğa qaraŋa» dedi serjant. Buluŋda qeçip ülgirälmigän 10 – 12 yaşlar çamisidiki ikki baliniŋ korobkilarniŋ içidä mšküp yatqinini kšrüp, häyran qalduq.

— Bu gšdäklär qandaqlarçä derizini sundurup, oğriliq qilip jüridekän? İşängüm kälmäydu. Kiçik balilarğu! Ularğa nemä yätmäydekinä? — dedi mudir eçinğan halda.

— Ğäm yemäŋ, tärgäv hämmisini eniqlaydu. Şuniŋdin keyin bularniŋ täğdirini häliq soti häl qilidu.

Signalizatsiyaniŋ yardimigä bu qetim çoqum işändim. Uni çoŋ-kiçik dukanlarğa ornitişqa vä uniŋ yeŋi türlirini qollinişqa bolidiğanliği häqqidä tehnikiliq bšlümniŋ başliği bilän mäslihätlişişni toğra kšrdüm. Çünki signalizatsiyaniŋ keläçäktä çoŋ rol' oynaydiğanliğiğa işänçim kamil edi.

Pidamähämät YÜSÜPOV.

Bälüşüş

Javap qalduruŋ