Paaliyitini muällimliktin başliğan

0
530 ret oqıldı

Moşu bir eğiz sšz tilimizğa kälgändä, bir zamanda yaşiğan, billä šsüp çoŋ bolğan, oqup hizmät qilğan qädinaslar kšz aldimizda namayän bolidu. Äbilbek Aytaqınov bilän 1977-jili käç küzdä Almutida Aliy partiya mäktividä tonuştum. İkki jil billä oquduq. Bu yärdä rularğa, jüzlärgä bšlüş-bšlünüş degän illätlär bolmidi.  Oquşumizni tamamlap, Äbilbek šzini yollanma bilän ävätkän Almuta vilayitigä, män bolsam, yeŋidin täşkil qilinğan vilayätkä hizmätkä  atlanduq. Keyin biz štkän äsirniŋ tohsininçi jilliri «Nevada-Şämäy» häliqara yadro quraliğa qarşi härikätniŋ «Lobnor» bšlümçisidä yänä uçraştuq. Bu bšlümçä Ämgäkçiqazaq häm Çeläk nahiyäliridä mitinglarni uyuşturuş bilän bänt boldi. U çağda Äbekeŋ Çeläk nahiyälik «Eŋbek  tuı» –  «Ämgäk tuği» gezitida baş muhärrir edi. Şuŋlaşqimu mäzkür aktsiyagä gezitniŋ kollektivi tügäl qatnaşti. Baş muhärrir Äbilbek Aytaqınovniŋ bu işlarni başquruşi täbiiy edi. Moşu yärdä şuni atap ketişni orunluq kšrüvatimänki, Äbilbek bilän oquğan partiya mäktivimiz säyasiy bilim asaslirini härtäräplimä oqutidiğan bilim därgahi edi. Bälkim, şuniŋdin bolar, Çeläktä štkän vätänpärvärlik mahiyiti çoŋ jiğinğa qatnaşqan vaqitta şu Aliy partiya mäktiviniŋ härbiy kafedrisini başqurğan, keyin elimiz Mustäqillikkä erişkändä Dšlät rähbiriniŋ mäslihätçisi, härbiy pänlär doktori süpitidä Qazaqstan Җumhuriyitiniŋ Quralliq küçlirini quruşqa qatnaşqan polkovnik Kim Serikbaev bilän  Äbekeŋ kšpçilikniŋ yadida qalarliq uçrişişlar štküzdi.

Keŋäş dävriniŋ bilimlik, parasätlik adämliriniŋ  qatarida alahidä kšzgä çüşkän Äbilbek ämgäk yolini ilgärki Narinqol (hazirqi Rayımbek) nahiyäsidä muällim bolup başlap, yeza hayatiniŋ, här sahasidin hävär, ähbarat, maqalilar yezip, nahiyälik «Sovettik  şekara» gazetiğa  işqa elindi. Ädäbiy hadim, bšlüm başliği, muhärrirniŋ orunbasari – QazDUda  sirttin  oqup jürüp, jurnalistikiniŋ qiri-sirlirini ämäliyatta üginip, äŋ tšvän baldaqtin juquriğa, käspiy çoqqilarğa kštirilgän Äbekeŋniŋ ämgäk yoli äynä şundaq. İlgärki Çeläk nahiyäsi Ämgäkçiqazaq nahiyäsiniŋ tärkivigä qoşulğanda, Äbilbek Aytaqınov  Qariyota yeza okruginiŋ  hakimi lavazimiğa  tayinlinidu. On bir jil okrugni başqurğanda, štkünçi dävirdä kemip qalğan mal sanini kšpäytişkä bar küç-quvitini särip qilip, çarviçiliq sahasini rivaҗlanduruş kšrsätküçi boyiçä okrugni nahiyädä, andin vilayättä birinçi orunğa elip çiqti. Okrugniŋ iҗtimaiy, mädäniy ähvalinimu šzgärtti. Qançilik qiyinçiliqlar bolmisun, här üç yezida Mädäniyät šyi bilän klublarni saqlap qaldi. Һazir yaşlar şuniŋ şarapitini kšrüvatidu. Balilar bağçiliri eçildi, meçitlar selindi. Koniriğan benalar yeŋilinip, soda-setiq orunliri päyda boldi.

Äbekeŋ hšrmätlik däm elişqa çiqqandin keyinmu bay hayat täҗribisini keläçäk ävlat tärbiyisigä, äl tonuş, yär tonuş işiğa särip qilip, qurulğiniğa 35 jil bolğan Çeläk tarihiy-šlkişunasliq mirasgahiniŋ fond saqliğuçisi hizmitini atqurup kelivatidu. Şundaqla Äbekeŋ hazirmu iҗadiyät üstidä, tuğulğan šlkisiniŋ tarihini tizip, şu tarihni yaratqan şähslärni kšpçilikkä, bolupmu yaş ävlatqa tonuşturuş üstidä qizğin işlävatidu.

Äbilbek Aytaqınovniŋ yänä bir hizmiti – Çeläk yezisi Aqsaqallar keŋişiniŋ räisi, şuniŋ bilän billä yeŋidin qurulğan nahiyälik җämiyätlik keŋäşniŋ äzasi. Bu lavazimlarnimu Äbekeŋniŋ şäklän atqurup jürginini kšrmidim. Җämiyätlik keŋäşniŋ jiğinlirida kštärgän mäsililiri ävlat keläçigigä, häliq keläçigigä bepärva qaraydiğan adämniŋ pikri ämäs!

Qazaqstan Җumhuriyiti Jurnalistlar ittipaqi mukapitiniŋ laureati, Ämgäkçiqazaq, Rayımbek nahiyäliriniŋ Pähriy grajdini Äbilbek Aytaqınovniŋ ästaidil ämgigi, atqurğan hizmiti juquri bahalinip, «Һšrmät Bälgüsi» ordeni, «Ämgäktiki  җasariti üçün», «Astananiŋ 10 jilliği», «Qazaqstan Җumhuriyiti Mustäqilliginiŋ 20 jilliği», «Çegara qoğdaştiki  hizmiti üçün» vä başqimu  medal'lar, Qazaqstan Җumhuriyiti Ädliyä ministrliginiŋ mähsus bälgüsi bilän mukapatlandi.

Äbilbek Aytaqınov räpiqisi, muällimä, heli märhum Seysehan bilän ülgilik ailä egiliri ataldi. Bäş pärzändini zamanğa layiq insanlardin  qilip tärbiyilidi. Äbekeŋni hšrmätläydiğan zamandişi vä käsipdişi süpitidä 70 yaşliq tävälludi bilän sämimiy täbrikläp, salamätlik, kšŋül hatirҗämligini tiläymän.

Hayrolla AHMETJANOV, «Eŋbekşiqazaq» gezitiniŋ baş muhärriri.

Ämgäkçiqazaq nahiyäsi.

Bälüşüş

Javap qalduruŋ