Meymanqiz muällimniŋ mäyrimi

0
410 ret oqıldı

Oktyabr' eyiniŋ däsläpki yäkşänbisidä Yarkänt täväsidiki Çoŋ Çiğan yezisiniŋ  çoŋ-kiçigi peşqädäm ustaz Meymanqiz Ähmätovani käspiy mäyrimi bi­län täbrikläp, qälb sšzlirini izhar qilidu. Bu, älvättä, şagirtlar min­nätdarliği. – Biz demätliklär kiçigimizdila eytip tügätküsiz җapa-mäşäqätlärni baştin käçürduq, – däydu peşqädäm ustaz baliliq çeğini äsläp. – Ata-animizdin kiçik ayrilğan biz, bäş balini, bovam qatarğa qoşti. Bovam — Mäsim Zäynavdinov, bizgä häm ata, häm ana boldi.  Bizni heçkimgä har-zar qilmay beqip, çoŋ qildi. Kolhozniŋ etiz-eriq işliri bovam ohşaş beli mükçäygän qeri-çürilär bilän šgisi qatmiğan biz quramliqlarğa qalğaçqa, kündüzi etizda, keçisi hamanda işlättuq. Bäzidä momaylar bilän jip egirip, paypaq-päläy toqup mäydanğa ävitättuq. Qisqisi, keçini — keçä, kündüzni kündüz demäy, egilikniŋ eğir işlirida bolduq. Ändi meniŋ muällim käspini egilişimdä bovamniŋ täsiri küçlük boldi. «Meniŋ Meymanqizim muällim bolidu» däp,  kiçigimdin bilim elişimğa dävät qilğan edi. Şundaq qilip, bovam meni 1950-jili Yarkänt şähiridiki pedagogika uçiliöesiğa elip käldi. Yolum bolup, şu jilila oquşqa çüştüm. Amma aridin kšp vaqit štmäy bovam alämdin štti. Җumran qälbim azaplinip, yalğuzsirap qaldim. Җudaliq därdi җenimğa patti. Ahiri oquşni taşlap ketişkä mäҗbur boldum. Bir jildin keyin bovamniŋ arminini royapqa çiqiriş üçün yänä peduçiliöeğa oquşqa çüştüm vä uni 1955-jili tamamlap, däsläp Saribäl, andin Sadir yezisida muällim bolup işlidim. Keyin, ailä şaraitiğa bola, Çoŋ Çiğan ottura mäktivigä işqa yštkilip, u yärdä hšrmätlik däm elişqa çiqqiçä başlanğuç sinip muällimi bolup işlidim. Һazir män oqutqan şagirtlirim talay davanlardin eşiptu. Ularniŋ qol yätküzgän utuqlirini aŋlisam, beşim kškkä yetidu.

Aŋliq hayatiniŋ 40 jilini maarip sahasiğa beğişliğan peşqädäm ustazni qançä mädhiyilisäk ärziydu. Çünki aq-qarini tehi ilğa qilip ülgärmigän gšdäklärgä aŋliq tärbiyä, süpätlik bilim berişni šz hayatiniŋ mäzmuni däp  bilgän Meymanqiz Ähmätovaniŋ şagirtlar qälbidiki orni bšläkçä.

Meymanqiz ana yoldişi, märhum Mähämmätҗan Sadirov ikkisi  yättä bala tärbiyiläp, ulardin 24 nävrä, 18 çävrä sšydi. Aniniŋ izini basqan qizi Gülşat hädä  Panfilov pedagogika kolledjida muzıka vä horeografiya pänidin däris berivatidu. Kelinliri Diläräm bilän Şahnizäm vä nävriliri  Räşit, Aidäm, Asiyäm, Ränagül nahiyä mäktäpliridä ustazliq qilmaqta.

Peşqädäm ustazni käspiy mäyrimi – Muällimlär küni bilän çin qälbimizdin täbrikläp, uniŋğa mustähkäm salamätlik tiläymiz.

Gšhärbüvi İSMAYİLҖANOVA.

Bälüşüş

Javap qalduruŋ