Qazaqstan käspiy boksiniŋ täntänisi

0
802 ret oqıldı

Ägär sportniŋ yäk­mu-yäk tür­liriniŋ işqi­vaz­liridin «Ke­yinki kün­­­lärdä sizni qandaq va­qiälär hoşal qilip, haya­җanliqqa bšlidi?» däp sorap qalğidäk bolsiŋiz, ularniŋ štkän şänbä küni Almutidiki Baluan Şolaq namidiki Sport sariyida štkän käspiy boks keçini tilğa alidiğanliği talaşsiz. Qazaqstan hälqi Assambleyasi, җumhuriyätlik Uyğur etnomädäniyät mär­­kizi «Nur Otan» par­tiyasiniŋ, Almuta şä­härlik hakimiyätniŋ vä Qazaqstan Käspiy boks federatsiyasiniŋ qollap-quvätlişidä štküzgän mäzkür turnir häqiqätänmu boks işqivazliriğa he­lä vaqit ästä qalğidäk däqiqilärni hädiyä qildi.

Qazaqstan Mustäqil­liginiŋ 25 jilliğiğa häm kšrkäm şähär Al­mutiniŋ 1000 jilliğiğa beğişlanğan mäzkür tur­nirğa elimizdin vä Öz­bäkstan, Ukraina, Gruziya, Serbiya ohşaş mäm­likätlärdin käspiy boksçilar qatnaşti. Sport sariyiğa jiğilğan iş­qivazlar käskin küräş şaraitida štkän yättä reytingliq vä duniya çempioni unvani üçün bir җäŋni tamaşä qildi.

Birinçi bolup ringqa 66 kilogrammdin oşuq salmaq kategoriyasidiki qazaqstanliq Berikbay Nurımbetov bilän käspiylär arisida sabiq Evropa çempioni Ukraina boksçisi Valentin Kutts çiqti. Täkitläş keräkki, qarağandiliq boksçi birinçi raundtin başlapla täşäbbusni qolğa elip, räqivini hoduqturmaqçi bolğan edi. Biraq Ukraina väkili hoduqidiğanlardin ämäs ekän. Umu Berikbayniŋ zärbisigä zärbä bilän җavap berip turdi. Nätiҗidä ikkisiniŋ otturisida täŋ degidäk däriҗidä  št­kän җäŋdä altä raundta toplanğan pay sani boyiçä bizniŋ boksçi ğalip çiqti.

Ändi ikkinçi yäkmu-yäktä qazilarğa pay sa­naşniŋ haҗiti bolmidi. 79,4 kilogrammliq salmaq kategoriyasidä ringqa çiq­qan qazaqstanliq Ali Ahmedov uçrişişniŋ 39 sekundidila räqivi, gruziyalik boksçi Mindia Nozadzeni beğiriğa qattiq zärbä berip, nokautqa ävätti.

Aliniŋ başlanmisini yänä bir boksçimiz – 61 kilogrammdin oşuq salmaq kategoriyasidä küç sinaşqan Aydar Şaribaev davamlaşturdi. Uniŋ räqivi, Gruziya väkili Zaza Amiradze ringta šz vätändişidin bir minut oşuq çidalidi. U Aydarniŋ zärbisidin keyin җäŋni tohtitişqa mäҗbur boldi. Qisqisi, tehnikiliq nokaut.

Käspiy boks keçiniŋ programmisini MMA palvanliri – šzbäkstanliq fayter Amal' Hasanov bilän bizniŋ Nursultan İtanov otturisida štkän naräsmiy җäŋ biraz beyitti. Etirap qiliş keräkki, moşu qaidisiz җäŋdä mehman birdinla huҗum qilip, Nursultanni besivalğan edi. Biraq u bizniŋ palvan qollanğan äҗayip usul nätiҗisidä 1 minut 34 sekundtin keyin yeŋilgänligini etirap qilişqa mäҗbur boldi. Bu yäkmu-yäktä Nursultan İtanov Qazaqstan MMA mäktiviniŋ juquri däriҗidä ekänligini namayiş qildi.

Şuniŋdin keyin novät qizlarğa käldi. Ringqa Qazaqstanniŋ tunҗa käspiy boksçi qizi Firuza Şaripova bilän serbiyalik boksçi Milena Matoviç çiqti. Mehman qiz däsläpki qetim käspiy boks ringiğa çiqqiniğa qarimay, šzini helä aktiv kšrsitip, üç raund davamida mahirliq bilän qoğdinişqa tirişti. Älvättä, huҗumğimu štüp turdi. Biraq küçlärniŋ baravär ämäsligi oŋayla bilinip qaldi. Nätiҗidä üçinçi raund başlinip, 1 minut 50 sekund štkändä uniŋ mäşiqländürgüçisi ringqa aq lšŋgä taşlap, şagirtiniŋ yeŋil­gänligini etirap qildi. Bu jutdaş qizimizniŋ birinçi qetim tehnikiliq nokaut bilän ğalibiyät qazinişi.

Ulardin keyin WBS Youth Intercontinental unvani üçün Ernar Eşenov bilän gruzin Georgiy Çjindzaradze küç sinaşti. Buniŋdimu birinçi raundniŋ šzidila birnäççä qetim sezilärlik zärbä yegän Gruziya väkili 2 minut 35 sekundtin  keyin җäŋni davam qiliştin baş tartti. Şundaq qilip, bizniŋ yänä bir palvinimiz tehnikiliq nokaut bilän yeŋivaldi. Bu uniŋ käspiy bokstiki bäşinçi qetim ğalip çiqişi.

Boks keçidiki novät­tiki yäkmu-yäktimu qazaqstanliq boksçi ğalip çiqti. Biraq bu qetim Madjit Bektemirov bilän gruziyalik boksçi Gari Abadjyan tügäl altä raund muşlaşti. Nätiҗidä qazilar pay sani boyiçä bizniŋ boksçiniŋ ğalip çiqqanliğini elan qildi. Amma Gruziya boksçisi tamaşibinlarniŋ alahidä alqiş-hšrmitigä erişti. U altä raund davamida huҗum qiliştin qeçip, mahirliq bilän qoğdinipla qoymay, ğäliti qiliq-härikätliri bilän uçrişişni şouğa aylandurup, işqivazlarni šzigä mähliya qilivaldi.

Şuniŋdin keyin Käspiy boks keçidiki asasiy yäkmu-yäkkä novät käldi. Uniŋda IBO tähmini boyiçä birinçi eğir salmaqta interkontinental çempion, Global Boxing Couneil tähmini boyiçä duniya çempioni qazaqstanliq İsa Akberbaev bilän moşundaq ataqqa ümütkar nemis Mayk Kurtsveyl uçraşti. Qazaqstanliq boksçi işni uzaqqa sozmay birinçi raundtila җäŋ täğdirini šziniŋ paydisiğa häl qildi: Germaniyaniŋ «nokaut maşinisi» ikki qetim oŋ kšzigä zärbä yäp, 55-sekundtila nokautqa uçridi. Qisqisi, u bir kün ilgiri «İsani tiz püktürimän» degän sšzidä turalmidi.

Mäzkür käçtiki ahirqi җäŋ bizniŋ Aleksandr Juravskiy bilän Tailand boksçisi Patamsyuk Patompotong otturisida boldi. Buniŋdimu jutdişimiz ikkinçi raund başlinip bir minut 53 sekund štkändä räqivini tiz püktürdi. Tailand väkili, addiy til bilän eytqanda, qazaqstanliqniŋ käyni-käynidin bärgän zärbilirigä çidalmidi.

Käspiy boks keçiniŋ davamida uniŋ promouteri, Astana şähärlik Uyğur etnomädäniyät märkiziniŋ räisi Rustäm Abdusalamov, şundaqla pähriy mehman süpitidä täklip qilinğan ismi rivayätkä aylanğan boksçi Abdureşit Abdurahmanov, ataqliq jutdişimiz, Olimpiada çempioni, IBF tähmini boyiçä duniya çempioni Vasiliy Jirov, ikki qetim olimpiada vitse-çempioni Bolat Jumadilov sšzgä çiqti.

Biz dayim Ameri­kida, Evropida štüvatqan җäŋlärni kšrüvatimiz. Biraq nemişkidu šzimizdä şun­daq qizğin vä käskin yäkmu-yäk uçrişişlarni kšrmäymiz. Bu qetim bizmu Qazaqstan boksiniŋ duniyaviy däriҗidä bola­laydiğanliğini kšrsi­tişkä tiriştuq. Şundaqla biz boksni ammibaplaşturuş, vätänpärvärlik rohni küçäytiş väzipilirini mähsät qilduq. Näq şuŋ­laşqimu bügünki hä­liqara çarä-tädbir Qa­zaqstan Mustäqilliginiŋ 25 jilliğiğa vä Almuta şähiriniŋ 1000 jilliğiğa beğişlandi, —  dedi šz sšzidä Rustäm Abdusalamov.

U şundaqla QHA kati­vatiniŋ mudiri Eralı Toğjanovniŋ täbrik hetini oqup bärdi vä Abdureşit Abdurahmanovni 70 yaşliq tävälludi bilän täbrikläp, maddiy soğisini tapşurdi.

Bu yärdä şunimu qoşumçä qiliş keräkki, asasiy җäŋ aldida җumhuriyät bay­riği elip kirilgändä «Nava» ansambliniŋ solisti, Qazaqstanniŋ hiz­mät kšrsätkän artisti Marat Mämätbaqiev Dš­­lät gimnini iҗra qil­sa, käçtä štküzülgän җäŋlärdä başqilar qa­tarida millitimizniŋ väkili Qazaqstan Җumhu­riyitiniŋ hizmät kšrsätkän mäşiqländürgüçisi, boks boyiçä SSSR sport mahiri, Qazaqstan Җum­huriyitiniŋ pähriy sport ärbabi, häliqara däriҗidiki sud'ya Җalal Җamalov qaziliq qildi. «Nava» ansambliniŋ qiz­­­liri dilraba vä äv­rişim ussulliri bilän jiğilğanlarniŋ kšŋlidin çiqti.

Käçkä pähriy mehman süpitidä şundaqla Qa­zaqstan Җumhuriyiti Par­lamenti Mäҗlisiniŋ deputati Şahimärdan Nurumov, Qazaqstan Boks federatsiyasiniŋ pähriy prezidenti Beket Mahmudov, Almuta şähärlik Boks federatsiyasiniŋ prezidenti Bauırjan Ospanov, Olimpiada çempioni Serik Säpiev, Rio-de-Janeyro Olimpiadisida kümüç medal'ğa erişkän Vasiliy Levit qatnaşti.

Mäzkür boks mäyri­midin çüşkän barliq ahça «Dom» җämiyätlik fondiğa tapşuruldi.

Sürätlärdä: 1.R.Ab­du­salamov A.Abdu­­rah­ma­novni täbriklävatidu. 2. İ.Ak­berbaev.

Şšhrät MÄSİMOV.

Bälüşüş

Javap qalduruŋ