Partiya «pikirlär fabrikisiğa» egä boldi

0
737 ret oqıldı

«Nur Otan» partiyasi yenida Säyasiy tählil vä strategiyalik tätqiqatlar  märkizi quruldi.  Partiya Räisiniŋ birinçi orunbasari Muhtar Qul-Muhammedniŋ märkäzni tonuşturuş märasimida täkitliginidäk, yeŋi «pikirlär fabrikisi» Dšlät rähbiriniŋ tapşurmisi boyiçä eçildi.— «Nur Otan» partiyasi Säyasiy keŋişiniŋ biyil 6-mayda bolup štkän mäҗlisidä Nursultan Nazarbaev partiyaniŋ yetäkçi küç süpitidä ideyalär uyutqusi boluşi keräkligini, buniŋ üçün uniŋğa küçlük analitikiliq märkäz quruşi zšrürlügini täkitligän edi. Bügün biz Liderimizniŋ tapşurmisini utuqluq orunliduq, däp mäğrurlanğan halda elan qilalaymiz, — dedi Muhtar Qul-Muhammed.

Märkäzgä sotsiologiya pänliriniŋ namziti Yuliya Kuçinskaya rähbärlik qilidu.

— Säyasiy partiyalär šz strategiyasini täyyarliğanda, säyasiy qararlarni qobul qilğanda šzliriniŋ tätqiqat topliriniŋ analitikiliq materialliriğa vä tähminlirigä asaslinidu. Ändi AQŞ, Büyük Britaniya, Rossiya, Hitay, Yaponiya vä Evropa ittipaqiniŋ yetäkçi säyasiy partiyaliri ohşaş bizdimu šzimizniŋ «pikirlär fabrikisi» bar, — däp täkitlidi märkäzni tonuşturuş märasimida uniŋ mudiri.

Strategiyalik tätqiqatlar märkiziniŋ asasiy yšnilişliri tšvändikiçä: Qazaqstan alämşumul җäriyanlarda, yeŋi şaraittiki «äqillik ihtisat», ähbarat behätärligi, dšlät vä partiya programmiliriniŋ nätiҗidarliğini tählil qiliş, partiyaviy sistemini täräqqiy ätküzüş, җämiyätlik pikir monitoringi vä uni tähmin qiliş şundaqla moҗut problemilarni  çoŋqur tählil qilipla qoymay, bälki ularni häl qiliş boyiçä täkliplärni beriş.

Yuliya Kuçinskaya märkäz strategiyasiniŋ oçuqluq, ilmiy җähättin asasliq, ob°ektivliq printsipliriğa asaslinidiğanliğini täkitlidi. Uniŋ pikriçä, yeŋi qurulum «Nur Otan» partiyasi üçün süpätlik analitikiliq ähbarat, «äqillik bilimlär» vä innovatsiyalik yandişişlar mänbäsi boluşqa tirişidu.

Şu närsä diqqätkä sazavärki, märkäzni tonuşturuş märasiminiŋ moşu düşänbä  küni štkinigä qarimay, uniŋ hadimliri helidin buyan paal iş elip berivatidu. Mäsilän, hazirniŋ šzidä mämlikättiki iҗtimaiy-säyasiy ähvalni üginişniŋ yeŋi metodologiyasini täyyarlaş işliri jürgüzülüvatidu.

Märkäz Astana şähirigä orunlişidu, biraq «Nur Otan» partiyasiniŋ barliq infraqurulumi vä resursliri uniŋ ihtiyarida bolidu.

Yeŋi märkäzni tonuşturuş märasimida şundaqla Qazaqstan Grajdanliq al'yansniŋ prezidenti Nurlan Erimbetov, Qazaqstan Strategiyalik tätqiqatlar institutiniŋ mudiri Erlan Qarin, «Turan» universitetiniŋ rektori Rahman Alşanov, Evraziya analitikiliq märkiziniŋ rähbiri Nikita Mendkoviç, Parlament Senatiniŋ deputati Ahan Bijanov, märkäzniŋ eksperti, häliqara säyasät bakalavri Eset Şäkenov sšzgä çiqti.

Bälüşüş

Javap qalduruŋ