İsmi jutdaşliriniŋ qälbidä qaldi

0
330 ret oqıldı

Buniŋdin qiriq kün muqäddäm ismi-şäripi yarkäntliklärgä yahşi mälum bolğan Üsüpҗan Baratov jutdaşlirini qariliqqa  qaldurup, baqiliq bolup kätti. Märhumni ahirqi säpärgä uzitiş märasimiğa iştrak qilğuçilarniŋ adättin taşqiri kšp bolğanliği häm qariliq mitingisida sšzgä çiqquçilarniŋ qälb qetidin orğup çiqqan vidalişiş  sšzliri Üsüpҗan Baratovniŋ  jutta qançilik    izzät-hšrmätkä, abroy-inavätkä egä bolup štkänligidin roşän deräk berip turatti.

 Һäqiqätänmu, märhum  šziniŋ qäyärdila bolmisun adil hizmät qilğanliği, qolidin kelişiçä adämlärgä yahşiliq qilişqa  tirişip štkänligi çoŋ-kiçik yarkäntliklärgä yahşi mälum edi. Şuŋlaşqimu u jut ähliniŋ  sämimiy hšrmät-iltipatiğa bšlinip  štüvedi. Ädliyä sahasiniŋ    salahiyätlik hadimi süpiti bilän härqandaq mäsilini adilanä, printsipialliq   türdä   häl qilişqa  tirişatti.

Üsüpҗan Baratov 1943-jili tarihiy Vätinimizniŋ İli vilayitidiki Çinpäŋzä şähiridä muällim ailisidä duniyağa  kälgän. On ikki yaşqa tolğanda, qeliplaşqan väziyätkä bola, ata-anisi bilän Qazaqstanğa kšçüp çiqişqa mäҗbur bolidu. Däsläp Kškşetav vilayitidiki Çkalov  nahiyäsigä  qaraşliq «Kommunizm» kolhoziğa orunlişidu.    Aridin biraz vaqit štüp, Qirğizstanğa kšçüp  baridu.  Buniŋğa u yärdiki    uruq-tuqqanlarğa uqaq tartqanliq säväp bolğan edi. Mana moşundaq kšçüp-qonuşlar  Üsüpҗanniŋ oqup, bilim elişiğa sälbiy täsirini täkküzmäy qoymidi. Nätiҗidä mäktäpkä, täŋtuşliriğa nisbätän, bir-ikki jil keçikip bardi. Häliq arisida «İshaq äpändi» däp atilip kätkän šz dävrigä nisbätän kšzi oçuq atisiniŋ täsiri boluşi keräk, uniŋda oquşqa  degän iştiyaq äşu baliliq çağliridinla küçlük edi.

1958-jili bu ailä Yarkäntkä kelip orunlişidu. Moşu şähärdä ottura mäktäpni tamamliğan Üsüpҗan 1966-jili,  härbiy hizmitini ada qilip kälgändin keyin, «Oktyabr'niŋ 40 jilliği»  kolhozi komsomol täşkilatiniŋ  kativi bolup paaliyät elip baridu.  Egilik çoŋ bolğanliqtin, täşkilatta  hesapta turğan komsomol-yaşlarmu san jähitidin aldinqi orunda edi. Uniŋ üstigä egilikni härqandaq adämni işçanliğiğa qarap bahalaşqa adätlängän, nahayiti täläpçanliği bilän  päriqlinidiğan N.Golovatskiy başquratti.

Üsüpҗan Baratovniŋ  täşkiliy qabiliyiti, adämlär bilän işläşni bilidiğanliği inavätkä elinip, keyinki jilliri nahiyälik keŋäş iҗraiy    komiteti täşkiliy bšlüminiŋ başliği, Yarkänt  şähärlik keŋişiniŋ    kativi, andin iҗraiy komitet räisiniŋ orunbasari, nahiyälik ahalini iҗtimaiy himayä qiliş bšlüminiŋ  başliği, nahiyälik ämgäk bilän täminläş bšlüminiŋ baş mutähässisi qatarliq lavazimliq hizmätlärgä tayinlandi. Bilim elişqa bolğan täşnaliği tüpäyli işläp jürüp, S.Kirov  namidiki Qazaq dšlät  universitetiniŋ qanun fakul'tetini    sirttin oqup, tamamlidi.

Äşu künki  däpin  qiliş märasimida sšzligän jutdaşliri    Üsüpҗan İshaq oğliniŋ ismi yarkäntliklär qälbidä härqaçan saqlinidiğanliğini alahidä täkitläp štti. Därhäqiqät, aŋliq hayatini    jut ähliniŋ mänpiyiti yolida adil hizmät qiliş bilän štküzgän märhumniŋ ismi untulmaydiğanliğiğa işänçimiz kamil.

Nurähmät ÄHMÄTOV.

Bälüşüş

Javap qalduruŋ