Gül yaşliqni kül qilmayli

0
697 ret oqıldı

Һazir elimizdä yaşlarniŋ umum­paҗiäsigä aylinivatqan problemilar yetärlik. Mäsilän, aliy bilim alal­mayvatqanlarni eytmiğanniŋ šzidä işsiz jürgän yaşlar qançilik desiŋizçu! İkkinçidin, «šyliniş oŋay, šy boluş qiyin» näqligä ançä etivar bärmäy, aҗrişivatqanlarniŋ җämiyitimizgä äksi täsirini yätküzüvatqanliği eçinişliq ähval, älvättä. Şuniŋ nätiҗisidä bügün jitimlar šyini panalavatqan pärzäntlirimiz az ämäs.

Rasti şuki, häqiqätänmu hazir bilimgä täşna yaşlirimiz nurğun. Amma, ularniŋ kšpi dävir tälivigä maslişip, yenik yol bilän kün kšrüş istigigä amraq. Älvättä, qandaq hayat käçürüş — härkimniŋ šz ilkidiki iş. Äpsuslinidiğan yeri, yeşi yetip, salamätligi naçarlişip, burunqidäk eğir işlarğa yarimay qalğinida, ularğa asan işniŋ här qädämdä tepilmaydiğanliğini täsävvur qilivatqan ular yoq.

Ändi ailä problemisiğa kälsäk, tirikçiligini šz qiniğa çüşirälmäy, beğämlikkä berilip, bağridiki säbilirini balilar šylirigä štküzüvatqan yaşlarçu?! Statistikiliq mälumatlarğa asaslansaq, hazir elimizdä ata-anisiniŋ kütümidin ayrilğan pärzäntlär sani 34 miŋğa yetidekän.

Aççiq bolsimu şuni eytiş keräkki, juquridiki problemilar biz, uyğur yaşliri arisidimu orun elivatidu.

Yeqin tonuşlarniŋ biri «Balamniŋ keläçigigä yol açimän» däp pärzändini ğäyri tilliq mäktäpkä štküzgän edi. Nemisini eytay, mäktäpni tamamliğandin keyin ularniŋ pärzändi yayma bazarliriniŋ turaqliq «hadimiğa» aylandi. Uni här kšrginimdä, «Һässinä!» däp eçinimän. Ändi şu baliniŋ küni äşu yayma bazirida štüverämdu?

Vädisigä vapa qilmay, nekasini buzup, ätivaliq muhäbbitiniŋ ahiriğa çekit qoyup, omaqqinä pärzäntliriniŋ ugaliğa qelivatqanlar qançä! Yeqinda sahavätlik insan Sähärdin Yüsüpovniŋ rähbärligidä Almutidiki balilar šyiniŋ biridä häyrihahliq kontsert qoyduq. Tärbiyilinivatqan balilarniŋ içidä šzimizniŋ qarakšzlirimizni uçritip, yaqamni tuttum. Ularniŋ arisidiki birsi bilän sšhbätläşkinimdä, uniŋ ata-anisi içimlikkä berilip ketip, aqivät beguna pärzänt moşu җayni panalaptu.

Eytsaŋ — diliŋni, eytmisaŋ tiliŋni kšydüridiğan yänä bir halät – ata-anilirimizğa bolğan kšzqarişimiz. Ömür boyi «balilirim» däp šmürniŋ härqandaq dolqunliriğa bärdaşliq berip, qatarğa qoşqan ata-animizni yaşanğanda hšrmätläş bir çättä tursun, hatirҗäm kün kšrüşigä zämin yaritalmay kelimiz. Qulaqqa yeqimsiz bolsimu, şuni täkitläş keräkki, qerilar šyidä yaşavatqan yaşanğanlarniŋ sani hazir elimiz boyiçä 7 miŋdin aşidu. Ularniŋ arisida šz puştilirimiz yoq däp oylaymiz. İlahim, şundaq bolğay!

Ötkän jili elimiz boyiçä «Mehrivan ailä» konkursi štküzüldi. Һär vilayättin yeŋip çiqqan aililär ahirida Dšlät rähbiriniŋ qolidin maddiy häm mäniviy mukapatlarni aldi. Şu çağda Prezidentimiz äzäldin yaşlirimizniŋ ata-aniğa bolğan hšrmiti, hä ändi ata-anilirimizniŋ pärzäntlirigä bolğan ğämhorluğiğa tohtilip, şu arqiliq ularniŋ äҗdatlirimizdin kelivatqan izgülükni davamlaşturup kelivatqanliğini alahidä täkitligän. Buniŋdin şu närsä eniqki, ailä quruş, pärzäntlärgä puhta bilim, aŋliq tärbiyä beriş üçün, äŋ aval, šzimizmu bilimimizni aşurup, birär käsip egiläp, җämiyitimizgä paydisi tegidiğan adämlärdin bolup yetilişimiz lazim. Şu çağdila, işsizliqqimu, bekartäläplikkimu orun-säväp bolmaydu.

Abdulҗan AZNİBAQİEV.

Bälüşüş

Javap qalduruŋ