Mäktäp – kemä, bilim – deŋiz, ustaz – däräq, şagirt – mevä

0
674 ret oqıldı

Ötkän häptidä uyğur nahiyäsiniŋ märkizi Çonҗa yezisiniŋ Mädäniyät šyidä ustazlar märikisi täntänilik räviştä nişanlinip štti. Mädäniyät šyiniŋ içi bu qetim alahidä bezändürülüptu. Çarä-tädbirgä ätigän kälgän tamaşibinlar sähniniŋ ikki qanitiğa ilinğan bilbordtiki ustazlarniŋ muvap­päqiyätliridin bähri­man boluşti. Sähnidiki här­hil şariklardin yasalğan küzlük yopurmaqlar bilim mävsüminiŋ başlanğanliğidin deräk bärgändäk. Bälgülängän vaqitta riyasätçilär bu künniŋ alahidiligigä tohtaldi. Ustazlarniŋ tinimsiz ämgigigä baş äkkän şagirtlar tamaşibinlar qatarida oltarğan ustazlar ähligä güldästilärni täğdim qildi. Ustazlarni täbrikläş üçün nahiyä hakiminiŋ orunbasari Quralbek Bekmuhambetov minbärgä kštirilip, šziniŋ illiq tiläk häm niyätlirini bildürdi. Andin natiq bilim sahasida tinimsiz ämgäk etivatqan ustazlarğa nahiyä hakiminiŋ Pähriy yarliqlirini tapşurdi.

Bu küni bar izgü tiläklär, nahşa-sazlar bilim bağvänlirigila beğiş­landi. 1-Çonҗa ottura mäk­tiviniŋ oquğuçiliri bü­günki hayattin kšrünüş käbi fleşmob täyyarlap, tädbir iştrakçiliriniŋ güldürlidigän çavakliriğa erişti. Balilar bağçiliriniŋ tili häsäldäk tatliq tärbiyilängüçiliri qazaq hälqiniŋ baturliri süpitidä kiyinip çiqip, ustazlarğa tiläklirini bildürdi vä «Baturlar» ussulini iҗra qildi.

Bilim çiriğini yaqqan ustazlarğa huş käypiyat vä arambähş jämlärni hädiyä qilğan mäyrämlik jiğin «Ustazim» nahşisi bilän tamamlandi.

Şahrizada SABİTOVA. Uyğur nahiyäsi.

Bälüşüş

Javap qalduruŋ