Seğiniş navasi

0
698 ret oqıldı

Tšrt jil üzülüştin keyin Almutiğa ŞUARliq estrada yultuzi Mšmünҗan Ablekim qädäm täşrip qildi. U bu qetim šzi bilän billä kiçik dadisi, ataqliq sän°ätkar Abdulla Abdurehimni, šziniŋ bir tuqqan akisi, kompozitor häm iҗraçi Ablähät Ablekimni, yeŋidin šsüp kelivatqan җiyäni Märdan Ablekimni, şundaqla Türkiyadin bir top türk sazändilirini  elip käptu.Almutiniŋ Җumhuriyät sariyida štkän bu kontsertni «Şatliq-şou» prodyuserliq märkiziniŋ rähbiri Şatliq Hudayqulov eçip, tamaşibinlarni Qazaqstan Җumhuriyiti Mustäqilliginiŋ 25 jilliq mäyrimi bilän täbrikläp, äynä şu mäyräm munasiviti bilän Qazaqstanğa qädäm täşrip qilğan sän°ätkarlarni sähnigä täklip qildi. Kontsert asasän Mšmünҗanniŋ nahşiliridin tüzülgäçkä, däsläp mikrofonni Mšmünҗan Ablekim aldi.

Sän°ätkar šz nutqini, adättikidäk, häzil-çaqçaqtin başlap, andin tamaşibinlar seğinip kütkän birnäççä yeŋi nahşilarni orunlap bärdi. Riyasätçiliknimu billä elip maŋğan estrada yultuzi šzidin keyin sähnigä Märdan Ablekimni täklip qildi. Sän°ätkä yeŋidin qädäm täşrip qilğan Märdan birdinla bir җüp nahşisi arqiliq tamaşibinlarniŋ qälbidin orun aldi.

Sähnigä täklip qilinğan novättiki sän°ätkar Ablähät Ablekim boldi. Uni Mšmünҗan tamaşibinlarğa ätrapliq tonuşturdi. Uniŋ kšpçilik bilip kätmäydiğan bir siri häqqidimu eytip bärdi.

— Keyinki vaqitlarda silärniŋ sšyümlük nahşaŋlarğa aylanğan şair İliya Bähtiyaniŋ sšzigä yezilğan «Bilip qoyğin, uyğur degän moşundaq» nahşiniŋ ahaŋini Ablähät akam yazğan edi. U moşu nahşisi arqiliq qazaqstanliq uyğurlar bilän ŞUARliq qerindaşlarniŋ arisiğa pat-pat bir-birimizni kšrüp turidiğan yol saldi.

Moşundaq illiq gäplärdin keyin aka-ukilar mäzkür nahşini billä orunlidi. Älvättä, ularğa Türkiyadin kälgän qerindaşlirimiz täŋkäş boldi. Mundaq kšrünüş zalda oltarğan üç miŋğa yeqin tamaşibinğa şundaq täsir qildiki, ular nahşini orunliridin turup tiŋşidi.

ŞUARdiki bu ataqliq sän°ätkarlar sulalisini seğin­ğan tamaşibinlar Abdulla Abdurehimnimu huş käypiyatlar ilkidä qarşi aldi. Sän°ätkar šziniŋ seğinişliq hissiyatlirini ikki nahşisi arqiliq yätküzdi. Tamaşibinlar uni güldürligän alqişliri bilän sähnidin qoyup bärgüsi kälmidi.

Üç-tšrt kündin beri Almutida qelin qar yaqqanliqtin, şähärniŋ içidä yol qatnaş eğirlaşti. Şuniŋğa munasivätlik yättä yerimda başlanğan kontsertqa keçikip kälgüçilärniŋ ayiği saat onğiçä davam qildi. Һätta sän°ätkarlar ahirida «Qerindaşlar» namliq nahşisini iҗra qilivatqanda, hasirap-hšmüdäp kirip kälgän adämlärmu boldi. Buniŋğa qarap, tamaşibinlirimizniŋ ŞUARliq sän°ätkarlarni qançilik däriҗidä seğinğanliğini bayqaveliş täs ämäs edi. Amma Mšmünҗan «bu ahirqi didarlişiş ämäs, yänä yenip kšrüşkiçä aman bolayli» degändä, zalda yänä güldürligän alqişlar yaŋridi.

Sürättä: Märdan Ablekim (soldin oŋğa), Ablähät Ablekim, Abdulla Abdurehim vä Mšmünҗan Ablekim.

Bähtişat SOPİEV.

Bälüşüş

Javap qalduruŋ