Yeŋisar piçiği vä uniŋ alahidiligi

0
563 ret oqıldı

İptidaiy egilik dävridä kişilik turmuşta türlük işläpçiqiriş paaliyätlärdä, soda, tiҗarät, säylä-säyahät işlirida piçaq alahidä ähmiyätkä egä bolğan. Äҗdatlirimiz alahidä tirişçanliği, yüksäk äqil-parasiti vä üzlüksiz izdiniş rohiğa tayinip, bolqa häm sändälni vasitä qilip, türlük metall-yağaçlardin, müŋgüz-süyäklärdin paydilinip, piçaqlarni yasap çiqqan. Piçaqni asasän mal soyuş, gšş parçilaş, mevä-çevä vä kšktatlarni toğraş yaki aqlaş üçün işlätkän.

Jillar štüşi bilän kişilik turmuşniŋ piçaqqa bolğan ehtiyaҗi šskän. Şuniŋ nätiҗisidä Yeŋisar nahiyäsidä piçaqçiliqni mähsus hünär-käsip qilğan ustilar yetilip çiqişqa yüzlängän. Ular biriniŋ izini biri besip, piçaqniŋ hünär-tehnikisini yeŋilap, türlirini kšpäytişkä başliğan. Bügünki kündä Yeŋisar piçiği kšrkäm, štkür bisliq, elip jürüşkä äplik, zamanğa layiq soğa buyumi häm kšrgäzmigä qoyğidäk daŋliq eksponat däriҗisigä yätti. Bu piçaqniŋ «Badam güli» türi päqät Şinҗaŋdila şšhrät qazinip qalmastin, 2004-jili mämlikät boyiçä daŋliq tovar markisi şäripigä erişkän. Şundaq qilip, u duniyaniŋ härqaysi җayliridin kälgän säyahätçi-sodigärlärniŋ talişip setivalidiğan mähsulatliri qataridin orun aldi. Äynä şundaq ehtiyaҗğa munasivätlik nahiyädila ämäs, çoŋ-çoŋ şähärlärdimu piçaq işläp çiqiridiğan tiҗarät orunliri, dukanlar käyni-käynidin quruluşqa başlidi. Bügüngä qädär Yeŋisar piçiğiniŋ türi yätmiştin eşip kätti. Piçaq yasaş üçün datlaşmas polat, qara polat, güllük polat materialliri işlitilmäktä. Һä, sepiniŋ puhta häm räŋdar boluşi üçün kümüç, aq tuç, sädäp, şundaqla buğa, җärän, qotaz müŋgüzliri, tšgä payhoni, qaşteşi vä hakazilar paydilinilmaqta.

Umumän, Yeŋisar piçiği täräqqiyat musapisi, šzgiçä artuqçiliği vä alahidiligi bilän başqa piçaqlardin käskin päriqlinidu.Täkşürüşlärgä asaslanğanda, uniŋ tarihi 2000 jildin aşidiğanliği mälum bolğan. Şuŋlaşqimu bu diyarni kişilär «piçaq juti», «piçaqlar duniyasidiki gšhärlärniŋ gšhiri» däp atişidu.

www.nur.cn

Bälüşüş

Javap qalduruŋ