Nahiyägä gaz kelidu

0
457 ret oqıldı

«Beyneu-Qorğas» gaz tarmiği Ämgäkçiqazaq nahiyäsini kesip štkänliktin, nahiyä rähbärligi birnäççä jildin beri İşiktä şähiri bilän yezilarğa gaz provodlirini tartişniŋ yollirini qaraşturup kälgän edi. Yeqinda «APL-Konstrakşn» җavapkärligi çäklängän yoldaşliğiniŋ investorluq yardimi bilän ahalini gaz bilän täminläş layihisi ämälgä eşişqa başlidi. Şuniŋğa bağliq İşiktä şähiriniŋ hakimi Bauırjan Bimenov nahiyälik Mädäniyät šyidä şähärlik vä Türgün yeza okruginiŋ šzini-šzi başquruş komitetliri väkilliriniŋ, KSK äzaliriniŋ, koçilar häm šylär komitetliri räisliriniŋ beşini qoşup, «APL-Konstrakşn» ҖÇY rähbärligi bilän uçrişiş uyuşturdi.

Uçrişiş davamida «APL-Konstrakşn» ҖÇY başliği Damir Dusipov, «Zenit-TVK» quruluş-montaj şirkitiniŋ başliği Ermahan Moldabekov vä TOO «TS-Group» layihä şirkitiniŋ başliği Ruslan Kamardin kšpçilikni nahiyägä gaz kirgüzüş layihisi vä uniŋ qäräli häm täläpliri bilän tonuşturdi.

Ularniŋ täkitlişiçä, hazirğa qädär gaz tarmiğiğa päqät nahiyä märkizi – İşiktä şähiri bilän Türgün yeza okrugi qoşulidu. Däsläp İşiktä şähiriniŋ sirtida avtomatlaşturulğan gaz bšlgüçi stantsiya selinidu. «Zenit-TVK» ҖÇY täripidin Bäydibek bi (burunqi Malovodnoe) yezisidiki stantsiyadin trubilar tartilip, İşiktä stantsiyasigä qoşulidu. Andin şähär vä Türgün yeza okrugiğa gaz tarmaqliri jürgüzülidu. Aldi bilän mähkimä häm karhanilar, andin keyin turuşluq šylär gaz bilän täminlinidu. «APL-Konstrakşn» kompaniyasi gaz trubiliri bilän içki gaz bšlgüçi yolliriniŋ çiqimini šz zimmisigä almaqçi. Ändi koçidiki tarmaqtin šy vä benalarğa bolğan trubilar bilän päçlär istimalçilar hesaviğa ornitilidu. Paydilinilidiğan materiallar bilän montaj işlirini qoşup hesapliğanda, umumiy tšläm 300 miŋ täŋgä ätrapida boluşi mümkin. Gaz bilän täminligüçi kompaniya päç vä başqimu keräk materiallarni tallavelişta turğunlarğa šz mäslihitini berişi mümkin. Ändi tehnikiliq hšҗҗätlärni räsmiyläştürüş bolsa, häqsiz ämälgä aşurulidu. Päqät šyniŋ barliq hšҗҗätliri: setiş-setiveliş kelişimi, yär akti vä tehnikiliq pasport boluşi şärt. «APL-Konstrakşn» ҖÇY hazir banklar bilän alaqä ornitip, istimalçilarniŋ nesiyä elişiniŋ, kelişim-şärtlärni tüzüşiniŋ yenik yollirini qaraşturuvatidu.

Keläçäktä gaz tarmaqliriniŋ durus paydilinişini vä istimalçilarniŋ üzlüksiz gaz bilän täminlinişini «APL-Konstrakşn» ҖÇY nazarät qilidu. Nahiyägä gaz «Qazaqstan – Hitay» gaz tarmiği magistrali arqiliq kälgänliktin, u üzlüksiz vä süpätlik bolidu, däp kütülmäktä.

Raşidäm RÄҺMANOVA. Ämgäkçiqazaq nahiyäsi.

Bälüşüş

Javap qalduruŋ