Mustäqillik huli häliq birligidä

0
500 ret oqıldı

Astanada Qazaqstan hälqi Assambleyasi Keŋişiniŋ Mustäqillikniŋ 25 jilliğiğa beğişlanğan käŋäytilgän mäҗlisi bolup štti. Uniŋğa dšlät kativi Gülşara Äbdihalıqova, QHA Räisiniŋ orunbasariQazaqstan Җumhuriyiti Prezidenti Mämuriyiti QHA Kativatiniŋ rähbiri Eralı Toğjanov, Mäҗlis räisiniŋ orunbasari Vladimir Bojko, Parlament deputatliri, Assambleya äzaliri qatnaşti.

— Biz ikki şanliq sänä — Qazaqstan Җumhuriyiti Mustäqilliginiŋ 25 jilliği vä Tunҗa Prezident Küni harpisida uçrişivatimiz. Bular – üzülmäs, çoŋqur alaqiğa egä sänälär. Yeqinda qobul qilinğan Mustäqillikniŋ 25 jilliği Deklaratsiyasidä näq Prezident Nursultan Nazarbaevniŋ säyasiy iradisiniŋ vä strategiyalik täsävvur qilişiniŋ qazaqstanliq täräqqiyat ülgisiniŋ utuğini aldin-ala bälgüligänligi toğriliq eytilidu. Qazaqstan hälqi Assambleyasi Dšlät rähbiri planliriniŋ ämälgä aşuruluşida, qazaqstanliq yolniŋ utuq qazinişida çoŋ rol' oynidi, Mustäqillikniŋ 25 jilliği jiliğa šz hässisini qoşti, — däp täkitlidi Gülşara Äbdiqalıqova.

Dšlät kativi yubileyliq jilniŋ QHA üçün nahayiti muhim utuqlar vä vaqiälär bilän nişanlanğanliğini täkitlidi. Mäsilän, bu jili asasiy strategiyalik hšҗҗätlär – Qazaqstanliq ohşaşliq vä birlikni küçäytiş häm täräqqiy ätküzüş kontseptsiyasi, QHAni 2025-jilğiçä täräqqiy ätküzüş kontseptsiyasi ämälgä aşuruldi. Biyil «Mäŋgilik El» Vätänpärvärlik hšҗҗiti qobul qilindi. Däsläpki qetim yeŋi mäyräm – Minnätdarliq küni nişanlandi, u QHA tuğulğan 1-mart künigä toğra kelidu. Assambleyaniŋ institutsional asasi küçäytildi, uniŋ yeŋi funktsional yšnilişlirini ämälgä aşuruş başlandi. Yeŋi qurulum – QHAniŋ deputatlar korpusi quruldi. Biyil җämiyätlik razimänlik vä mediatsiya keŋäşliri sistemisi tästiqländi, «Çoŋ äl – çoŋ ailä» umumҗumhuriyätlik layihä, miqiyasliq häyrihahliq aktsiyalär ämälgä aşuruldi.

Gülşara Äbdiqalıqovaniŋ täkitlişiçä, Assambleya utuqliri – uniŋ barliq äzaliri ämgiginiŋ, barliq qurulumliriniŋ, barliq etnomädäniyät birläşmiliriniŋ birlişip işlişiniŋ nätiҗisi.

QHA Keŋişiniŋ käŋäytilgän mäҗlisi ikki muhim dšlät mäyrimi harpisida štkänliktin, ularniŋ här ikkisi uçrişiş mavzusida mäntiqiy äksini tapti. Mäҗlis spikerliri Tunҗa Prezidentniŋ mustäqil Qazaqstanniŋ şäkillinişi vä täräqqiy etişidiki roli toğriliq gäp qildi. Dšlät rähbiriniŋ täşäbbusi bilän qurulğan QHAniŋ vä qazaqstanliq җämiyätlik razimänlik häm umummilliy birlik ülgisiniŋ dšlät suverenitetini mustähkämläşniŋ muhim amilliridin bolğanliğini täkitlidi.

Mäҗlistä QHA Kafedriliri assotsiatsiyasiniŋ räisi Anatoliy Başmakov suveren Qazaqstan tarihi üçün Nursultan Nazarbaevniŋ näqädär çoŋ ähmiyätkä egä ekänligini äslitip štti. Uniŋ sšziçä, Dšlät rähbiri nahayiti parasätlik säyasätçi bolup hesaplinidu vä milliy käypiyat näpäsini eniq sezip-bilidu.

QHA Räisiniŋ orunbasari Rozaqul Halmuradov, šz novitidä, mustäqillik tarihiniŋ Qazaqstan hälqi Assambleyasiniŋ tarihi bilän çämbärças bağliq ekänligini täkitlidi. Bügünki kündä Nursultan Nazarbaevniŋ qazaqstanliq umummilliy birlik vä җämiyätlik razimänlik ülgisi nadir ülgä däp etirap qilindi, uni çät ällärdä üginivatidu.

QHA Keŋişiniŋ işi yäküni boyiçä Dšlät rähbirigä muraҗiät qobul qilindi. Uni Assambleya Räisiniŋ orunbasari Leonid Pitalenko oqudi.  Muraҗiättä Keŋäş äzaliri Prezidentni dekabr' mäyrämliri bilän täbriklidi vä Qazaqstan hälqiniŋ 1991-jili 1-dekabr'da šziniŋ Tunҗa Prezidentini saylap, mämlikät täğdirini bälgüligänligini täkitlidi. Keŋäşniŋ käŋäytilgän mäҗlisidä şundaqla mähsus mäyrämlärgä täyyarlanğan ikki kitap tonuşturuldi. Birinçi kitap – bu mämlikät hälqi šz Lideri Nursultan Nazarbaevqa yazğan hätlär toplimi. İkkinçi kitap – QHAniŋ «Meniŋ Elim – Mäŋgilik El» җumhuriyätlik yaşlar aktsiyasiniŋ «artefakti». Bu 25 kündä Qazaqstanniŋ barliq regionlirida, Astana vä Almuta şähärliridä bolup, härbir punktta mustäqillik täŋtuşliriniŋ Dšlät rähbirigä izhar tiläkliri qoşulğan kitaptur. Eralı Toğjanovniŋ sšziçä, här ikki näşirniŋ nushiliri Dšlät rähbirigä tapşurulidu.

Şundaqla çarä-tädbir dairisidä Qazaqstan hälqi Assambleyasiniŋ qatariğa yeŋi äzalarniŋ qobul qilinğanliği toğriliq elan qilindi. Astanadiki märasim üçün rämzlik türdä 25 adäm tallavelindi. Ularniŋ arisida sportçilar, mädäniyät vä dšlät ärbapliri, Parlament vä mäslihätlärniŋ deputatliri, milliy şirkätlärniŋ hadimliri bar.

— QHA qatariğa kirgänlärniŋ hämmisini täbrikläp, çoŋ utuq tiläymän. Silärniŋ hämmiŋlar mälum utuq-muvappäqiyätlärgä qol yätküzdiŋlar, ular kšpäysun. Älvättä, Qazaqstan hälqi Assambleyasiniŋ işiğa šz hässäŋlarni qoşidiğiniŋlarğa ümüt qilimän, — däp Assambleyaniŋ yeŋi äzaliriğa tiläklirini bildürdi Gülşara Äbdihalıqova.

Bälüşüş

Javap qalduruŋ