Yeŋi jilğa işäşlik qädäm taşlidi

0
179 ret oqıldı

Öz vaqtida Qazaqstan Җumhuriyitiniŋ Prezidenti Nursultan Nazarbaev: «Almuta vilayitidä Ämgäkçiqazaq degän nahiyä bar. Şu çoŋ regionda birqatar çoŋ layihilärni ämälgä aşuruşqa mümkinçiliklär mol. Bolupmu, yeza egiligi mähsulatlirini işläpçiqiriş märkizigä aylanduruşqa bäk layiq. Nahiyädä yäl-yemişniŋ tür-türi šsidu. Mal beqiş üçün yeri nahayiti qolayliq», däp atap štkän edi. Mana şu bärikätlik Ämgäkçiqazaq nahiyäsi 2016-jilni utuqluq ayaqlap, 2017-jilğa işäşlik qädäm taşlidi.

Һäqiqätänmu, nahiyäniŋ agrarliq mümkinçilikliri zor, hälqimu ämgäksšygüç. 54 millätniŋ väkili iҗil-inaq yaşavatqan nahiyäniŋ ihtisadiy täräqqiyat qädämlirimu alahidä. Mäsilän, Ämgäkçiqazaq nahiyäsi vilayättä yeza egiligidiki ülüşi boyiçä – birinçi, işläpçiqirişta – bäşinçi, investitsiya җälip qiliş, seliq tšläş boyiçä – üçinçi, salamätlikni saqlaş sahasi boyiçä – birinçi orunlarni egilidi. Bilim beriş sahasi boyiçä nurğun jillar mabaynida vilayät nahiyäliriniŋ ahirida qelip qalğan bolsa, mana birnäççä jildin beri äŋ ilğar bäş nahiyäniŋ qataridin orun elip kelivatidu.

Mustäqillikniŋ 25 jilliği – štkän jilniŋ äŋ şanliq küni bolğanliği häqiqät. Bu mäyrämni ämgäkçiqazaqliqlar dağduğiliq nişanlidi. Nahiyä täräqqiyati üçün tär tškkän yüzligän insanlarniŋ ämgigi munasip bahalinip, mukapatlarğa erişti. Җümlidin җumhuriyätlik Uyğur etnomädäniyät märkizi räisiniŋ orunbasari, Ämgäkçiqazaq nahiyälik Uyğur etnomädäniyät märkiziniŋ räisi Sulayman Mähsütov, nahiyälik mäslihätniŋ deputati Ablekim Säydullaev, Täşkänsaz yeza okruginiŋ hakimi Mähämmätҗan Sultaniyarov, yeza egiliginiŋ veterani Kärim Hudaybärdiev, Sadir namidiki ottura mäktäpniŋ mudiri Tohtahun Sadiqov, ämgäk veteranliri Malik İliev, Adalät Ğazieva tävälludluq medal'lar bilän, Dostluq yezisiniŋ turğuni, jutniŋ inavätlik mštiväri Tohtahun İslambaqiev nahiyä hakiminiŋ Pähriy yarliği bilän mukapatlansa, şairä, «Aziya bügün» gezitiniŋ baş muhärriri Taşgül Һeziyarova häm tävälludluq medal'ğa, häm «Ämgäkçiqazaq nahiyäsiniŋ Pähriy grajdini» namiğa sazavär boldi.

Ämgäkçiqazaqliqlarniŋ ämgigi җumhuriyätlik Uyğur etnomädäniyät märkizi täripidin juquri bahalandi. Mäsilän, kšrnäklik şair Җämşit Rozahunov ҖUEM täsis qilğan «İliya Bähtiya namidiki», şair häm märipätçi Äkräm Sadirov, Täşkänsaz yeza okruginiŋ hakimi Mähämmätҗan Sultaniyarov, ämgäk veterani Abduğeni Abubäkriev vä Sadir namidiki ottura mäktäpniŋ ustazi Gülbähräm Tayirova «Sahavät» medal'liri, muällimä, җämiyätlik işlarniŋ aktivisti Arzigül Abdrimova Qazaqstan hälqi Assambleyasiniŋ Täşäkkürnamisi bilän mukapatlandi.

Raşidäm RÄҺMANOVA, «Uyğur avazi».

Javap qalduruŋ