«Çoŋ Altay duniyasida» uyğurşunasliq mäsililiri

0
493 ret oqıldı

«Çoŋ Altay duniyasi» häliqara jurnaliniŋ uyğurşunasliq mäsililirigä beğişlanğan mähsus sani yoruq kšrdi. U «Uyğurşunasliq Qazaqstanda vä çät äldä» däp atilidu. Öskämän şähiridiki Şärqiy-Qazaqstan universitetida näşir qilinidiğan mäzkür jurnal Altay häliqliriniŋ tarihi, mädäniyiti vä hazirqi täräqqiyatini regionlarara alaqilar bilän ziç bağlinişta yorutuşni mähsät qilidu.

Jurnalniŋ uyğurşunasliqqa beğişlanğan mähsus saniniŋ җavapkär muhärriri — R.Süleymenov namidiki Şäriqşunasliq instituti Uyğurşunasliq märkiziniŋ baş ilmiy hadimi, tarih pänliriniŋ doktori, professor Ablähät Kamalov. Jurnal kitaphanlar diqqitigä Qazaqstan, Rossiya, Avstraliya vä Yaponiya alimliriniŋ qälimigä mänsüp vä qazaq, rus häm ingliz tillirida yezilğan uyğurşunasliq mäsililirigä beğişlanğan on maqalini havalä qilidu.

Җavapkär muhärrir Altayda turidiğan häliqlärniŋ etnomädäniy birligini eniqlaydiğan häm Çoŋ Altay ideyasini şäkilländürgän bu jurnalğa uyğurşunasliq mäsililiriniŋ kirgüzülüşini täbiiy ähval süpitidä kšrsitidu. Qedimiy türkiy häliqlärniŋ biri bolğan uyğurlar üçün Altay barliq türkiy häliqlärniŋ däsläpki vätini süpitidä muhim ähmiyätkä egidur. Şuniŋ bilän birqatarda Qazaqstan keŋäş dävridä uyğur hälqiniŋ tarihi vä mädäniyitini tätqiq qiliş boyiçä duniyaniŋ çoŋ märkäzliriniŋ birigä aylanğan bolup, bu yšniliş bügünki küngiçä qazaqstanliq alimlarniŋ ämgäkliridä orun elip kälmäktä.

«Çoŋ Altay duniyasi» jurnaliniŋ uyğurşunasliqqa beğişlanğan bu mähsus sani Zvenigorod (Moskva vilayiti, Rossiya) şähiridä štkän üçinçi Häliqara uyğurşunasliq änҗumani harpisida yoruqqa çiqqan edi. Mäzkür çarä-tädbirni uyuşturğuçilar uni änҗuman qatnaşquçiliriğa soğa qildi. Uniŋ täşkiliy häy°at räisi, Rossiya Pänlär akademiyasi Şäriqşunasliq instituti Tarih bšlüminiŋ başliği, professor Dmitriy Vasil'ev uyğurlarniŋ tarihi vä mädäniyiti boyiçä elip berilğan tätqiqatlarniŋ nätiҗilirini käŋ kitaphan ammisiğa tonuşturuşta mundaq näşirlärniŋ intayin muhimliğini täkitligän edi.

«Çoŋ Altay duniyasi» jurnaliniŋ mäzkür sanini tonuşturuş arqiliq şuni täkitligümiz keliduki, uyğurşunasliq boyiçä mähsus ilmiy jurnal näşir qiliş ehtiyaҗi helä burunla pişip yetilgän. Mundaq jurnal duniyaniŋ barliq mämlikätliri alimliriniŋ uyğurlarniŋ tarihi vä mädäniyiti boyiçä mäsililärni muhakimä qilişiğa käŋ mümkinçilik yaratqan bolar edi. Uyğurşunasliq märkizi äynä şundaq jurnalni täyyarlaş vä tährirläş qudritigä egä. Şuniŋ üçün uyğur tiҗarätçiliri içidin bu täşäbbusni qollap-quvätläşkä qadir hamiylarniŋ tepilidiğiniğa ümüt qilimiz.

Risalät KÄRİMOVA, tarih pänliriniŋ doktori,

Rähmätҗan YÜSÜPOV, filologiya pänliriniŋ namziti.

Bälüşüş

Javap qalduruŋ