Bu künlärgä yätkänlär bar…

0
559 ret oqıldı

Bähtişat SOPİEV, «Uyğur avazi»/ Mehmanlar orunliriğa oltirip bolğandin keyin riyasätçi jigit toy tšrigä sahiphanlarni täklip qildi. Karnay, sürnäy, nağra sadasi astida sahiphanlar toqquz nävrisi bilän üç çävrisini yetiläp kirip käldi. – Ğazievlar ailisidä qoş-qoş toy, – däp sšzini davam qildi riyasätçi jigit. – Aydin aka — 80, Gülbostan hädä 70 yaşqa toldi vä ularniŋ ailä qurğiniğa 50 jil boptu.

Güldürligän alqişlar.

– Bu künlärgä yätkänlärmu, yätmigänlärmu bar, – dedi täbrik sšzgä çiqqan qerindaşlarniŋ biri. Uniŋ gepini keyinkilärmu qaytilidi vä ularniŋ tšrt pärzändi – Şšhrät, Şavkät, Mehrinisäm vä Dilşatni mahtidi. Demisimu, balilar ata-anisiniŋ toyini aliy däriҗidä uyuşturuptu. Bähitlik ata-ana limuzin bilän Almuta şähiriniŋ mänzirilik җaylirini aylinip kelip, andin restoranğa käldi.

Aydin vä Gülbostan Ğazievlar äynä şundaq  künlärgä yätkän bähitlik insanlar. Kšp jillardin beri Almutida istiqamät qilivatqan är-ayal äsli hazirqi Ämgäkçiqazaq nahiyäsidin. Aydin aka dehanliq, Gülbostan hädä Ämgäktin. Künlärniŋ biridä Dehanniŋ balisi Ämgäkniŋ qizini bir kšrüp aşiq bolidu. Mana ariliqtin ällik jil štüptu.

– Yerim äsir bir-biriŋlarğa aşiq-mäşuq bolup šttüŋlarmu? – qaridim är-ayalğa.

– Toğra. Nemä demäkçi boluvatqiniŋizni çüşändim.  Män sizgä eytip qoyay, är-ayalniŋ ällik jil billä hayat käçürüşi üçün üçla närsä haҗät. Bu häqqidä sšhbitimiz җäriyanida bäribir meniŋdin soraysiz. Älvättä, bu künlärgä oŋayliq bilän yätmiduq, – dedi Aydin aka. – 1967-jil. Män Almutiniŋ Sultanqorğan mähällisidä tuqqanlarniŋ šyidä turuvatattim. Bir küni ağinäm Ğäyrät Mämätälievqa (hazirqi Sultanqorğanniŋ baş jigitbeşi B. S.) Ämgäkniŋ bir qiziğa aşiq ekänligimni eyttim. Şu künila yänä ikki ağinini elip, Ğäyrätniŋ sudäk yeŋi GAZ-21 volgisi bilän yolğa çiqtuq. Biz yetip barğiçä käçmu kirip qalğan edi. Gülbostanni diskotekiğa maŋğan yeridin elip qaçtuq. İşinämsiz, hädiŋizni elip kälgän küni yançuğumda sunuq tiyin bolmidi. Üç yeşimdin ata-anamdin jitim qalğaçqa, däsläp momamniŋ qolida, keyiniräk balilar šyidä, uruq- tuqqanlarniŋ bosuğisida çoŋ boldum. Һätta hädäŋlärgä muzşekär elip beridiğanğa mayda tiyin tapalmiğan künlärmu bolğan. İlgiri moşu «Aynabulaq» mikrorayoniniŋ orni etizliq edi. Moşu yärdin pomidor, tärhämäklärni jiğip, kšk bazarğa apirip satattuq. Bizniŋ hayatimiz äynä şundaq eğir künlärdin başlanğan.

– Җapa tartmay, halavät yoq, – däydu Gülbostan hädä. –  Şähsän bizniŋ ailimiz yoqsizçiliqni tartmidi. Amma turmuşqa çiqqandin keyin kšpligän qiyinçiliqlarğa duç kälginim rast. Män soda tehnikumini pütirip, soda sahasidiki däsläpki paaliyitimni Almutidiki «Rossiya» gastronomidin başlidim. Addiy setiqçidin gastronom başliğiniŋ orunbasari däriҗisigiçä kštirildim. 37 jil bir sahada işläp, hšrmätlik däm elişqa çiqtim.

– Män 37 jil şähärdä avtobus haydidim, – qoşumçä qildi Aydin aka.

Är-ayal hšrmätlik däm elaşqa çiqqandin keyin «Aydin Tur» häliqara säyahät şirkitini quridu. Biyil bu şirkätkä on bäş jil boldi. Ahirqi jilliri uniŋ işi säl «asqap» qalğini bilän u däsläpki jilliri Ğazievlarniŋ ailäviy byudjetiğa helä payda elip käldi. Amma är- ayal pulni šzlirigä dost tutqan ämäs. Bäş täŋgä tapsa, uniŋ ikkisini muhtaҗlarğa berişkä aldiraydu. Jitimçiliqniŋ därdini kšp tartqan Aydin aka jitimlarniŋ beşini siypaşqa adätlängän. Gülbostan hädä җumhuriyätlik Uyğur etnomädäniyät märkiziniŋ, «Җanan» ayallar klubiniŋ äzasi. Milliy mädäniyitimizniŋ turaqliq hamiyliriniŋ biri. U җämiyätlik işlarğa tohsininçi jilliridin başlap arilişişqa başliğan. Gülbostan hädiniŋ җämiyätlik işlardiki paaliyätçanliğini biz, gezit hadimliri, yahşi bilimiz. U talay qetim җumhuriyätlik Uyğur etnomädäniyät märkiziniŋ, Qazaqstan hälqi Assambleyasiniŋ Pähriy yarliq vä minnätdarliqlirini elişqa muyässär bolğan. Uni birdä Çimkänttä, birdä Astanada, birdä Tarazda uçritattuq. Һazirmu şu. Milliy mädäniyitimizniŋ җankšyärliri baş qoşqan härqandaq märasimda Gülbostan hädini kšrmäy qalmaymiz. Bäzidä biz äşu anilarğa qarap: «Moşu ayallarniŋ ailisi, šyidä oqiti yoqmekinä» däpmu qoyimiz.

– Ayallarniŋ җämiyätlik işlarğa arilişişi šydiki «hava rayiğimu» bağliq, – qoşumçä qildi Gülbostan hädä.

– Uka, yeŋi män sizgä eyttimğu, härqandaq ailini saqlap qeliş üçün är-ayal üç asasiy närsigä ämäl qilişi keräk. Birinçisi, här ikkila täräptin eğir-besiqliq täläp qilinidu. İkkinçisi, bir-birigä bolğan işänçini yoqatmasliq haҗät. Üçinçidin, «seniŋ, meniŋ» degängä yol qoymasliq zšrür. Biz «Altun toyğa» äynä şundaq yättuq.

Һä, bu künlärgä yätkänlär bar, yätmigänlär häm bar.

Bälüşüş

Javap qalduruŋ