Qazaqstan uçrişişniŋ nätiҗidar ayaqlişişini halaydu

0
544 ret oqıldı

Ötkän düşänbä küni Qazaqstan Җumhuriyitiniŋ Prezidenti Nursultan Nazarbaev BMT Baş kativiniŋ Siriya boyiçä mähsus väkili Staffan de Mistura bilän uçraşti, däp hävärlidi Prezidentniŋ mätbuat hizmiti.

Uçrişiş davamida täräplär Siriyadiki toqunuşni rätläş boyiçä muzakirilär mäsilisini muhakimä qildi.

Dšlät rähbiri Astananiŋ muzakirilärni štküzüşkä täyyar ekänligini eytip, barliq qatnaşquçilar üçün şaraitlar yaritilğanliğini täkitlidi.

— Män Rossiya, Türkiya vä İran prezidentliriniŋ Astanada muzakirilärni štküzüş toğriliq täklivini qobul qildim. Biz uçrişişniŋ nätiҗidar ayaqlişişini halaymiz. Qazaqstan uçrişişqa qatnişidiğan täräplärniŋ hämmisi bilän täŋ vä işäşlik munasivätlärdä bolğanliqtin, muzakirilärniŋ yahşi štüşi üçün barliq şaraitni yaritidu däp oylaymän, — dedi Qazaqstan Prezidenti.

Nursultan Nazarbaev Siriya mäsilisi bügünki taŋda päqät Yeqin Şäriqnila ämäs, pütkül duniyani täşvişländürüvatqanliğini täkitlidi.

— Täräplärniŋ boluvatqan vaqiälärgä bizgä ohşaş täşviş bilän qaravatqanliğini çüşinimän. Ekspertlarniŋ eytişiçä, toqunuş başlanğandin beri 300 miŋdin oşuq adäm qaza bolğan. Moşuniŋ hämmisi bu mäsilini teçliq yoli bilänla häl qilişqa çaqiridu, — dedi Dšlät rähbiri.

Qazaqstan Prezidenti BMTniŋ mähsus väkiligä Astanadiki uçrişiş Jenevadiki teçliq muzakirilärgä täyyarliq җäriyaniğa iҗabiy täsir qilidiğanliğini eytti.

Staffan de Mistura Nursultan Nazarbaevqa Astanada muzakirilärni štküzüşkä şarait yaratqini üçün BMT Baş kativi Antonio Gutterişniŋ täşäkkürini izhar qildi.

— Sizniŋ dšlitiŋiz häliqara mäydandiki äŋ җiddiy mäsilini rätläş işida çoŋ täҗribisini namayiş qilip, ülgä bolup kelivatidu. Qazaqstanniŋ BMT Behätärlik Keŋişigä turaqliq ämäs äza boluşi Siriyadiki toqunuşni häl qilişniŋ qoşumçä mümkinçiligigä aylinivatidu, — dedi Staffan de Mistura.

Uçrişiş nätiҗisi boyiçä täräplär quralliq toqunuşni buniŋdin keyinmu rätläş çariliri boyiçä pikir almaşturdi.

Bälüşüş

Javap qalduruŋ