Qaliğaç

370 ret oqıldı

Al'bomni varaqlavatimän. Uniŋda türlük-tümän sürätlär saqlanğan. Huddi turmuş al'bomiğa ohşaş. Tuyğulirim iradämgä boysunmidi. Qarap qalğinim yänä şu sürät. Bšdür çeçi, kšküç kšzliridin tehi yadimdin kätmigän çüçümäl štmüşümni kšrüvatimän. Titirigän barmaqlirim bilän sürätni asta silidim. Zärriçä çaŋ qonmiğanliğiğa qarimay, çirayi haman ğuva kšrünätti.

Oğlumniŋ jiğlamsiriğan avazini aŋlap, al'bomni yaptim.

Apa, qariğinä?

Uniŋ qolida qaliğaçniŋ šlük balisi turatti.

Bizniŋ šgüzdiki qaliğaçniŋ balisi ekän. Tünügün apisi šlüp kätkändi. Bügün šzimu šlüp qaptu?

Oğlumniŋ šlgän qaliğaç balisiğa, huddi äŋ yeqin dostidäk, hisdaşliq qilip, säbi kšzigä liqqidä yaş elivatqiniğa qarap, külüvetişkä tasla qaldim.

Qara balam, apisi šlüp ketip, uniŋ ornida dan beridiğan başqa qaliğaç bolmiğaçqa, qosiği eçip šlüp qaptu. Kšmüp qoyğin.

Oğlum buniŋğa qayil bolmidi.

Dadisiçu? U dan bärsä bolmamdu?..

Oğlumniŋ mšldürläp qarişiğa bärdaşliq berälmidim. Uni bağrimğa besip dadisiğa barğansiri ohşap kelivatqan bšdür çaçliriğa levimni yaqtim. Jürigim şivirlavatatti: «Sän bilmäysän balam, qaliğaçniŋ dadisi balisini baqmaydu, uniŋ dadisi yoq!..».

Zulhumar ÖMÄR (ŞUAR).

Javap qalduruŋ