Gülzar vä uniŋ duniyağa tonulğan märkizi

0
621 ret oqıldı

Ötkändä instagram sähipisidä ataqliq fotomodel' vä aktrisa Kim Kardaş'yan vä daŋliq vizajist Mario Dedinoviç bilän sürätkä çüşkän Gülzar isimliq uyğur qizini kšrüp qaldim. Ular bu süritigä 3 milliondin oşuq muştiri toplaptu. Ävu ikkisiniŋ ismi duniyağa mälum. Äynä şular bilän sürätkä çüşkän uyğur qizi Gülzar kim?Uquşsam, Gülzar Sultanbaeva Almutidiki «Gulzar» til ügitiş märkizidä işläydekän. Mäzkür märkäzdä meni Gülzarniŋ dadisi Äzimҗan Sultanbaev qarşi aldi. Gülzar mehmanlar bilän bänt ekän. U boşiğiçä dadisi ikkimiz bügünki künniŋ muhim mavzusiğa aylanğan kšptilliq häqqidä gäpläştuq.

— Һazir mäktäplärdä balilarni üç tilda oqutuş toğriliq gäp qozğilivatidu, bäzi mäktäplär bu sistemini qollinivatidu. Moşuniŋğa munasivätlik sizniŋ pikriŋiz qandaq? — soridim uniŋdin.

— Bizgä, bolupmu uyğurlarğa kam degändä yänä bir tilni üginivalsaq, artuq bolmaydu, — dedi sšhbätdişim.

— Ötkändä bir gezittin yättä tilni bilidiğan uyğur qerindişimiz häqqidä oquğan edim, — dedim uniŋ sšzigä җavavän.

— Äynä şu kişi sizniŋ aldiŋizda turidiğu, — dedi u külümsiräp.

Män izdäp kälgän Gülzar bir çättila qelip, Äzimҗan aka ikkimiz qizğin sšhbätkä çüşüp kättuq. Undaq adämlär bilän oltirip sšhbätlişişniŋ šzi bir ğenimät. Bir ariliqta Äzimҗan aka til üginiştä šzidinmu ozup ketip barğan qizi häqqidä gäp qozğidi.

Gülzarmu dadisi ohşaş kšp tilni bilidekän. U bolmiğan äl az ekän. Bayiqi sürätkä daŋliq fotomodel' vä päqät Gollivud yultuzliriniŋ yüzigä gšzällik hädiyä qilidiğan vizajist bilän Dubayda çüşüptu. Gülzar Qazaqstandiki aldinqi qatarliq vizajistlar mäktiviniŋ ğoҗayini Sandi Beksırga ikkisigä Mario Dedinoviçniŋ maharät därisigä qatnişiş imkaniyitigä egä boptu. Sandi uyğur qizini šzi bilän tärҗiman süpitidä elivalğan ekän. Dubayğa bolğan säpiridin keyin ikkisi yeŋi layihilär üstidä işläş qarariğimu käptu. Beksırga Dilnaz Ähmädieva bilän Maqpal İsabekova ohşaş estrada yultuzliriniŋ vizajisti. Ändi Gülzarğa tohtalsaq, u Almutidiki çät äl tilliri universitetiniŋ bakalavriati bilän magistraturisini qizil diplom bilän tamamliğan. Şundaqla u Budapeşt İBS (häliqara biznes mäktivi) universitetida häliqara menedjment boyiçä ikkinçi magistrliqni tamamlidi. Şuniŋ bilän billä u Vengriyadiki Qazaqstan älçihanisida ingliz tilidin däris bärdi. Avstriyadiki häliqara bilim kšrgäzmisidä šzi oquvatqan aliy mäktäp namidin bilimini namayiş qildi.

Gülzarniŋ bilimigä qayil bolğan universitet rähbärligi uniŋğa bir jil mäzkür därgahta işläş täklivini beridu. Amma Gülzarni Qazaqstanğa qaytip käldi. Uniŋ mähsiti çät ällärdä oquşni halaydiğan yaşlarğa til ügitiş edi. Gülzar ata-anisi Äzimҗan Sultanbaev bilän alimä Adalätbüvi Bahamova asasini salğan mäktäpniŋ paaliyitini tehimu җanlanduruvatidu. Helila täҗribä topliğan u Evropiğa nisbätän bizdiki oquş-oqutuş sistemisini selişturup, çätällik uslub boyiçä ingliz tilini oqutuş programmisini tüzüp çiqidu.

Duniyadiki täräqqiy ätkän 25 universitetniŋ däsläpki bäşligigä kiridiğan İBS universiteti Gülzarğa Qazaqstanda šz şšbisini eçiş täklivini beridu. U bu җavapkärlikniŋ hšddisidin çiqalidi.

«Gulzar» til ügitiş märkizidä bilim alğan birnäççä oquğuçi İBS universiteti rektoriniŋ grantiğa vä başqimu imtiyazlarğa erişip, bu künlärdä Vengriyadä tähsil kšrüvatidu. Bir jilniŋ içidä moşu bilim därgahida oquvatqan qazaqstanliqlar ingliz tilini biliş җähättin başqa ällärdin kälgän savaqdaşliridin helila ozup, aldinqi orunlardin kšründi. Mäzkür universitetta yoruq kšridiğan jurnal arqiliq uniŋ çät ällärdä 120 şšbisi bar ekänligidin hävärdar bolduq. Studentlar duniyaniŋ hämmä qit°äliridin kelidiğanliğini äskä alsaq, bu çoŋ utuq. Moşu yärdä, älvättä, Gülzar Sultanbaevaniŋ ämgigimu bar. Gülzar şundaqla Londondiki Bekengem universitetida ingliz tili boyiçä AİLTS däriҗisini juquri bahağa tapşurup, mäzkür saha boyiçä Qazaqstanda emtihan eliş hoquqini beridiğan sertifikat elişqa muyässär boldi.

«Gulzar» märkizi ingliz tili muällimliri üçün muälliplik programma işläp çiqip, ustazlar arisida maharät därisini štküzüşni än°änigä aylandurğan. Ötkän jili Ämgäkçiqazaq nahiyäsiniŋ İşiktä, Avat, Çeläk yezilirida birnäççä maharät därislirini štküzdi. Pat- yeqinda ularğa Astanadiki birnäççä bilim därgahidin maharät därisini štküzüş täklivi käldi. Universitet väkilliri bilän birliktä İşiktidä štküzülgän ingliz tili musabiqisidä bir oquğuçi Vengriyagä häqsiz yazliq mäktäpkä yollanma utuvalğan bolsa, yänä birnäççä oquğuçi kšpligän imtiyazlarğa erişiptu. On ikki mäktäp oquğuçisi «Gulzar» märkizidä üç ayliq häqsiz oquş imkaniyitigä egä boptu.

Hulasiläp eytqanda, Sultanbaevlar ailisiniŋ Qazaqstan maaripiğa qoşqan tšhpisi bebaha. Buniŋdin keyinmu şundaq bolidiğanliğiğa işänçim kamil. Şundaqla ularniŋ märkizidä җumhuriyätkä tonulğan teatr rähbärliri, nahşiçilar, dohturlar, sportçilarmu til üginidekän. Ataqliq şähslärniŋ bäziliri säpärlärgä Gülzarni tärҗiman süpitidä elivalidekän. Bumu uniŋğa bolğan çoŋ hšrmät.

Minämҗan ASİMOV.

Bälüşüş

Javap qalduruŋ