«Yaraysilär, jigitlär!»

0
698 ret oqıldı

Bähtişat SOPİEV, «Uyğur avazi»/ «Därvişlär» topiniŋ kontsertini tamaşä qilğan tonulğan kompozitor Adilҗan Җanbaqievniŋ käsipdaşliriğa bärgän bahasi äynä şundaq boldi. «Därvişlär» topiniŋ muhlisliri Җumhuriyät sariyiğa kündüzi saat birlärdin keyinla jiğilişqa başlidi. Bäzilär buni şähärdiki «probkiğa» җoridi. Biz bolsaq, tamaşibinlirimizniŋ üzidin seğinişniŋ bälgülirini säzduq. Çünki «Därvişlär» šz muhlisliri bilän ahirqi qetim 2010-jili didarlaşqan.

Gezitimizdä ilgiri hävär qilğinimizdäk, «Därvişlär»  muhlisliriniŋ tälivigä bola bir kündä ikki kontsert qoymaqçi boldi.  Birinçi kontsert saat üçkä bälgülinip, u däl vaqtida başlandi. Zalda dapniŋ sadasi yaŋriğandin keyin kontsertniŋ «tizginini» topniŋ solisti, nahşiçi häm kompozitor Dilmurat Baharov šz qoliğa aldi. «Salamaleykum» nahşisi bilän tamaşibinlarğa salimini yolliğan top äzaliri birdinla ularniŋ jüräk tarlirini tävritivätti.  Dilmurat šzliri iҗra qilivatqan nahşilar mätinliriniŋ muällipliri bilän ahaŋini yazğan kompozitorlarni tonuşturuşnimu untumidi. Şundaq muälliplärniŋ biri, ataqliq şair, märhum Abdumeҗit Dšlätov edi. U «Därvişlärniŋ» muhlisliri yadqa bilidiğan «Toynamä», «Amma» «Vätän», «Ata» nahşiliriniŋ mätinini yazğan. Һazir uniŋ yolini şair İminҗan Tohtiyarov davamlaşturuvatidu. Bu qetimqi kontsertta uniŋ kšpligän nahşiliri iҗra qilindi. Dilmurat topniŋ sazändisi, märhum Äziz Mäsimovniŋ isminimu äskä aldi. U Äzizniŋ yahşi kšridiğan nahşisini iҗra qilip, zaldikilärni ussulğa çaqirdi.

Şuniŋdin keyin tamaşibinlar «Därvişlär» bilän birliktä «Toynamini» iҗra qildi. Mäzkür kontsertqa mehman süpitidä qatnaşqan estrada yultuzliri Adilҗan Ömärov bilän Ravşan Tohtahunov därvişlärniŋ nahşilirini Dilmurat bilän birliktä orunlidi. Tarihiy vätinimizdin kälgän Saniyäm İsmayilniŋ (u äsli qazaqstanliq — B.S.) yeŋi nahşilirimu kšpçilikniŋ kšŋlidin çiqti. U Dilmurat Baharov bilän birliktä «Bizniŋ nahşa»  namliq yeŋi nahşini iҗra qildi. «Bizniŋ nahşiğa» hälqimizniŋ pütün bir mädäniyiti qaçiliniptu. Bu nahşa tamaşibinlarğa yeqipla qalmay, ularni oyğa selip štmüşni äslätti. «Därvişlärniŋmu» bizniŋ bay sän°itimizgä qoşqan ülüşi kšp ekän» degän hulasigä käldi tamaşibinlar mäzkür nahşini tiŋşavetip.

Kontserttin keyin zalda «Därvişlärniŋ» asasini salğan Adilҗan Җanbaqiev bilän uçrişip qaldim.

— Kontsert yaqtimu? — soridim uniŋdin.

— Älvättä, «Yaraysilär, jigitlär!», dedi u sähnidä muhlisliridin ayrilğusi kälmäy turğan «Därvişlärgä» qarap.

Kontsert heçbir fonogrammisiz «җanliq» štti. Käspiy sän°ätkar käsipdaşliriniŋ moşu täripigä alahidä diqqät ağdurğanliğini yoşurmidi.

Bälüşüş

Javap qalduruŋ