Nämunilik işlarniŋ dävätçiliri

0
534 ret oqıldı

Şämşidin AYuPOV,«Uyğur avazi»/ Mälumki, härbir jutta şu yärdä istiqamät qilivatqan adämlärniŋ ğäm-täşvişi bilän hayatini štküzüp kelivatqan insanlar bar. Bäzidä mundaq däpmu qalisän: äşundaq kişilärsiz hayat gšzälligi, turmuşniŋ ävzälligi sezilmäy qelişimu mümkin. Ular päqät bir šziniŋ ailisi üçünla ämäs, şundaqla šzliri yaşavatqan mähällidiki barliq adämlär şatliğiğa, hoşalliğiğa ortaq boluşqa, ğäm-därdini bšlüşüşkä yaralğandäk. Biz yeqinda Almuta şähiridiki uyğurlar ziç orunlaşqan bärikätlik  jutlarniŋ biri — Yeŋi Һayat mähällisidä bolup, u yärdiki jut aktivistliri bilän uçraşqinimizda, näq mana moşundaq ähvalniŋ şahidi bolduq.

 

Ötkän äsirniŋ 60 — 70-jilliridin etivarän bu mähälligä bir-birigä uqaq tartip, kšçüp kälgänlär hesaviğa bu juttiki uyğurlar 120 ailidin eşip qalidu. Ular yänila şu jut aktivistliri Taşpolat  Һämraev, Savutҗan Savutov, Һüsänҗan İbragimov, Sadiqҗan Äliev, Polat  Ämrullaev, Ablekim Tohtahunovniŋ (1-sürät) äҗri, minnätsiz mehniti tüpäyli, moşu mähälligä siŋip, šz boluvatidu. Bu künlärdä jigitbeşi Abdukerim Abubäkirov ilgärki jigitbaşliriniŋ yahşi başlanmilirini davamlaşturupla qoymay, jutni tehimu җipsilaşturuş, kšpligän häyrihahliq çarä-tädbirlärni ämälgä aşuruş arqiliq kšpçilikniŋ işänçä vä izzät-hšrmitigä erişti. Һeli jutta gezitimiz muştirilirimu  kšpiyişkä başlidi. Ötkän jillarni eytmiğanniŋ šzidä,  juqurida isim-näsibi tilğa elinğan jut aktivistliri «Uyğur avazi» gezitiğa muştiri toplaşqa paal qatnişip, 70tin oşuq adämni bir jilğa yezip, ularniŋ mäniviy tälivini qandurdi. Jut ahalisi Uyğur teatriniŋ turaqliq tamaşibinliriğa aylinişqa başlidi. Turmuş ähvali naçar aililär dayimiy ğämhorluqqa  elindi.

Säksändin alqiğan jut mštiväri, balilar yazğuçisi Qasim İsmayilov bilän bolğan sšhbitimizdä mähällidä yeŋi meçitniŋ selinip paydilinişqa berilgänligini, umumän, bügünki qiyinçiliq zamanda jut adämliriniŋ šmlügi, bir-birini çüşinişi havadäk haҗät ekänligini qäyt qildi.

— Mana moşundaq ähvalda, — dedi u, — bolupmu, biz, uyğurlar, üçün mädäniyitimiz vä sän°itimizni, mätbuatimiz bilän ädäbiyatimizni saqlap qelişqa härbirimiz küç salmisaq bolmaydu. Ändi kšzümizniŋ gšhiridäk bolğan ana tilimizda çiqivatqan gezitimizğa yezilmay qeliş — meniŋçä käçürgüsiz ähval.

Mštivärniŋ moşundaq illiq lävzidin, šz hälqigä bolğan mehir- muhäbbitidin bizmu bäk täsirländuq häm uniŋ «Uyğur avazi» geziti namiğa šziniŋ toğra oy-pikrini izhar qilip, jutdaşlirini şu gezitqa muştiri boluşqa dayim çaqirip jürgänligini ilgirimu aŋliğan eduq.

Mähälliniŋ jigitbeşi Abdukerim Abubäkirov bilän Hanim-qizlar keŋişiniŋ räisi Halima Һämraevaniŋ häm jut aktivistliri Mähämät Tohtahunov vä Rähim Mäŋsürovniŋ  eytişiçä,  jutta ahaliniŋ mäniviy vä iҗtimaiy hayatiğa munasivätlik härqandaq çarä-tädbir  jut aktivistliriniŋ, bolupmu İzzätbüvi Ämrullaeva, Rahiläm Tursunova, Rehan İbdiminova, Ğunçäm Tohsunova, Zahidäm Paltuşeva, Päridäm Davutova, Rizvangül Paltuşeva, Patigül Baratova, Nurşidäm Rozieva, Җännät Mäŋsürova vä Nurbanum Abubäkirova, Saniyäm Sadirova,  Rahiläm Tohtahunova käbi hanim-qizlarniŋ (2-sürät) qatnişisiz, bevasitä rähbärligisiz štmäydekän. Ular šzlirigä tapşurulğan väzipini çoŋ җavapkärlik turğusida atqurup, tävä җamaätçiligi hayatida kšpligän šzgiriş-yeŋiliqlarniŋ yüz berişigä dävätçi bolup, urpi-adät, räsim-qaidilärniŋ yolğa qoyuluşiğa, җamaätni umumiy bir mähsätkä säpärvär qilişqa salmaqliq ülüşini qoşup kelivatidu.

Hulläs, yüzdin oşuq uyğur ailisi җuğiҗäm bolup yaşavatqan Yeŋi Һayat mähällisidä az vaqit bolsaqmu, yahşi kişilär bilän tonuşup, sšhbätlişip qaytqinimizğa mämnun bolduq.

Bälüşüş

Javap qalduruŋ