Almuta vilayiti turğunliriniŋ sani ikki millionğa yätti

0
177 ret oqıldı

Raşidäm RÄҺMANOVA,«Uyğur avazi»/ Yeqinda Ämgäkçiqazaq nahiyäsiniŋ märkizi İşiktä şähiriniŋ tuğuthanisida Jarqınay İminaqınovaniŋ kšzi yorup, ikkinçi pärzändi duniyağa käldi. Bu päqät Jarqınay bilän uniŋ yoldişi Dias Şormanovniŋla hoşalliği ämäs. Çünki bu bala – Almuta vilayitiniŋ ikki millioninçi turğuni. Şu munasivät bilän vilayät hakimi Amandıq Battalov nahiyägä qädäm täşrip qilip, bähitlik ailini uşbu hoşalliği bilän täbriklidi.

– Nahiyädä jiliğa 6 miŋğa yeqin naresidä duniyağa kälsä, uniŋ 5 miŋdin oşuği İşiktä tuğuthanisida tuğulidu. Bu mähkimä buniŋdin 10 jil ilgiri Mustäqällik künigä soğa süpitidä paydilinişqa berilgän. Uniŋ räsmiy eçiliş märasimiğa Qazaqstan Җumhuriyitiniŋ Prezidenti Nursultan Nazarbaev qatnaşqan edi. Şuniŋdin beri mähkimidä 50 miŋdin oşuq bala duniyağa kelip, yüzligän yaş meditsina hadimliri šz paaliyitini moşu yärdä başlidi, talay täҗribilik dohtur häm akuşerlar hšrmätlik däm elişqa çiqti. Mähkimidä zaman täläplirigä muvapiq barliq şaraitlar yaralğan. Bizgä moşundaq äҗayip mümkinçiliklärni yaritip bärgän Dšlät rähbirigä kšp rähmät, – dedi mehmanlarni kütüvalğan İşiktä tuğuthanisiniŋ baş dohturi Gülnar Mamırbaeva.

Andin Amandıq Ğabbas oğli, Almuta vilayätlik salamätlikni saqlaş başqarmisiniŋ başliği Asqar Bayduvaliev, Ämgäkçiqazaq nahiyäsiniŋ hakimi Binäli Isqaq vä nahiyäniŋ baş vraçi Bolat Balaqoyşievniŋ hämkarliğida Jarqınay İminaqınova vä uniŋ pärzändi yatqan bšlümgä kirdi.

Hasiyätlik Noruz mäyrimi harpisida oğluŋlarniŋ duniyağa kelişi mubaräk bolsun! Bu barliğimiz üçün alahidä bala. Sävävi, u – Almuta vilayitiniŋ ikki millioninçi turğuni bolup räsmiy tirkäldi, – dedi Amandıq Ğabbas oğli Dias bilän Jarqınayni täbrikläp.

Һakim vilayät boyiçä jiliğa 50 miŋğa yeqin baliniŋ duniyağa kelidiğanliğini täkitläp, bu җumhuriyät demografiyasiniŋ sür°ätlik šsüşi üçün nahayiti juquri kšrsätküç ekänligini atap štti. Qazaqstan turğunliriniŋ sanini kštiriş, är-ayal arisidiki aҗrişişlarniŋ sanini qisqartiş üçün yaşlarni qollap-quvätläşniŋ muhim ekänligini qäyt qildi. Bu yosunda «Nurlı jer», «Nurlı jol» programmiliriniŋ yardimi bilän 200 yaş ailini šy bilän täminläş mäsilisiniŋ vilayät hakimiyitiniŋ kün tärtividä turğanliğini hävärlidi vä Amandıq Ğabbas oğli bähitlik ailigä ikki bšlmilik pätirniŋ açquçini tapşurdi.

Novitidä sšz alğan Dias Şormanov vilayät hakimiğa sämimiy minnätdarliğini bildürüp, pütkül vilayät turğunlirini hoşal qilğan pärzändiniŋ ismini šziniŋ qoyup berişini štündi. Baliniŋ momisi, peşqädäm ustaz Baqıtgül bolsa, nävrisiniŋ ismini barliq qazaqstanliqlarniŋ bügünkidäk paravänçiliktä hayat käçürüşi üçün tär tšküp kelivatqan Dšlät rähbiriniŋ hšrmitigä «Nursultan» däp atişini soridi. Momisiniŋ, ata-anisiniŋ iltimasiğa benaän Amandıq Ğabbas oğli naresidiniŋ ismini qoyup, uniŋ Dšlät rähbirigä ohşaş äqillik, küçlük, quvätlik vä šz eliniŋ häqiqiy җankšyäri bolup šsüşini tilidi, tuğuluşi häqqidiki guvanamisini tapşurdi.

Ämgäkçiqazaq nahiyäsi.

Javap qalduruŋ