«Sahnager-2017» mukapiti tapşuruldi

0
602 ret oqıldı

Astanada Duniyaviy teatr künigä beğişlanğan «Sahnager-2017» Birinçi milliy teatr mukapitiniŋ laureatliri elan qilindi. Täntänilik märasimğa Qa­zaqstan Җumhuriyitiniŋ dšlät kativi Gülşara Äbdiqalıqova, mädäniyät vä sport ministri Arıstanbek Muhamediulı, Parlament deputatliri, mämlikätniŋ ataqliq teatr vä sän°ät ärbapliri qatnaşti.Dšlät kativi šziniŋ täbrik sšzidä Qazaqstan Prezi­dentiniŋ mämlikät täräq­qiyatida mädäniyät vä sän°ätniŋ muhim rol' oynavatqanliğini alahidä tilğa alidiğanliğini atap kšrsätti. Mustäqillik jillirida «Mädeni mwra» dšlät programmisi ämälgä aşuruldi, 52 teatr utuqluq işlävatidu, «Astana Opera», «Astana Balet» teatrliri, şundaqla Qazaq milliy sän°ät universiteti, Qazaq milliy horeografiya akademiyasi eçildi.

Gülşara Äbdiqalıqova 2016-jili qurulğan Qazaqstan Teatrlar assotsiatsiyasiniŋ mämlikätniŋ rohiy-mädäniy hayatini vä yaşlarniŋ iҗadiy ihtidarini täräqqiy ätküzüşkä salmaqliq hässä qoşidiğanliğiğa, Dšlät rähbiriniŋ Mäktübidä bälgülängän mähsätlärni ämälgä aşuruşqa yardäm qilidiğanliğiğa işänçä bildürdi.

«Sahnager» milliy teatr mukapiti ämgäkkä iҗabiy munasivätni şäkil­ländüridiğan, mämli­kätniŋ birpütün mädäniy käŋligini küçäytidiğan, qazaqstanliq vätänpärvärlikni täräqqiy ätküzidiğan äsärlärni yaratqanliği üçün berilidu. Mukapat biyil «Samruq Qazına» Milliy paravänlik fondi» aktsionerliq җämiyitiniŋ qollap-quvätlişi bilän Qazaqstan Teatrlar assotsiatsiyasi täripidin täsis qilindi.

Dšlät kativi teatr sän°itini täräqqiy ätküzüşkä alahidä hässä qoşqanliği üçün berilidiğan mukapatni yeqinda yüz yaşliq tävälludini nişanliğan Ayşa Abdullina bilän SSSR häliq artisti Asanäli Äşimovqa tapşurdi.

Dšlät rähbiriniŋ tapşurmisi boyiçä milliy teatrlar – Uyğur, Korey vä Nemis teatrliriğa pähriy akademiyalik unvan tapşuruş meniŋ üçün çoŋ şäräp, — dedi mädäniyät vä sport ministri Arıstanbek Muhamediulı. — Mundaq juquri utuq-muvappäqiyätlär Millät Lideriniŋ qazaqstanliqlar ämälgä aşuruvatqan bärpa­karliq vä teçliqsšyärlik säyasiti tüpäyli mümkin boldi.

Şundaqla Yuriy Pomerantsev, Meruert Ötekeşeva, Quralay Eşmuratova, Talğat Temenov, Baqıtbek Alpısbaev ohşaş kšpligän sähnä mahirliri härhil nominatsiyalär boyiçä mukapatlarğa sazavär boldi.

Mukapatlanğanlarniŋ arisida Q.Ğoҗamiyarov namidiki dšlät akademiyalik Uyğur teatriniŋ mudiri Ruslan Tohtahunovmu bar. U «Äŋ yahşi menedjer» nominatsiyasi boyiçä mukapatqa egä boldi.

Bälüşüş

Javap qalduruŋ