Bügün Londonda HHH Yazliq Olimpiada oyunliri eçilidu

0
1 238 ret oqıldı

Oyunlar räsmiy türdä bügün — 27-iyul' küni London vaqti boyiçä saat 22.00da (Almutida — 02.00) täntänilik räviştä eçilidu. 20 miŋdin oşuq adäm qatnişidiğan täntänilik märasimniŋ 3,5 saat davam qilidiğanliği vä uniŋda 60tin oşuq kompozitorniŋ saz-muzıkiliri däsläpki qetim orunlinidiğanliği kütülmäktä. Olimpiada bolsa, burnakün ayallar arisida futbol boyiçä topluq turnir musabiqiliri bilän başlandi.

Mälumki, Qazaqstan Җumhuriyitiniŋ olimpiadiliq tallanma komandisiniŋ tärkividä 116 sportçi bar. Ular sportniŋ 25 türidin 105 medal' komplekti üçün (Olimpiadida barliği bolup 302 medal' komplekti üçün musabiqilar štidu) kürişidu.

Bizniŋ sportçilardin kimlär Oyunlarniŋ mukapatliq orunliridin kšrünüşi mümkin? Eniq eytiş täs. Äşu 116 sportçiniŋ här biri mundaq nätiҗigä qol yätküzüşkä qadir, hätta altun medal'ni yeŋivelişimu ehtimaldin jiraq ämäs. Mundaq däp kesip eytişimizniŋ sävävi, mäsilän, Sidneyda štkän Olimpiadida heç kim, hätta mäşiqländürgüçilärmu, sport ämäldarlirimu Ol'ga Şişiginaniŋ «altun» alidiğanliğini päräzmu qilmiğan edi. Keyiniräk Şişiginaniŋ šzi iqrar qilğinidäk, Olimpiada çempioni boluşni oylimiğan ekän. Demäk, biz elimizniŋ şänini qoğdaş üçün Olimpiadiğa atlanğan härqandaq sportçidin çoŋ ümüt kütimiz.

Şundimu bizniŋ olimpiadiçilar qatnişidiğan sportniŋ 25 türi içidä eğir atletlarğa çoŋ işänçä bilän qaraymiz. Bu yärdä «Asmanda yultuz kšpmu yaki Qazaqstan hälqi kšpmu?» degän soal päyda bolsa, uniŋğa biz külüp qarisaq, hitayliqlar heç qisilmay «Biz kšp» däp җavap beridiğanliği eniq. Çünki u dšlättä adämlär yultuzlardinmu nurğun, degän çüşinik bar. Һätta kiçikkinä bir nahiyä dairisidiki musabiqilarğa sportniŋ här bir türi boyiçä miŋliğan adäm qatnişidiğan Hitayda keläçigidin ümüt kütküzidiğan yaş sportçilar nahayiti nurğun. Äynä şularniŋ arisidin Qazaqstan Eğir atletika federatsiyasi bir näççä jil ilgiri Zulfiya vä Mayya isimliq ikki qizni mäktäp partisida oltarğan yeridin elimizğa täklip qilğan edi. Vaqit štüp, ularniŋ här ikkilisi eğir atletikida adämniŋ zoqini kältüridiğan utuqlarğa erişti. Buni äslävatqanliğimizniŋ sävävi, buniŋdin 2-3 jil ilgiri äynä şu Hitay elidin Arli Şontey, Farhad Harki ohşaş talantliq eğir atletlar täklip qilindi. Ändi bu ikkisigä yänä şu Zulfiya Çinşanlo bilän Mayya Manezani vä šzimizniŋ atletliri İl'ya İl'in, Almaz Öteşov, Anna Nurmuhamedova, Svetlana Podobedovani qoşsaq, Londonda äŋ bolmiğanda ularniŋ biri çempion atilidiğanliğiğa işänçimiz kamil. Şundaqla biz bokstin — Adilbek Niyazımbetovni, dzyudodin — Maksim Rakovni, çelişiştin — Elena Şalıginani Olimpiada «altunini» yeŋivelişqa qadir däp ümüt qilimiz.

 

Bälüşüş

Javap qalduruŋ