Çeläkniŋ inavätlik insanliri

0
449 ret oqıldı

Raşidäm RÄҺMANOVA,«Uyğur avazi»/ Baliliq dävrini dähşätlik uruş oğriliğan, arqa säptiki mäşäqätlik ämgigi bilän Uluq Ğalibiyätni yeqinlaşturğan anilar härbir jutta bar. Äynä şundaq inavätlik häm ätivaliq anilar Һädihan Yüsüpova bilän Zenäthan Şämşidinovadur.

Һädihan ana 1925-jili Bayseyit yezisida tuğuldi. Qädäm yättä jilliq mäktividä bilim elip, andin Türgün pedagogika uçiliöesida tähsil kšrdi. Uruş jilliri yezidiki mäktäptä başlanğuç sinipliriğa däris bärdi. 1946-jili Uluq Vätän uruşiniŋ veterani Validin Nizamidinovqa turmuşqa çiqti. Validin ata Leningrad mudapiäsini buzuşqa, nurğunliğan şähärlärni azat qilişqa qatnaşqan vä «Җäŋgivar Qizil Tuğ» ordeni vä kšpligän medal'lar bilän mukapatlanğan edi. 1945-jili 24-iyun'da Moskvada štkän Ğalibiyät paradiğa qatnaşqan. Uruştin keyinki jilliri «Qädäm» (Bayseyit), andin «Ğäyrät» (Ğäyrät) kolhozlirida räis, Stalin kolhozida (hazirqi Masaq) partorg, «Avangard» sovhozida brigadir hizmätlirini atqurdi.

On pärzäntni qatarğa qoşqan Һädihan animu mukapatlardin hali ämäs. U İ, İİ vä İİİ däriҗiliq «Ana şšhriti» ordenliriniŋ, «Kümis alqa», «Altın alqa» medal'liriniŋ sahibi. Buniŋdin başqa är-ayal Uluq Ğalibiyätniŋ tävälludluq medal'liri bilän jillar davamida mukapatlinip käldi. Validin atiniŋ hayattin štkinigä biyil 12 jil boptu. Һädihan ana hazir känҗä oğli Tursunҗanniŋ qolida 10 balidin tariğan 24 nävrä, 6 çävrä vä bir ävrisiniŋ qiziğini kšrüp bähitlik yaşavatidu. Öz vaqtida qeyinatisi Nizamdun bilän qeyinanisi Җamalimğa qandaq qariğan bolsa, hazir kelini Veneramu aniğa şundaq ğämhorluq qilmaqta. Qeyinana bilän kelin şunçilik içäkişip kätkänki, däsläp kšrgän adäm Venerani bu šyniŋ qizi däp oylişi mümkin.

— Bügünkidäk bayaşätçilik hayatni bahalişimiz keräk. İçimän, kiyimän desä, hämmä närsä bar. Päqät bala tärbiyisi suslişivatidu. Ata-anilar moşu mäsiligä җiddiy kšŋül bšlsä, intayin yahşi bolatti, – däydu nuraniy ana. 

***

Zenäthan Şämşidinova Uluq Vätän uruşi başlanğanda toqquz yaşta edi. Dadisi İskändär vä çoŋ dadisi Seyitҗan Qurbanovlar uruşniŋ däsläpki künliridä frontqa çaqirtilğan ekän. Mälumki, däl moşu soldatlar uruşniŋ äŋ eğir zärbisigä duçar bolğan. Seyitҗan frontqa çaqirtilip, bir aydin keyin җäŋ mäydanida җenini Vätän üçün pida qildi. İskändär kšpligän җäŋlärgä qatnişip, Uluq Vätän uruşiniŋ nakasi bolup jutiğa qaytti.

Zenäthan täŋtuşliri qatarida etiz-eriq işliriğa arilaşti. Uruştin keyin Uluq Vätän uruşiniŋ veterani Tursunҗan Şämşidinov bilän ailä qurup, 6 pärzänt sšyüp, ularni җämiyätkä layiq  pärzäntlärdin qilip tärbiyilidi. Zenäthan ana «Kümis alqa» bälgüsiniŋ sahibi.  Pärzäntliri bilän 18 nävrisi vä 15 çävrisiniŋ mehir-mühäbbitigä bšlängän bähitlik ana häm moma.

Şum uruşniŋ dähşitini kšrgän anilarniŋ tiligi birla:  bügünki ävlat  bähitlik hayat käçürüp, tärbiyilik häm bilimlik bolup šssekän.

Buni biz här ikki aniniŋ duasi süpitidä qobul qilduq.

SÜRÄTTÄ: Һädihan Yü­süpova vä Zenäthan Şämşi­dinova.

Ämgäkçiqazaq nahiyäsi.

Bälüşüş

Javap qalduruŋ