Qapaqqa iştiyaq

0
25 ret oqıldı

Bähtişat SOPİEV,«Uyğur avazi»/ Qapaqlardin härhil buyumlarni yasaydiğan bu kişini mädäniy çarä-tädbirlärdä pat-pat uçritişqa bolidu. Uniŋ ämgäkliri qoyulğan çaqqanğinä kšrgäzmä mehmanlardin hali bolğan ämäs. Özini «Äysaҗan Bedälov» däp tonuşturğan bu talant egisi Almuta şähiriniŋ Qayrat mähällisidä istiqamät qilidekän. Äsli tuğulğan juti Җağistay. 1959-jili, täğdir täqäzasi bilän, Keŋäş İttipaqiğa kšçüp çiqip, Uyğur nahiyäsiniŋ Çoŋ Aqsu yezisiğa orunlişidu. Ottura mäktäpni tamamliğan 1969-jili Taşkänttiki mädäniy-aqartiş tehnikuminiŋ rässamçiliq bšlümigä oquşqa çüşidu. Uni 1975-jili muvappäqiyätlik tügitip, Sirdäriya vilayitidiki «Kommunizm» ottura mäktividä işläydu. Bu yärdä, oquğuçilarğa rässamçiliqniŋ qir-sirlirini ügitidu.

— Bir küni Änҗanğa mehmanğa berip, män çüşkän šyniŋ hoylisidiki qapaqlarniŋ härhil türlirini kšrüp häyran qaldim, — däydu Äysaҗan aka. — Mana şuniŋdin keyin qapaqqa bolğan muhäbbitim oyğinip, uni ämäliy sän°ättä paydiliniş oyiğa kälgän edim. Şu jili SSSRniŋ 60 jilliğini dağduğiliq nişanlaşqa täyyarliqlar kšrülüvatatti. Bu mäyrämniŋ štüşigä mänmu šzämniŋ ülüşini qoşmaqçi boldum. On bäş qapaqqa SSSRdiki on bäş җumhuriyätniŋ gerbini selip çiqtim. Ämgigim Özbäkstanda SSSRniŋ 60 jilliğiğa beğişlanğan märasimniŋ qolhünärvänçilik kšrgäzmisigä qoyuldi vä kšpçilikniŋ juquri bahasiğa erişti. Bu meni ilhamlandurup, rässamçiliqqa bolğan iştiyaqimni tehimu oyğatti.

1994-jili Äysaҗan aka ailisi bilän Almutiğa kšçüp kelidu. U mädhiyiläp gerblirini yasiğan SSSR parçilinip kätkän eğir bir päyt edi. Turmuş häläkçiligi bilän uniŋ «qapiği» biraz vaqit qapaqlarğa eçilmiğini rast. 1997-jildin başlap, u qapaqni qaytidin qoliğa alidu. Ularğa räsim siziş bilän billä näqişlärni oyup härhil buyumlarni yasaşqa başlaydu. Biyil mana uniŋ qapaqlarğa qaytidin «җan» kirgüzüp kelivatqiniğa 20 jil boptu.

— Jigirmä jilda qolhünärvänçilik paaliyitiŋizdä qançä qapaq işlättiŋiz? – soridim Äysaҗan akidin.

— Rastimni eytsam, sanimaptimän. Amma helä bar. Başta män yasiğanlirimni tonuş-bilişlärgä soğa qilip jürdüm. Keyiniräk oylisam, šzämniŋ ämgigimni bahalaşni bilmäydekänmän. Şuniŋdin keyin ularni setişqa başlidim. Bügünki kündä hoylamda qapaqniŋ härhil sortlirini šstürüvatimän. İlgiri uni başqilardin setivalattim.

Äysaҗan aka maŋa šziniŋ qapaqtin yasiğan härhil ämgäklirini kšrsätti. Män ularni gezithanlarniŋ diqqitigä havalä qiliş üçün sürätkä çüşirivaldim. Märhämät, bähirliniŋlar!