Orni tolmas җudaliq

0
626 ret oqıldı

Qamçiniŋ sepidäk qis­qa bu hayat dayim dağdam štüvärmäydekän. Uniŋ oy­man-çoŋqurlirimu bar. Bo­lupmu ata-aniğa yeşiŋ säksängä taqap qalğanda, äziz pärzändidin ayriliştin artuq eğir җudaliq yoq ekän.Bu paҗiälik vaqiä buniŋdin tšrt ay ilgiri yüz bärdi. Qizim 2016-jili 14-dekabr' küni çüştin keyin apisiğa telefon qilip, iştin çiqip, šygä qaytqanliğini eytqan. Äpsus, kšp vaqit štmäyla, räpiqäm Çolpanğa Gülbostanniŋ nomeridin natonuş bir adäm te­lefon qilip, uniŋ yol halakitigä uçriğanliği häq­­qidä hävärläydu. Mälum bo­luşiçä, yoldin štüp ketip barğanda uni maşina uruvetiptu. Dohturlar birnäççä kün Gülbostanniŋ hayati üçün küräşsimu, uni aman elip qalalmidi.  Şundaq qilip, kšzümizniŋ gšhiri bari-yoqi 43 yeşida hayattin štti. Şu kündin tartip beşimizğa tügimäs-pütmäs qayğu-häsrät çüşti.

Hälqimizdä «Pärzänt ata-aniniŋ içigä çiraq yaqidu» degän gäp bar. Şükri, Çolpan ikkimiz tärbiyiligän bäş pärzändimiz insapliq bolup šsti. Amma, bali­lirimizniŋ känҗisi Gül­bos­tan ikkimizniŋ içigä ot yaqidiğan qizimiz edi.

Sir ämäs, känҗimiz ärkä šsti. Biraq kiçigidinla nahayiti äqillik, tetik qiz edi. Һeçqaçan deginidin qaytmatti. Başliğan işini ahiriğa çiqarmay qalmatti. Nahayiti kšyümçan edi. Dayim apisi ikkimizniŋ, qerindaşliriniŋ ğemini yäydiğan.

Gülbostan mäktäpni tamamlap, Qarğali koooperativ tehnikumida oqup, däsläp Çeläktä kitap dukinida setiqçi, andin mäktäptä laborant bolup işlidi. Keyin Häliq egiligi institutida tähsil kšrüp, menejder-marketolog käspini egilidi. Uniŋ qolimu, dilimu oçuq, märt-märdanä insan edi. Barini heçqaçan muhtaҗlardin ayimaydiğan. Mümkin bolsa, ätrapidikilärgä päqät yahşiliq qilişqa aldi­raydiğan sahavätlik җan edi. Şuŋlaşqimu uni uruq-tuqqan, dost-buradär häm qerindaşliri bäk hšrmätlätti.

Qizimizniŋ җinazi na­miziğa jut ähli vä jiraq-yeqindin kšp adäm qatnaşti. Barliği matäm tutup, zar qahşidi. Bäzilär heçkimgä yamanliği tägmigän, sehi, märt adäm bolğanliğini eytsa, ayrimliri nahayiti huşhoy, paaliyätçanliğini tilğa elip, ahirqi säpär­gä uzattuq. Almutida ilpätçilik qilip, yeqin arilaşqan dostliri uniŋ mäktäplärgä, täminati naçar aililärgä qilğan sahavätlik işliri häqqidä eytip, däs­läpki päyşänbiligini št­küzüşni šz boyniğa aldi.

Älvättä, hämmisi Alla­niŋ qolida. Yaratqan egäm qandaq hšküm çiqarsa, insan uni qobul qilişi lazim. Başqa çarimiz yoq. «Vaqit hämmini saqaytidu», däydu. Amma bizgä Gülbostanniŋ yoqluği kündin-küngä bi­lin­mäktä.

Yaratquçidin soraydi­ğinim, qizim kšrmigän yahşiliqlarni yalğuz oğli kšrsun! Yänä bir eytarim, şoferluq guvanamini pulğa setivalğan adämniŋ qandaq paҗiä elip kelidiğanliğini untumayli, qerindaşlar. Ba­lilirimizğa aldiraq­sanliq bilän undaq hätärlik soğa elip berişkä aldirimayli.

Rähimҗan QÄMBÄROV, peşqädäm ustaz.

Ämgäkçiqazaq nahiyäsi.

Bälüşüş