QHA Keŋişiniŋ käŋäytilgän  mäҗlisi

0
680 ret oqıldı

Qazaqstan hälqi Assambleyasiniŋ XXV sessiyasiniŋ harpisida QHA Keŋişiniŋ käŋäytilgän mäҗlisi bolup štti. Uniŋ işiğa dšlät kativi Gülşara Äbdiqalıqova, QHA Räisiniŋ orunbasari – Prezident Mämuriyiti QHA Kativatiniŋ mudiri Darhan Mıŋbay, Parlament deputatliri, märkiziy vä yärlik dšlät organliriniŋ, etnomädäniyät birläşmiliriniŋ, ilmiy-ekspertliq keŋäşniŋ väkilliri qatnaşti.Käŋäytilgän mäҗlistä sšzgä çiqqan Gülşara Äbdiqalıqova «Turaqliq, birlik, razimänlik – yeŋilaş asasi» – QHAniŋ yubileyliq sessiyasiniŋ mavzusi ekänligini täkitlidi. U jil beşidin tartip Prezidentniŋ dšlät vä җämiyätni tehimu härtäräplimä täräqqiy ätküzüşkä qaritilğan üç miqiyasliq täşäbbusni otturiğa qoyğanliğini äslitip štti. Mäsilän, konstitutsiyalik islahat, «Qazaqstanniŋ Üçinçi yeŋilinişi: alämşumul riqabätkä qabilliq» Mäktübi vä «Keläçäkkä nişan: mäniviy yeŋiliniş» särlävhilik maqalä äynä şular җümlisidindur.

Gülşara Äbdiqalıqovaniŋ sšziçä, käŋ җämiyätlik qollap-quvätläş – mämlikätni utuqluq yeŋilaşniŋ zšrür şärti. Şuŋlaşqimu çoŋ bärpakarliq ihtidarğa egä QHA qazaqstanliq ohşaşliqni şäkilländürüşkä, җämiyättä birlik vä razimänlikni mustähkämläşkä hässä qoşuşi keräk. Biyil Qazaqstan hälqi Assambleyasiniŋ barliq qurulumliri säyasiy, ihtisadiy vä mädäniy yeŋiliniş väzipilirini ämälgä aşuruşqa paal qatnişişi keräk.

Mäҗlis davamida Qostanay vilayitidä Assambleya paaliyitiniŋ yeŋi yšnilişlirini ämälgä aşuruş täҗribisi, QHAniŋ mämlikät Parlamenti Mäҗlisidiki deputatlar topiniŋ paaliyiti, Qazaqstan šzbäkliriniŋ «Dustlik» җämiyätlik birläşmiliri assotsiatsiyasiniŋ işi muhakimä qilindi.

QHAniŋ Parlamenttiki deputatlar topiniŋ paaliyiti toğriliq uniŋ rähbiri, Mäҗlis deputati Sauıtbek Abdrahmanov ähbarat bärdi.

Uniŋ täkitlişiçä, QHAdin saylanğan deputatlar grajdanlarni qobul qilişni uyuşturuvatidu, deputatliq täläplärni qoyuvatidu, qanun layihiliri boyiçä iş topliriğa qatnişip, regionlarda säpärlärdä boluvatidu, җämiyät hayatiniŋ muhim mäsililirigä paal diqqät bšlüvatidu, häyrihahliq paaliyätni ämälgä aşuruvatidu. Äŋ muhimi, Mäҗlistiki QHA deputatlar topi mämlikät turaqliğiniŋ häm täräqqiyatiniŋ asasi süpitidä millätlärara razimänlik ideyasini ilgirilitişniŋ eniq mehanizminiŋ birigä aylandi vä bu paaliyät turaqliq mukämmälläştürülidu.

Käŋäytilgän mäҗlistä sšzgä çiqqan QHA Räisiniŋ orunbasari Darhan Mıŋbay Assambleya deputatliriniŋ paaliyätçanliğini tilğa elip, häl qilinişi keräk bolğan birqatar väzipilärgä diqqät ağdurdi.

Şundaqla QHA Räisi orunbasari Assambleyadin saylanğan deputatlar regionlarniŋ hakimiyätliri, җämiyätlik razimänlik keŋäşliri bilän birliktä Prezidentniŋ «Keläçäkkä nişan: mäniviy yeŋiliniş» särlävhilik programmiliq maqalisida atap kšrsitilgän  barliq layihilärniŋ ämälgä aşuruluşi üstidin nazarät qilivatqanliğini alahidä qäyt qildi.

Uniŋdin taşqiri mäҗlistä QHA Keŋişi almaşturuş printsipiğa muvapiq, sessiyaniŋ qarap çiqişiğa Assambleya Räisiniŋ җämiyätlik orunbasarliriniŋ namzatlirini kšrsätti, Kativatniŋ QHAniŋ «Jomart jan» bälgüsini täsis qiliş toğriliq täklivini maqullidi vä Qazaqstan hälqi Assambleyasiniŋ җämiyätlik mukapatlar toğriliq qaidisini tästiqlidi.

QHA Keŋişiniŋ käŋäytilgän mäҗlisigä qatnaşquçilarğa «Qazaqstan Җumhuriyitidiki etnoslarara vä konfessiyalärara munasivätlär tarihi» namliq kšlämlik ilmiy ämgäk tonuşturuldi.

Bälüşüş