«Uniŋ bir minut vaqti yoq»

0
930 ret oqıldı

Mäşür SASİQOV, «Uyğur avazi»/ Almuta şähiridiki 35-mäktäpniŋ 9-sinip oquğuçisi Ruslan Pährievni ata-anisi kiçigidä birär sport klubiğa mäҗburiy bärmidi. U šzi yättä yeşidinla täŋtuşliriğa qoşulup, «Okinava» klubida kiokuşkinkay karate bilän şuğullinişqa başlidi. Uniŋ täliyigä u yärdä täҗribilik mäşiqländürgüçi, šz işiniŋ mahiri Andrey Salagaev  işläydekän. U häqiqätänmu sportni çin sšygän šsmürlärgä qabiliyiti bilän maharitini namayiş qilişiğa yardämlişip, ular bilän җiddiy işläşkä kirişidu.

Oquşta älaçi Ruslan päydin-päy küräşniŋ qir-sirini çoŋqur üginip, däsläp mäktäp içidiki musabiqilärgä qatnaşqan bolsa, keyiniräk şähärlik vä җumhuriyätlik turnirlarda aldinqi orunlardin kšrünüşkä başlaydu. Mäsilän, sportniŋ moşu türi boyiçä štkän «Bol'şie nadejdı» namliq şähärlik oçuq turnir bilän Qazaq hanliğiniŋ 550 jilliği vä Mustäqillik künigä beğişlanğan birinçiliklärdä İİ orun, «Okinava» yäkmu-yäk assotsiatsiyasiniŋ birinçiligi häm Almuta şähiriniŋ 1000 jilliğiğa beğişlanğan çempionatta İ orunlarni yeŋivaldi. Älvättä, bu utuqlar nurğunliğan qiyin mäşiqlär bädiligä käldi. Yaş sportçi šziniŋ tirişçanliği arqiliq yätkän utuq-muvappäqiyätliri bilän däsläp ata-anisini hoşal qilivatsa, andin bilim elivatqan ana mäktiviniŋ abroyini kštirivetiptu. Buniŋdin mämnun bolğan mäktäp mämuriyiti Ruslanni dayim başqilar ülgä qilip kšrsitidekän.

Yaş sportçi häqqidä toluğiraq biliş mähsitidä uniŋ dadisi Taşmähämät Pähriev bilän uçraşqinimizda, u monularni sšzläp bärdi.

—  Gäpniŋ rasti şuki, män šzämmu fizkul'tura institutini tamamlidim — däydu Taşmähämät aka. — Biraq oğlumni sportqa munçivala iştiyaq bağlaydu, däp oylimaptimän. Ruslanniŋ bir minut vaqti yoq. Ätigän mäktäpkä kätkän. Mäktäptin kelip, sport zaliğa aldiraydu. U yärdin käç kelip, därislirini täyyarlavatqan. Qisqisi, uniŋ kündilik hayati moşundaq štüvatidu. Män oylaymänki, oğlumniŋ qolğa kältürüvatqan utuqliri mana şundaq mäşäqätlik mäşiqlärniŋ nätiҗisi bolsa keräk.

Arman-mähsätliri eniq, tirişçan sportçiğa utuq tiläp, ularniŋ ailisi bilän hoşlaştuq.

Bälüşüş