Qädirdanimizniŋ qoş mäyrimi

0
514 ret oqıldı

Qädirdan atimiz Abdulla Һaşir oğli Roziev hayat bolsa, yüz yaşqa tolatti. U 1917-jili Çeläk nahiyäsiniŋ (hazirqi Ämgäkçiqazaq nahiyäsi) Qaraturuq yezisida tuğulğan. U ottura mäktäpni tamamliğandin keyin, Taşkänt şähiridiki maliyä institutiğa oquşqa çüşidu. 1941-jili mäzkür bilim därgahiniŋ üçinçi kursini tamamliğanda Uluq Vätän uruşi başlinidu. U däsläpkilärdin  bolup pidaiylar qatariğa yezilip, frontqa atlinidu. Voronej şähiridä qisqa muddätlik kursni tamamlap, leytenant unvanida Volokolamsk ätrapidiki җäŋlärgä qatnişidu. Kšp štmäy, u vzvod komandiri bolup tayinlinidu. Abdulla Һaşir oğli başqurğan vzvod җäŋçilirigä härbiy qisimlarniŋ ştab otturisidiki turaqliq alaqisini täminläş väzipisi jüklinidu. Ularniŋ vzvodi Mojaysk liniyasini qoğdaşqa qatnişidu.

Abdulla Roziev Germaniyagiçä berip, 9-May – Ğalibiyät künini Saarbryuken şähiridä qarşi alidu.

U җäŋlärdä kšrsätkän җasariti üçün kšpligän orden vä medal'lar  bilän mukapatlanğan. Abdulla Roziev uruştin keyin Almutida yaşaydu. U altä pärzänt tepip, ulardin 14 nävrä vä 9 çävrä sšyidu.

A.Roziev 1948-jildin tartip däsläp basmihanida, andin «Yeŋi hayat» jurnaliniŋ redaktsiyasidä korrektor bolup işläydu. 1957-jildin 1984-jilğiçä şähärdiki 2-nan zavodida ämgäk qilip, hšrmätlik däp elişqa çiqidu. U šziniŋ ämgäksšygüçlügi vä aqkšŋüllügi bilän käsipdaşliriniŋ sämimiy hšrmitigä sazavär boldi.

A.Roziev matematika pänigä bolğan qiziqişini hayatiniŋ ahiriğiçä saqlap, uni šziniŋ pärzänt vä nävrilirigä ügätti. Atimiz bizdä şahmat oyuniğa degän qiziqişnimu oyğatti.

Abdulla Roziev eğir, lekin munasip hayat yolini besip štti. Ailimiz här jili 9-Mayda qoş mäyräm – Ğalibiyät küni vä atimizniŋ tuğulğan künini nişanlaş üçün dästihan ätrapiğa җäm bolup, šz äslimilirimiz bilän bšlüşimiz.

Adil ROZİEV. Almuta şähiri.

Bälüşüş