Bizniŋ «İliya Bähtiya»

0
361 ret oqıldı

Mana mäktäpni pütärginimizgimu 55 jil boptu. Bizniŋ sinipta 18 bala bar edi. Һazir onimiz qaptimiz. Yoşurup nemä qilimiz, oyun- tamaşä arqida qelip, šlüm-jitimda uçrişidiğan bolduq. Biyil meniŋ yänä bir sinipdişim häm qädinas ağinäm hayattin štti. Һelimu yadimda, biz 6-sinipqa kšçkändä, arimizğa bir bala kelip qoşuldi. U täğdir täqäzasi bilän tarihiy vätinimizdin bizniŋ Ğalҗatqa kšçüp çiqqan Mähsüt isimliq qerindişimiz edi. Familiyasi — Munarov. Keyin uni hämmimiz «Munar Mähsüt» däydiğan bolduq.  Uniŋ ikkinçi juti bolğan Ğalҗatta çoŋ-kiçikniŋ hämmisi  şundaq atatti.

Mähsüt sinipimizğa kirgän kündin başlap, arimizğa huddi qumğa su säpkändäk, siŋipla kätti. Çünki u yahşi oqatti, andin sšzgä çeçän, hazirҗavap vä nahayiti qavul jigit bolidiğan. Keyin uniŋ yänä bir hüniri häqqidä bilduq. Mähsüt şeir yazidekän. Bu ustazimiz, ataqliq şair Һezim İskändärovqimu yeqip kätti. Şair Mähsütniŋ iҗadiyitigä iҗabiy bahasini berip, uni šziniŋ ğämhorluğiğa aldi. Şuŋlaşqimu u Һezim akini: «Meniŋ häm ädäbiyatiki ustazim» dätti.

Mäktäptin keyin Mähsüt, başqilar ohşaş, bilim elişqa intilmidi. Hatalaşmisam, u 1964-jili šyländi. Räpiqisi — jutumizniŋ qizi Gülväräm. İkkisi bäş oğul, tšrt qiz tapti. Bilidiğinim, mäktäpni pütirip Mähsüt kolhozniŋ işiğa beşiçila kirişip kätti. Uniŋ qilmiğan oqiti qalmidi. Qoymu baqti, kätmänmu çapti. Ahiri traktormu haydidi. Äŋ ävzili, qäyärdä jürmisun, qolidin qälimini taşlimidi. Mähsüt toy-tškün, tävällud vä başqa märasimlarda şeirlirini oqup beridiğan. Bolupmu uniŋ häzil arilaş yezilğan şeirliri jutdaşlirimğa bäk yaqatti. U җämiyitimizdä yüz berivatqan bäzi sälbiy kšrünüşlärni štkür qälimi arqiliq tänqit qilatti. Uniŋ jutdaşlar, dostlar, haraq toğriliq yezilğan bäzi şeirlirini kšpçilik yadqa bilidu. Ağinämniŋ poeziyadiki yeziş uslubi ataqliq şair İliya Bähtiyaniŋkigä ohşap ketidiğan. Buni İliyakam aŋlap, Mähsüt ikkisi Ğalҗatta uçrişip, helä muŋdaşqanliğini bilimiz. Şu kündin başlap uni işäşlik «Bizniŋ İliya Bähtiya» däydiğan bolduq. Mana şuniŋdin keyin jutumizğa kšpligän yazğuçi-şairlar izdäp kelidiğan boldi. Yaşliğida Mähsütniŋ yazğanlirini toplam qilip çiqirişi oyi bolidiğan. Nemişkidu, ağinämniŋ bu armanliri ämälgä aşmay qaldi.

Ağinämniŋ yänä bir esil hisliti şuki, ta hayatiniŋ ahiriğiçä juttiki bir adämni «sän» däp ränҗitkän ämäs. Andin u oyun-tamaşigä bäk yeqin edi. «Adaş, bu duniya hämmimizdin qalidu» däydiğan. Rast, bu duniya kimlärdin qalmiğan? Bäzilär hayattin štüp, üç kündin keyin untulup ketidu. Mähsüt ağinämniŋ yahşi gepi, yazğan şeirliri qaldi. Uni biz heçqaçan untumaymiz.

Tohtamuş SASİQOV. Uyğur nahiyäsi.

Bälüşüş